Gold and Silver Price: સોમવારે દિલ્હીમાં સોના અને ચાંદીના ભાવમાં ઘટાડો થયો હતો. ઓલ ઈન્ડિયા સરાફા એસોસિએશનના જણાવ્યા અનુસાર, સોમવારે દિલ્હી બુલિયન માર્કેટમાં ચાંદીનો ભાવ રૂપિયા 1,800 (લગભગ 1 ટકા) ઘટીને રૂપિયા 2,45,200 પ્રતિ કિલો થયો હતો.
ગયા અઠવાડિયે શુક્રવારે ચાંદીનો ભાવ રૂપિયા 2,47,000 પ્રતિ કિલો પર બંધ થયો હતો. ચાંદીની સાથે, આજે 99.9 ટકા શુદ્ધતા ધરાવતું સોનું પણ રૂપિયા 300ના નજીવા ઘટાડા સાથે રૂપિયા 1,55,000 પ્રતિ 10 ગ્રામ પર બંધ થયું હતું. ગયા અઠવાડિયે શુક્રવારે સોનાનો ભાવ રૂપિયા 1,55,300 પ્રતિ 10 ગ્રામ પર બંધ થયો હતો.
આંતરરાષ્ટ્રીય બજારમાં હાજર ચાંદીના ભાવમાં 2.09 ટકાનો ઘટાડો થયો હતો. સોમવારે સોના અને ચાંદીના ભાવ નીચા સ્તરે ખુલ્યા હતા કારણ કે અમેરિકા અને ઈરાન વચ્ચે યુદ્ધવિરામ વાટાઘાટો અનિર્ણિત રહી હતી.
તેમણે ઉમેર્યું હતું કે વાટાઘાટોમાં આ વિક્ષેપ બજારના સેન્ટિમેન્ટ પર અસર કરે છે, જેના કારણે યુએસ ડોલર અને ટ્રેઝરી યીલ્ડમાં સુધારો થયો છે. આંતરરાષ્ટ્રીય બજારમાં હાજર ચાંદી $1.58 (2.09 ટકા) ઘટીને $74.31 પ્રતિ ઔંસ થઈ ગઈ છે, જ્યારે હાજર સોનાનો ભાવ $25.92 ઘટીને $4,722.26 પ્રતિ ઔંસ થયો છે.
રોકાણકારોએ સોનામાં નફો બુક કર્યો
આજે સોનામાં નફારૂપી વેચવાલી જોવા મળી હતી.આનું કારણ એવા અહેવાલો છે કે અમેરિકા હોર્મુઝ સ્ટ્રેટને સુરક્ષિત કરવા માટે તેની સેના તૈનાત કરવાનું અને માર્ગને સંપૂર્ણપણે બંધ કરવાનું વિચારી શકે છે.