Gold Silver Price Hike: આ અઠવાડિયે સોના અને ચાંદીના ભાવમાં ઉછાળો જોવા મળ્યો છે. સોનાના ભાવ પ્રતિ 10 ગ્રામ રૂપિયા 2,300 થી વધુ અને ચાંદીના ભાવ પ્રતિ કિલો લગભગ 8000 નો વધારો થયો છે.
ઇન્ડિયા બુલિયન જ્વેલર્સ એસોસિએશન (IBJA) ના જણાવ્યા પ્રમાણે 24 કેરેટ સોનાનો ભાવ વધીને રૂપિયા 1,55,066 પ્રતિ 10 ગ્રામ થયો છે, જે ગયા અઠવાડિયાના આ જ દિવસે રૂપિયા 1,52,765 પ્રતિ 10 ગ્રામ હતો. આ દર્શાવે છે કે છેલ્લા અઠવાડિયામાં સોનાના ભાવમાં રૂપિયા 2,301 પ્રતિ 10 ગ્રામનો વધારો થયો છે.
22 કેરેટ સોનાનો ભાવ પ્રતિ 10 ગ્રામ 1,42,040 (Gold Price Hike)થયો છે, જે અગાઉ રૂપિયા 1,39,933 હતો. દરમિયાન 18 કેરેટ સોનાનો ભાવ પ્રતિ 10 ગ્રામ 1,14,574 થી વધીને 1,16,300 થયો છે.
સોના સાથે ચાંદીના ભાવમાં તેજી
સોનાની સાથે ચાંદી(Silver Price Hike)ના ભાવ પણ વધી રહ્યા છે. ચાંદીના ભાવ એક અઠવાડિયામાં રૂપિયા 7,881 વધીને રૂપિયા 2,50,314 પ્રતિ કિલો થયા છે, જે ગયા સપ્તાહે રૂપિયા 2,42,433 પ્રતિ કિલો હતા.
હાજર બજારમાં 20 ફેબ્રુઆરીએ 24 કેરેટ સોનાનો ભાવ રૂપિયા 1,55,066 પ્રતિ 10 ગ્રામની ઊંચી સપાટીએ પહોંચ્યો હતો. 17 ફેબ્રુઆરીએ સૌથી નીચો ભાવ રૂપિયા 1,51,195 પ્રતિ 10 ગ્રામ હતો.
20 ફેબ્રુઆરીએ ચાંદીનો ભાવ પ્રતિ કિલોગ્રામ 2,50,314 રૂપિયાની ઊંચી સપાટીએ પહોંચ્યો હતો. 17 ફેબ્રુઆરીએ સૌથી ઓછો ભાવ 2,32,955 રૂપિયા પ્રતિ કિલોગ્રામ નોંધાયો હતો.
આ અઠવાડિયે આંતરરાષ્ટ્રીય સ્તરે સોના અને ચાંદીના ભાવમાં પણ વધારો જોવા મળ્યો છે. સોના અને ચાંદીના ભાવ અનુક્રમે $5,080.90 પ્રતિ ઔંસ અને 82.343 ડોલર પ્રતિ ઔંસ પર ટ્રેડ થઈ રહ્યા હતા, જે એક અઠવાડિયા પહેલા 5,046.30 ડોલર પ્રતિ ઔંસ અને 77.96 ડોલર પ્રતિ ઔંસ હતા.
આ અઠવાડિયે સોના અને ચાંદીના ભાવમાં વધારો(Gold Silver Price Hike Today) અમેરિકા અને ઈરાન વચ્ચે વધતા તણાવને કારણે હોવાનું માનવામાં આવે છે, જેના કારણે કિંમતી ધાતુઓના ભાવમાં વધારો થયો છે.