Gold Silver Rate on 22 February: અત્યારે લગ્ન સિઝન ચાલી રહી છે અને સોના-ચાંદીની કિંમતોએ મોટો ઝાટકો આપ્યો છે. 22 ફેબ્રુઆરી 2026ના રોજ સોના અને ચાંદીની કિંમતોમાં ભારે તેજી જોવા મળી છે. અમેરિકાના રાષ્ટ્રપતિ ડોનાલ્ડ ટ્રમ્પના નવા ગ્લોબલ ટેરિફ તથા વૈશ્વિક અનિશ્ચિતતાને લીધે કિંમતોમાં સતત તેજી જોવા મળી રહી છે. તેને લીધે લગ્નમાં સોના-ચાંદીની ખરીદી પાછળનો ખર્ચ ખૂબ જ વધી ગયો છે.
આંતરરાષ્ટ્રીય બજારમાં ભાવ શું છે?
હાજર બજારમાં સોનાના ભાવ 1.5% વધીને 5071.48 ડોલર પ્રતિ ઔંસ થયા છે. એપ્રિલ ડિલિવરી માટે અમેરિકાનો સોનાનો વાયદો પણ 1.7% વધીને 5080.90 ડોલર પર બંધ થયો છે. આર્થિક અને ભૂરાજકીય અનિશ્ચિતતાના સમયમાં સોનાને સલામત રોકાણ માનવામાં આવે છે, તેથી નીચા વ્યાજ દરો તેની માંગમાં વધારો કરી રહ્યા છે.
ચાંદી(Silver)ના ભાવમાં પણ ઉછાળો આવ્યો છે. હાજર ચાંદી 5.8% વધીને 82.92 ડોલર પ્રતિ ઔંસ થઈ. હાજર પ્લેટિનમ ૪.૫% વધીને $૨૧૬૩.૫૩ અને પેલેડિયમ ૪% વધીને 1751.70 ડોલર પ્રતિ ઔંસ થયા છે.
લગ્ન ખર્ચમાં લાખોનો વધારો
ભારતમાં લગ્નમાં સોનું અને ચાંદી ભેટમાં આપવાને એક પરંપરા માનવામાં આવે છે. જ્યારે પરિવારો સામાન્ય રીતે લગ્નની મોસમમાં 50-100 ગ્રામ સોનું ખરીદે છે ત્યારે તેઓ હવે લાખો રૂપિયા વધુ ખર્ચ કરી રહ્યા છે. તેનાથી લગ્નનો ખર્ચ વધી ગયો છે. સામાન્ય લોકો માટે લગ્નમાં સોનું ભેટમાં આપવું લગભગ અશક્ય બની ગયું છે. પરિણામે તેઓ ઓછા કેરેટનું સોનું ખરીદી કરવા તરફ વળ્યા છે.
લગ્ન માટે સોનું ખરીદનારાઓ માટે સલાહ
હાલમાં કિંમતો ઊંચી છે પરંતુ વધઘટ ચાલુ રહે છે. જો જરૂરી હોય તો ઓછી માત્રામાં ખરીદો અથવા ડિજિટલ સોનું/SIPs અંગે વિચાર કરો.