Budget 2026 Corporate Reaction: નાણાં પ્રધાન નિર્મલા સીતારમણે(Finance Minister Nirmala Sitharaman) 1લી ફેબ્રુઆરીના રોજ કેન્દ્રીય બજેટ રજૂ કર્યું છે. તેમણે જણાવ્યું છે કે ઈનકમ ટેક્સનો નવો કાયદો 1લી એપ્રિલ,2026થી લાગુ થશે. આ સાથે બજેટ દરખાસ્તોમાં દેશના અર્થતંત્રને વેગ આપવા માટે અનેક મહત્વના પગલાં ભરવામાં આવ્યા છે.
વિવિધ સેક્ટરમાં ઉત્પાદકતા વધારવા તથા રોજગારીનું સર્જન કરવા માટે પર્યાપ્ત વાતવરણનું સર્જન કરવા પર ભાર આપવા ઉપરાંત 21મી સદીમાં ટેકનોલોજીને પ્રોત્સાહનને પણ પ્રાધાન્યતા આપવામાં આવી છે. દેશના વિવિધ ઉદ્યોગજગતના નિષ્ણાતો, દિગ્ગજો તથા થિંક ટેંક દ્વારા બજેટ અંગે પોતાના વિચારો રજૂ કર્યાં છે.
અનિલ અગ્રવાલ, ચેરમેન-વેદાંતા લિમિટેડ (Anil Agarwal, Chairman - Vedanta Ltd)
આ બજેટ વિકાસલક્ષી બજેટ છે જેમાં જાહેર મૂડી ખર્ચ વધારવા અને ઉત્પાદનને વેગ આપવા પર સ્પષ્ટ ધ્યાન કેન્દ્રિત કરવામાં આવ્યું છે. આ બજેટ યુવાનો માટે તેમની આજીવિકા સુધારવા, મહિલાઓને આર્થિક રીતે સ્વતંત્ર બનાવવા અને તબીબી પર્યટન જેવા રોજગાર-સઘન ક્ષેત્રોને વેગ આપવા માટે તકોનું સર્જન કરે છે.
SEZમાં સુગમતા અંગેની જાહેરાત કરવામાં આવી છે તે સ્થાનિક બજારમાં કેટલાક વેચાણને મંજૂરી આપશે તે એક મહત્વનું ઉત્તમ પગલું છે. હું પ્રધાનમંત્રી અને નાણાંમંત્રીને અનિશ્ચિતાથી ભરેલા આ સમયમાં ખૂબ જ સ્થિર પણે ભારતીય અર્થતંત્રનું નેતૃત્વ આગળ વધારવા બદલ અભિનંદન આપું છું.
સંજય કૌલ, મેનેજિંગ ડિરેક્ટર અને ગ્રૂપ સીઇઓ, ગિફ્ટ સિટી (Sanjay Kaul, Managing Director and Group CEO, GIFT City)
ગિફ્ટ સિટીના મેનેજિંગ ડિરેક્ટર અને ગ્રૂપ સીઇઓ સંજય કૌલે કેન્દ્રીય બજેટ અંગે પ્રતિક્રિયા આપતાં કહ્યું હતું કે આ બજેટ ગિફ્ટ સિટીમાં ભારતના પ્રથમ ઇન્ટરનેશનલ ફાઇનાન્સિયલ સર્વિસિસ સેન્ટરમાંથી કામ કરતી સંસ્થાઓને લાંબાગાળાની ટેક્સ નિશ્ચિતતા પૂરી પાડે છે, જેનાથી દેશની ઓફશોર ફાઇનાન્સિયલ સ્પર્ધાત્મકતાને નોંધપાત્ર બળ મળશે.
ટેક્સ ડિડક્શનની મુદ્દત અગાઉના 15 વર્ષમાં 10 વર્ષથી વધારીને હવે 25 વર્ષમાં 20 વર્ષ કરવામાં આવી છે અને ત્યારબાદ સ્પષ્ટપણે નિર્ધારિત 15 ટકા ટેક્સ રેટ ગ્લોબલ ફાઇનાન્સિયલ ઇન્સ્ટિટ્યૂશન્સ અને રોકાણકારોને વધુ સ્પષ્ટતા અને અંદાજ પૂરો પાડે છે, જેના આધારે તેઓ લાંબાગાળાના પરિપ્રેક્ષ્યમાં સ્થળની પસંદગી અને મૂડી ફાળવણી સંબંધિત નિર્ણયો લેતાં હોય છે.નીતિમાં સ્થિરતા ભારતીય અધિકારક્ષેત્રમાં ગિફ્ટ સિટીની વૈશ્વિક સ્તરે સ્પર્ધાત્મક ફાઇનાન્સિયલ હબ તરીકેની ઉપસ્થિતિને મજબૂત કરે છે તેમજ બેંકો, ફંડ મેનેજર્સ, એક્સચેન્જીસ અને અન્ય આઇએફએસસી સહભાગીઓના વિશ્વાસમાં વધારો કરે છે.
મિહિર જોશી, એમડી, GVFL(Mihir Joshi, MD, GVFL)
આ બજેટ ભારતના વિકાસના આગામી ચરણ માટે એક મજબૂત રોડમેપ રજૂ કરે છે. નાણાકીય સમજદારી સુનિશ્ચિત કરવાની સાથે-સાથે મેન્યુફેક્ચરિંગ, ઈન્ફ્રાસ્ટ્રક્ચર અને સ્ટ્રકચરલ સુવિધાઓ પર સ્પષ્ટ રીતે ધ્યાન કેન્દ્રિત કરવામાં આવ્યું છે. 10,000 કરોડ રૂપિયાનું સમર્પિત SME ગ્રોથ ફંડ, આત્મનિર્ભર ભારત ફંડ માટે વધુ ફાળવણી, PLI-લિન્ક્ડ સેક્ટરનું વિસ્તરણ અને સતત જાહેર મૂડીખર્ચ જેવા પગલાં, સ્ટાર્ટઅપ અને રોકાણના ઇકોસિસ્ટમને મજબૂતી આપશે. નાણાકીય ક્ષેત્ર પર ફોકસ અને વિદેશી રોકાણની સરળતાથી મૂડી ઉપલબ્ધતામાં મદદ મળશે. બજેટ મહત્વાકાંક્ષા અને સ્થિરતા વચ્ચે યોગ્ય સંતુલન સ્થાપિત કરે છે, જે ટેરિફ અને અન્ય હાલના વૈશ્વિક પડકારોને જોતાં આજના સમયની જરૂરિયાત છે. આ બજેટ લાંબાગાળાના, નવીનતા-આધારિત વિકાસ બજાર તરીકે ભારતમાં રોકાણકારોના વિશ્વાસને મજબૂત બનાવે છે.
સંજય સિંગલ, સીઈઓ-વાઘ બકરી ટી ગ્રુપ (Sanjay Singal, CEO-Wagh Bakri Tea Group)
આ બજેટ ખેડૂત-કેન્દ્રિત વિવિધ પહેલ, ઈન્ફ્રાસ્ટ્રક્ચર ક્ષેત્રે રોકાણો અને ટેકનોલોજી અપનાવવાના સંયોજન દ્વારા કૃષિ અને FMCG વચ્ચેના મહત્વપૂર્ણ જોડાણને મજબૂત બનાવે છે. કૃષિ ઉત્પાદકતામાં સુધારો કરવા, જોખમ ઘટાડવા અને બજારની પહોંચ વધારવાના ઉદ્દેશ્ય સાથે બજેટમાં લેવામાં આવેલા પગલાં, ચા જેવા વાવેતર પાકોને લાભ આપશે. આ ઉપરાંત, ગ્રામીણ આવક, મહિલા-નેતૃત્વ હેઠળના સાહસો અને MSME ધિરાણની સુધારેલી પહોંચ પર ફોકસ કરવામાં આવ્યું છે.
લોજિસ્ટિક્સ, ફ્રેઇટ કોરિડોર અને કસ્ટમ પ્રોસેસને સરળ બનાવવામાં રોકાણ વધારવાથી સપ્લાય ચેઇનની કાર્યક્ષમતા અને નિકાસ સ્પર્ધાત્મકતામાં સુધારો થવાની અપેક્ષા છે. એગ્રીસ્ટેક પોર્ટલ અને ICAR ના કૃષિજ્ઞાનને જોડતાં 'ભારત-વિસ્તાર'નું લોન્ચીંગ, ઉત્પાદકતામાં વધુ વધારો કરી શકે છે અને ખેતીવાડીના જોખમોને ઘટાડી શકે છે.
બિપિન હદવાણી, સ્થાપક-ગોપાલ સ્નેક્સ (Bipin Hadwani, Founder-Gopal Snacks)
બજેટ 2026-27 કૃષિ, ફૂડ પ્રોસેસિંગ અને વપરાશ-આધારિત ગ્રોથ માટે સંતુલિત અભિગમ દર્શાવે છે. ખેડૂતોની આવક સુધારવા, કૃષિ-મૂલ્ય શૃંખલાઓને મજબૂત બનાવવા અને 'ભારત-વિસ્તાર' જેવી પહેલ દ્વારા ટેકનોલોજીનો લાભ લેવાના હેતુથી લેવામાં આવેલા પગલાંઓ, ઉત્પાદકો અને FMCG ખેલાડીઓ માટે લાભદાયી નિવડશે. ઈન્ફ્રાસ્ટ્રક્ચર અને લોજિસ્ટિક્સમાં રોકાણ વધારવાથી ખર્ચ ઘટાડવામાં અને ખાદ્ય ઉત્પાદનો માટે બજારની પહોંચ સુધારવામાં મદદ મળશે. ગ્રામીણ ઉદ્યોગસાહસિકતા અને મહિલા-નેતૃત્વ હેઠળના ઉદ્યોગો પર ભાર મૂકવાથી અર્ધ-શહેરી અને ગ્રામીણ બજારોમાં માંગ વધારવામાં મદદ મળશે.
નીરવ મહેતા, મેનેજિંગ ડિરેક્ટર અને સીઇઓ-કોરોના રેમેડીઝ (Nirav Mehta, Managing Director and CEO-Corona Remedies)
યૂનિયન બજેટ 2026 ભારતના ફાર્માસ્યુટિકલ અને બાયોફાર્મા ક્ષેત્ર માટે એક મહત્વપૂર્ણ પરિવર્તનનો માઇલસ્ટોન સાબિત થાય છે. રૂપિયા 10,000 કરોડના ‘બાયોફાર્મા શક્તિ’ કાર્યક્રમની શરૂઆત સાથે જૈવિક દવાઓ અને બાયોસિમિલર્સના સ્થાનિક ઉત્પાદનને મજબૂત બનાવવાનો સ્પષ્ટ દ્રષ્ટિકોણ રજૂ થયો છે, જે ભારતને વૈશ્વિક સ્તરે નવીનતા અને ઉત્પાદનના હબ તરીકે સ્થાપિત કરશે.
ભારતમાં ડાયાબિટીસ, કેન્સર અને ઑટોઇમ્યુન જેવી અ-સંચારી બીમારીઓનો ભાર સતત વધી રહ્યો છે. આ પરિસ્થિતિમાં એડવાન્સ થેરાપી પર ભાર, ક્લિનિકલ ટ્રાયલ ઈન્ફ્રાસ્ટ્રક્ચરનું વિસ્તરણ, નવા NIPER સંસ્થાનો વિકાસ અને મજબૂત CDSCO માળખા દ્વારા ઝડપી નિયમનકારી મંજૂરીઓ સંશોધન અને સ્કેલ-અપ પ્રક્રિયાને ઝડપી બનાવશે તથા દર્દીઓને આધુનિક સારવાર વહેલી તકે ઉપલબ્ધ થશે. આ સાથે જીવનરક્ષક દવાઓ પર કસ્ટમ્સ ડ્યુટીમાં રાહત, મેડિકલ ટુરિઝમ હબ્સની સ્થાપના અને એલાઇડ હેલ્થકેર વર્કફોર્સમાં રોકાણ જેવી પહેલો આરોગ્યસેવાને વધુ સસ્તી, સુલભ અને ગુણવત્તાયુક્ત બનાવવા માટે એક સર્વાંગી અભિગમ દર્શાવે છે.આ સુધારાઓથી ભવિષ્યમાં દવાઓના વિકાસથી લઈને બજારમાં પહોંચવાનો સમય ઘટશે, આયાત પરની નિર્ભરતા ઓછી થશે અને સમગ્ર ભારતમાં—ખાસ કરીને ગંભીર અને દીર્ઘકાલીન રોગોથી પીડાતા દર્દીઓ માટે—આધુનિક અને સસ્તી સારવાર વધુ વ્યાપક રીતે ઉપલબ્ધ બનશે.
કુરાંગ પંચાલ, મેનેજિંગ ડિરેક્ટર-રાજેશ પાવર સર્વિસ લિમિટેડ (Kurang Panchal, Managing Director-Rajesh Power Services Limited)
કેન્દ્રીય બજેટ અંગે પોતાની પ્રતિક્રિયા વ્યક્ત કરતાં કુરાંગ પંચાલ, મેનેજિંગ ડિરેક્ટર, રાજેશ પાવર સર્વિસ લિમિટેડે જણાવ્યું હતું કે નિયન બજેટ 2026-27 જાહેર રોકાણ અને લાંબાગાળાની એનર્જી સુરક્ષા થકી ભારતના પાવર સેક્ટરને વધુ મજબૂત બનાવવા સરકારની સ્પષ્ટ પ્રતિબદ્ધતા દર્શાવે છે. માળખાગત સુવિધાઓના વિકાસ અને શહેરી વિકાસને આપવામાં આવેલું મહત્વ ટ્રાન્સમિશન અને વિતરણ નેટવર્કમાં ચાલી રહેલા આધુનિકીકરણને મજબૂત આધાર આપશે. વીજ માંગમાં વધારો અને રિન્યૂએબલ એનર્જીના ઝડપી વિસ્તરણ વચ્ચે, આ પગલાં નેટવર્કની રેસીલિએન્સ વધારવા, આઉટેજ ઘટાડવા અને દેશભરમાં વિશ્વસનીય વીજ પુરવઠો સુનિશ્ચિત કરવા માટે કરવામાં આવતા રોકાણોને અનુકૂળ માહોલ પૂરો પાડે છે.
આસિફ હિરાણી, મેનેજીંગ ડિરેક્ટર- ટ્રેડબુલ્સ સિક્યૂરિટીઝ (Asif Hirani, Managing Director -Tradebulls Securities)
યુનિયન બજેટ 2026–27 વૈશ્વિક અનિશ્ચિતતાઓ વચ્ચે માળખાગત વિકાસને પ્રાથમિકતા આપવા સાથે સંતુલિત અભિગમ રજૂ કરે છે, જે સ્થિર આર્થિક વૃદ્ધિને આધાર આપશે. આ બજેટ લોકપ્રિય નહિ રહેતાં માળખાગત સુધારાઓ પર ભાર મૂકે છે. બજેટ નાણાકીય ખાધને નિયંત્રિત રાખવાનો મજબૂત નિર્ધાર રજૂ કરવા સાથે ઉત્પાદક ખર્ચ માટે પૂરતી જોગવાઈ જાળવી રાખે છે. માળખાકીય વિકાસ, ઉત્પાદન, સેમિકન્ડક્ટર્સ અને MSME ક્ષેત્રોમાં મોટું પ્રોત્સાહન દર્શાવે છે કે સરકાર ક્ષમતા નિર્માણ પર દાવ લગાવી રહી છે, જે ભારતની વિકાસ યાત્રાને સતત ગતિ આપતું રહેશે.
મંજુલા પૂજા શ્રોફ, કેલોરેક્સના સ્થાપક અને સીઈઓ (Manjula Pooja Shroff, Founder And CEO-Calorex)
વચગાળાના સમયગાળા દરમિયાન સંભવિત બિન-અનુપાલન અને મુકદ્દમાનું જોખમ : આવશ્યક તૈયારી અને અમલીકરણના સમય વગર લેબર કોડ(શ્રમ સંહિતા) અચાનક અસરકારક બનાવવામાં આવ્યો હતો. નોકરી પ્રદાતાઓ અસ્પષ્ટ જોગવાઈઓનું પાલન નહીં કરવા બાબતના જોખમ, વિવાદ અને મુકદ્દમાના જોખમ અંગે ચિંતિત છે. સામાન્ય રીતે, ઈન્ડસ્ટ્રી સંચાલકોને પાલન કરવા માટે વધુ સમય અને સપોર્ટીવ રેગ્યુલેટરી અને ઇન્ફોર્સમેન્ટ માઈન્ડસેટની અપેક્ષા હોય છે.'ઓરેન્જ ઈકોનોમી' હાઈ સ્કૂલ અને કોલેજોમાં કન્ટેન્ટ લેબ્સની સ્થાપના ભવિષ્યની જરૂરિયાતોને ધ્યાનમાં રાખીને એક સ્વાગતયોગ્ય પગલું છે.
સુધીર નાણાવટી, પ્રમુખ, GLS યુનિવર્સિટી(Sudhir Nanavati, President-GLS University)
આ કેન્દ્રીય બજેટમાં શિક્ષણ, કૌશલ્ય અને શિક્ષણથી રોજગાર તરફના પરિવર્તન પર ધ્યાન કેન્દ્રિત કરવામાં આવ્યું છે. ઈન્ડસ્ટ્રીયલ કોરિડોર નજીક યુનિવર્સિટી ટાઉનશીપનો પ્રસ્તાવ, STEM ઈન્ફ્રાસ્ટ્રક્ચર પર વધુ ફોકસ અને મહિલા વિદ્યાર્થીઓ માટે લક્ષિત સમર્થન ઉચ્ચ શિક્ષણના પરિણામોમાં ચોક્કસ સુધારો કરશે. શિક્ષણને ઉદ્યોગની જરૂરિયાતો, સર્વિસ-આધારિત વિકાસ અને ઉભરતી ટેકનોલોજી સાથે જોડવા પર ભાર આપવું પ્રોત્સાહક છે.
શાળાઓ અને કોલેજોમાં AVGC કન્ટેન્ટ ક્રિએટર લેબ્સની સ્થાપના જેવી પહેલ ભવિષ્ય માટે તૈયાર અભિગમનો સંકેત આપે છે. આ પગલાંથી, શૈક્ષણિક સંસ્થાઓને વિદ્યાર્થીઓને ઝડપથી બદલાતી અર્થવ્યવસ્થાને અનુરૂપ કૌશલ્યોથી સજ્જ કરવામાં મદદ મળશે.
શેખર પટેલ, એમડી અને સીઈ-ગણેશ હાઉસિંગ લિમિટેડ (Shekhar Patel, MD and CE-Ganesh Housing Limited)
કેન્દ્રીય બજેટ 2026 એ વિકસિત ભારતના વિઝનના કેન્દ્રમાં ટિઅર-2 અને ટિઅર-3 શહેરોને રાખતાં ભારતના ગ્રોથ અભિગમમાં સ્પષ્ટ પરિવર્તનને વેગ આપે છે. એઆઈ અને ટેકનોલોજીમાં ડિજિટલ ક્ષમતાનું નિર્માણ કરતાં માળખાગત વિકાસ, એમએસએમઈ વિસ્તરણ, મેન્યુફેક્ચરિંગ, અને સેમીકંડક્ટર ઈકોસિસ્ટમ પર ધ્યાન કેન્દ્રિત કરે છે. જે રોજગાર સર્જન અને એન્ટરપ્રાઈઝના ગ્રોથનો પાયો મજબૂત બનાવે છે.રિયલ એસ્ટેટ સેક્ટર માટે બજેટમાં જોડાણો, મૂડીની જરૂરિયાતો અને આયોજિત શહેરીકરણની આસપાસના લાંબાગાળાના મૂળભૂત સિદ્ધાંતોમાં સુધારો કરે છે. અમદાવાદ જેવા શહેરોને સરકારના આ અભિગમનો નોંધપાત્ર લાભ મળશે. મજબૂત ઔદ્યોગિક આધાર, શહેરી ઈન્ફ્રાસ્ટ્રક્ચરમાં સુધારો તેમજ બિઝનેસ, પ્રતિભા અને સંસ્થાકીય મૂડી માટે શ્રેષ્ઠ સ્થળ તરીકેની ઉભરતી માગના કારણે અમદાવાદના રિયલ એસ્ટેટ બજારનો ગ્રોથ વેગવાન બનશે.
ડિજિટલ જાહેર માળખાગત સુવિધાઓ અને ટેકનોલોજી આધારિત નીતિ-નિયમો પર ભાર મૂકતાં તે આ પ્રકારના શહેરોમાં રિયલ એસેટ્સનું આયોજન, વિકાસ અને સંચાલનને નવો આકાર આપશે. તે વધુ કાર્યક્ષમ અને ભવિષ્ય માટે સજ્જ શહેરી ઇકોસિસ્ટમને ટેકો આપશે.એન્ટરપ્રાઈઝિસ, ટેક્નોલોજી આધારિત કંપનીઓ અને જીસીસી તેમના ભૌગોલિક ફૂટપ્રિન્ટનું વૈવિધ્યીકરણ કરશે. ઉભરતા બજારોમાં સુઆયોજિત, સુસંગત રેસિડેન્શિયલ અને કોમર્શિયલ ડેવલપમેન્ટ્સની માગ વધશે. બજેટ-2026 ડેવલપર્સને વિશ્વસનીય રોકાણ, આર્થિક વિકાસ સાથે પુરવઠાને સંરેખિત કરવા માટે જરૂરી નીતિ સ્થિરતા અને અમલીકરણની જરૂરિયાતો પૂરી પાડે છે. જે શહેરી અને આર્થિક પરિવર્તનને સંતુલિત કરતાં આગામી તબક્કાને ટેકો આપે છે.
ભાવેશ વર્મોરા, ચેરમેન અને મેનેજિંગ ડિરેક્ટર-વર્મોરા ગ્રુપ(Bhavesh Vermora, Chairman and Managing Director, Vermora Group)
કેન્દ્રિય બજેટ 2026–27 ભારત માટે સ્પષ્ટ અને પ્રોત્સાહક વિકાસનો માર્ગ દર્શાવે છે, જેમાં ઇન્ફ્રાસ્ટ્રક્ચર, ઉત્પાદન અને સર્વસમાવેશક વિકાસ પર મજબૂત ભાર મૂકવામાં આવ્યો છે. રૂપિયા 12.2 લાખ કરોડના વધારેલા જાહેર મૂડી ખર્ચથી કનેક્ટિવિટી, લોજિસ્ટિક્સ અને શહેરી ઇન્ફ્રાસ્ટ્રક્ચરને સીધો લાભ મળશે, જેના કારણે બાંધકામ અને બિલ્ડિંગ મટિરિયલ્સ ક્ષેત્રમાં સકારાત્મક ગતિ સર્જાશે.
હાઈ-સ્પીડ રેલ, આંતરિક જળમાર્ગો અને ટેક્નોલોજી આધારિત ઔદ્યોગિક વિકાસ પર સતત ધ્યાન આપવાથી આ ક્ષેત્રમાં લાંબા ગાળાની દૃશ્યતા અને માંગ માટે વિશ્વાસ ઊભો થાય છે. સ્થાનિક ઉત્પાદન અને મજબૂત સપ્લાય ચેઇનને મજબૂત બનાવવાની બજેટની દિશા—ખાસ કરીને MSME અને એડવાન્સ્ડ મેન્યુફેક્ચરિંગ માટેના સમર્થન સાથે—અતિ આવકાર્ય છે. નવીનતા, ઇઝ ઑફ ડૂઇંગ બિઝનેસ અને વ્યાપક આર્થિક વિકાસ પરનો ભાર રિયલ એસ્ટેટ, બાંધકામ અને શહેરી વિકાસ માટે અનુકૂળ વાતાવરણ સર્જે છે. કુલ મળીને, આ બજેટ ભારતની વિકસતી ઇન્ફ્રાસ્ટ્રક્ચર અને વિકાસ યાત્રામાં વ્યવસાયો અને હિતધારકોને સતત રોકાણ કરવા માટે આત્મવિશ્વાસ અને આશાવાદ પ્રેરે છે.
વિનીત બેડિયા, ચેરમેન અને મેનેજિંગ ડિરેક્ટર, સિલ્વર કન્ઝ્યુમર ઇલેક્ટ્રિકલ્સ લિમિટેડ (Vineet Bedia, Chairman and Managing Director, Silver Consumer Electricals Limited)
યુનિયન બજેટ 2026 ભારતના સ્વચ્છ ઊર્જા અને ઉત્પાદન એજન્ડાને મજબૂત બનાવવામાં સકારાત્મક પગલું છે. નવનિર્મિત ઊર્જા, ઊર્જા કાર્યક્ષમતા અને સ્થાનિક ઉત્પાદન પર સતત ભાર મૂકવાથી સોલાર, પાવર ઇલેક્ટ્રોનિક્સ, મોટર્સ, પમ્પ્સ અને લાઈટિંગ સોલ્યુશન્સ જેવા ક્ષેત્રોમાં કાર્યરત ઉદ્યોગોને વધુ સ્પષ્ટતા અને વિશ્વાસ મળે છે.
આ નીતિગત સ્થિરતા ઉત્પાદકોને લાંબા ગાળાના રોકાણોની યોજના બનાવવા, સ્થાનિક સપ્લાય ચેઇન મજબૂત કરવા અને આયાત પરની નિર્ભરતા ધીમે ધીમે ઘટાડવામાં મદદરૂપ થશે. MSME માટેના સમર્થન, ટેક્નોલોજી અપનાવા અને કુશળતા વિકાસ પરનો બજેટનો ભાર પણ ઉત્સાહજનક છે, કારણ કે તે સંગઠિત ઉત્પાદકોને ઓટોમેશન, લોકલાઇઝેશન અને નવીનતામાં રોકાણ કરવા માટે પ્રોત્સાહિત કરશે. કુલ મળીને, આ બજેટ ‘મેક ઇન ઇન્ડિયા’ અને ‘આત્મનિર્ભર ભારત’ના ઉદ્દેશો સાથે સુસંગત છે અને સ્થિર, વિકાસમુખી વાતાવરણ ઊભું કરી એક મજબૂત, ટકાઉ અને વૈશ્વિક સ્તરે સ્પર્ધાત્મક ઉત્પાદન ઇકોસિસ્ટમ રચવામાં સહાયક બનશે.
ડૉ.પ્રતાપ સી. રેડ્ડી, સ્થાપક અને ચેરમેન-એપોલો હોસ્પિટલ્સ (Dr.Prathap C Reddy, Founder and Chairman, Apollo Hospitals)
કેન્દ્રીય બજેટ 2026-27 એક આશ્વાસન આપતો સંદેશ આપે છે કે ભારતનો વિકાસ સ્વસ્થ નાગરિકો અને મજબૂત આરોગ્ય પ્રણાલીઓ પર આધારિત રહેશે. જાહેર આરોગ્ય ક્ષમતાના વિસ્તરણ, નિવારણને મજબૂત બનાવવા અને ટાયર-2 અને ટાયર-3 ભારતમાં સુલભતા સુધારવા પર સતત ધ્યાન કેન્દ્રિત કરવું એ વિકાસ ભારતના વિઝન સાથે સુસંગત છે.
બાયોફાર્મા શક્તિ દ્વારા ભારતના જીવન વિજ્ઞાન અને નવીનતા ઇકોસિસ્ટમને વધુ ગાઢ બનાવવા પર ભાર મૂકવામાં આવ્યો છે, જેમાં નવી અને અપગ્રેડેડ શિક્ષણ અને સંશોધન સંસ્થાઓ અને 1000 માન્યતા પ્રાપ્ત ક્લિનિકલ ટ્રાયલ સાઇટ્સનું રાષ્ટ્રવ્યાપી નેટવર્ક શામેલ છે. આ પગલાં અદ્યતન ઉપચારના વિકાસને વેગ આપશે અને આરોગ્યસંભાળ અને જીવન વિજ્ઞાન માટે વિશ્વસનીય વૈશ્વિક સ્થળ તરીકે ભારતની સ્થિતિને મજબૂત બનાવશે.
36 જીવનરક્ષક દવાઓની ડ્યુટી-ફ્રી ઍક્સેસ સહિત, પોષણક્ષમતામાં સુધારો કરવાના પગલાં દર્દીઓ માટે નાણાકીય બોજ હળવો કરી શકે છે. એપોલો હોસ્પિટલ્સમાં અમે સરકાર અને તમામ હિસ્સેદારો સાથે નજીકથી કામ કરવા માટે પ્રતિબદ્ધ છીએ જેથી આ પ્રાથમિકતાઓને દરેક ભારતીય માટે માપી શકાય તેવા આરોગ્ય પરિણામોમાં રૂપાંતરિત કરી શકાય.
ગિરીશ અગ્રવાલ, મેનેજીંગ ડિરેક્ટર, એપીએમ ટર્મિનલ્સ ગુજરાત પિપાવાવ (Girish Aggarwal, Managing Director, APM Terminals Gujarat Pipavav)
બજેટ 2026 એ સરકારના માળખાગત વિકાસ પર સતત ધ્યાન કેન્દ્રિત કરવાની ખાતરી આપે છે અને ભારતના વેપાર સ્પર્ધાત્મકતાના મુખ્ય સમર્થક તરીકે લોજિસ્ટિક્સના મહત્વને સમર્થન આપે છે. વૈશ્વિક અનિશ્ચિતતાના સમયે, 12.2 લાખ કરોડ રૂપિયાનો રેકોર્ડ જાહેર મૂડી ખર્ચ અને ફ્રેઇટ કોરિડોર, કોસ્ટલ શિપિંગ, ઇનલેન્ડ વોટરવે અને બંદર-નેતૃત્વ વિકાસ દ્વારા સંકલિત કનેક્ટિવિટી પર ભાર આ ક્ષેત્ર માટે સ્થિર અને આત્મવિશ્વાસ નિર્માણનો સંકેત આપે છે.
દાનકુની-સુરત ડેડિકેટેડ ફ્રેઇટ કોરિડોર અને નવા રાષ્ટ્રીય વોટરવેના સંચાલન જેવી કેન્દ્રિત પહેલો મલ્ટિમોડલ કનેક્ટિવિટીને મજબૂત બનાવે છે, જ્યારે શિપ-રિપેર ઇકોસિસ્ટમ અને હાઇ-સ્પીડ રેલ કોરિડોરમાં રોકાણ લાંબા ગાળાના માળખાગત વિકાસ માટે ભવિષ્યલક્ષી અભિગમ દર્શાવે છે.
મનોજ ભાટ, મેનેજીંગ ડિરેક્ટર અને સીઈઓ-મહિન્દ્રા હોલિડેઝ એન્ડ રિસોર્ટ્સ ઈન્ડિયા લિ. (Manoj Bhat, Managing Director & CEO of Mahindra Holidays & Resorts India Ltd)
કેન્દ્રીય બજેટ 2026 સરકારના આ ઇરાદાને મજબૂત બનાવે છે કે પર્યટન અને આતિથ્યને એકલ વપરાશ ક્ષેત્રો તરીકે ગણવાને બદલે સંતુલિત આર્થિક વિકાસ માટે એક સાધન તરીકે ઉપયોગમાં લેવામાં આવે. મહાનગરોથી આગળના સ્થળોના વિકાસ પર ધ્યાન કેન્દ્રિત કરવું, ભૌતિક જોડાણમાં સુધારો કરવો અને આધ્યાત્મિક અને વારસાગત સર્કિટ પર વધુ તીવ્ર દબાણ એ માન્યતાને પ્રતિબિંબિત કરે છે કે પર્યટન વૃદ્ધિ ભૌગોલિક રીતે વિતરિત અને સ્થાનિક રીતે મૂળ હોવી જોઈએ.
કૌશલ્ય અને કાર્યબળ વિકાસ પર ભાર મૂકવો એ જ રીતે મહત્વપૂર્ણ છે. જેમ જેમ આ ક્ષેત્ર બીજા અને ત્રીજા સ્તરના બજારોમાં વિસ્તરે છે, તેમ તેમ પ્રશિક્ષિત પ્રતિભાની ઉપલબ્ધતા ફક્ત સેવાની ગુણવત્તા જ નહીં પરંતુ વિકાસની ટકાઉપણું પણ નક્કી કરશે. માનવ મૂડી વિકાસ સાથે માળખાગત નિર્માણને જોડીને, બજેટ વાતચીતને ટૂંકા ગાળાની માંગ સર્જનથી સ્થિતિસ્થાપક, રોજગાર-ઉત્પાદક પ્રવાસન ઇકોસિસ્ટમ બનાવવા તરફ લઈ જાય છે.
કાર્તિક સોની, સ્થાપક અને ચેરમેન- સ્વરા ગ્રૂપ (Kartik Soni, Founder and Chairman, Swara Group)
કેન્દ્રીય બજેટ 2026-27 વિશે સ્વરા ગ્રૂપના કાર્તિક સોનીએ જણાવ્યું હતું કે આ બજેટ વધુ મૂડી ખર્ચ અને ઇનોવેટિવ ફાઇનાન્સિંગ ટુલ્સ સાથે ઇન્ફ્રાસ્ટ્રક્ચરને વૃદ્ધિના મુખ્ય ચાલકબળ તરીકેની સ્થિતિને મજબૂત કરે છે. કન્સ્ટ્રક્શન ઇક્વિપમેન્ટ મેન્યુફેક્ચરિંગ, લોજિસ્ટિક્સ કોરિડોર્સ અને અર્બન ઇન્ફ્રાસ્ટ્રક્ચર ઉપર ધ્યાન આપવાની રિયલ એસ્ટેટ અને સંલગ્ન ઇન્ડસ્ટ્રીઝ ઉપર બહુવિધ અસરો જોવા મળશે.
રિસ્ક ગેરંટી અને આરઇઆઇટી જેવી ખાનગી સહભાગીતાને મજબૂત કરવા જેવી પહેલોથી પ્રોજેક્ટની કાર્યક્ષમતામાં સુધારો થશે. સિટી ઇકોનોમિક રિજન તેમજ ગ્રોથ કોરિડોર્સમાં સારી કનેક્ટિવિટી ઉપર ભાર મૂકવાથી શહેરી વિસ્તરણને સંતુલિત કરવામાં મદદ મળે છે. બજેટ ઇન્ફ્રાસ્ટ્રક્ચર આધારિત વિકાસને સપોર્ટ કરે છે તેમજ હાઉસિંગ, કમર્શિયલ અને મિક્સ્ડ-યુઝ પ્રોજેક્ટ્સમાં તકોનું સર્જન કરે છે.
તરલ શાહ, મેનેજિંગ ડિરેક્ટર-શિવાલિક ગ્રૂપ (Taral Shah, Managing Director-Shiwalik Group)
શિવાલિક ગ્રૂપના મેનેજિંગ ડિરેક્ટર તરલ શાહે કહ્યું હતું કે આ બજેટમાં સિટી ઇકોનોમિક રિજન, ઇન્ફ્રાસ્ટ્રક્ચર ઉપર ખર્ચ તથા REITની આગેવાની હેઠળ એસેટ મોનિટાઇઝેશન ઉપર ભાર મૂકાયો છે, જે શહેરી વિકાસ માટે મજબૂત આધાર પ્રદાન કરે છે. જાહેર મૂડી ખર્ચમાં વધારો, સારી ફાઇનાન્સિંગ સિસ્ટમ અને રિસ્ક-શેરિંગ ફ્રેમવર્ક ડેવલપર્સ અને રોકાણકારો બંન્ને વચ્ચે વિશ્વાસમાં વધારો કરશે.
ટિયર 2 અને ટિયર 3 શહેરો ઉપર ફોકસ તેમજ હાઇ-સ્પીડ રેલ કનેક્વિટિવિટી અને શહેરી ઇન્ફ્રાસ્ટ્રક્ચરને અપગ્રેડ કરવાથી નવા રિયલ એસ્ટેટ માર્કેટ અનલોક થશે. બજેટ શહેરોની ગ્રોથ એન્જિન તરીકે ઓળખ કરે છે અને પોલિસીની મદદથી સુઆયોજિત શહેરીકરણ, જમીનના કાર્યક્ષમ ઉપયોગ તથા રિયલ એસ્ટેટમાં લાંબા સમય સુધી વેલ્યુ ક્રિએશનને સપોર્ટ કરે છે.
મનન ઠક્કર, સહ-સ્થાપક અને મેનેજીંગ ડિરેક્ટર- પ્રોઝીલ ગ્રીન એનર્જી લિમિટેડ (Manan Thakkar, Co-Founder & Managing Director Prozeal Green Energy Limited)
નાણાકીય વર્ષ 2026-2027 માટેનું કેન્દ્રીય બજેટ ભારતના વિકાસ ભારતના વિઝન અને 7% થી વધુ વિકાસ દરના લક્ષ્ય સાથે ભવિષ્યલક્ષી રોડમેપ રજૂ કરે છે. બજેટ છ વ્યૂહાત્મક ક્ષેત્રોમાં પરિવર્તનશીલ સુધારા રજૂ કરે છે જે આગામી પાંચ વર્ષમાં રાષ્ટ્રની વૃદ્ધિ સંભાવના અને વૈશ્વિક સ્પર્ધાત્મકતામાં વધારો કરશે.
નાણામંત્રીએ કરવેરા, વીજળી ક્ષેત્ર, શહેરી વિકાસ, ખાણકામ, નાણાકીય ક્ષેત્ર અને નિયમનકારી માળખામાં વ્યાપક સુધારા દ્વારા પડકારજનક વૈશ્વિક વાતાવરણ વચ્ચે વિકાસ માટે સંતુલિત અભિગમ અપનાવ્યો છે.
બેટરી ઉર્જા સંગ્રહ પ્રણાલીઓ માટે લિથિયમ-આયન સેલના ઉત્પાદનમાં વપરાતા મૂડી માલ માટે મૂળભૂત કસ્ટમ્સ ડ્યુટી (BCD) મુક્તિનો વિસ્તાર એ ખાસ કરીને અસરકારક પગલું છે. આ નીતિ ગુણાકાર અસર બનાવશે, જે ભારતના ઉત્પાદન ક્ષેત્રમાં સ્વચ્છ ઉર્જા ઉકેલોને અપનાવવાને વેગ આપશે.
શ્રીરામ બી કે આર, સિનિયર ઇન્વેસ્ટમેન્ટ સ્ટ્રેટેજિસ્ટ-જિયોજિત ફાઇનાન્શિયલ સર્વિસીસ (Sriram B K R,Senior Investment Strategist-Geojit Financial Services)
સોના અને ચાંદીના ETF માં તાજેતરનો ઘટાડો મુખ્યત્વે આંતરરાષ્ટ્રીય સોના અને ચાંદીના ભાવમાં ઘટાડો દર્શાવે છે, ખાસ કરીને 30 જાન્યુઆરી 2026ના રોજ LBMA ભાવમાં જોવા મળે છે. આ ઘટાડો આજે ETF બજારોમાં પણ જોવા મળ્યો છે, કારણ કે કેન્દ્રીય બજેટ સત્રને કારણે એક્સચેન્જ ખુલ્લા છે, 1 ફેબ્રુઆરી એ આંતરરાષ્ટ્રીય બજાર સુધારા પછીનો તાત્કાલિક કાર્યકારી દિવસ છે. 1 ફેબ્રુઆરી 2026 ના રોજ સવારે 11:15 વાગ્યા સુધીમાં ETF ના ભાવમાં ઘટાડો LBMA ભાવમાં જોવા મળેલા ઘટાડાને પ્રતિબિંબિત કરે છે.
એ નોંધવું મહત્વપૂર્ણ છે કે સોના અને ચાંદી બંનેમાં છેલ્લા એક વર્ષમાં અભૂતપૂર્વ અને ભારે તેજી જોવા મળી છે. ડેટા દર્શાવે છે કે 29 જાન્યુઆરી સુધી રૂપિયાના સંદર્ભમાં ચાંદીમાં વાર્ષિક ધોરણે 319%નો વધારો થયો હતો, જ્યારે સોનામાં 118%નો વધારો થયો હતો. 30 જાન્યુઆરીએ ચાંદીમાં લગભગ 11% અને સોનામાં 4.3%નો સુધારો થયા પછી પણ, ચાંદી વાર્ષિક ધોરણે 268% અને સોનામાં 108%નો વધારો રહ્યો છે.અમે રોકાણકારોને સલાહ આપીએ છીએ કે તેઓ તાજેતરની તેજીનો પીછો ન કરે અને તેના બદલે સંપત્તિ ફાળવણીમાં શિસ્તબદ્ધ રહે. રોકાણકારોએ આ સ્તરે સાવધાની રાખવી જોઈએ.
આનંદ જેમ્સ, ચીફ માર્કેટ સ્ટ્રેટેજીસ્ટ-જિયોજિત ઈન્વેસ્ટમેન્ટ્સ (Anand James, Chief Market Strategist- Geojit Investments)
STT વધારો શરૂઆતમાં આ ઇક્વિટી પોઝિટિવ છે કારણ કે ઓપ્શન ટ્રેડ વધુ મોંઘા થાય છે. સ્વાભાવિક રીતે, પોર્ટફોલિયો સ્તરે, ડેરિવેટિવ સેગમેન્ટ પરનો ફટકો રિબેલેન્સિંગ તરફ દોરી શકે છે, અને નજીકના ભવિષ્યમાં ઇક્વિટી સેગમેન્ટને ખેંચી શકે છે. પરંતુ એ કહેવું મુશ્કેલ છે કે માત્ર વધારો ડેરિવેટિવ્ઝ માર્કેટ, ખાસ કરીને ઓપ્શન્સ સાથે જોડાયેલા સટ્ટાકીય હિતને દૂર કરશે.
મર્ઝબાન ઈરાની, પ્રેસિડેન્ટ- એલઆઈસી મ્યુચ્યુઅલ ફંડ એસેટ મેનેજમેન્ટ લિમિટેડ (Marzban Irani, President - Fixed Income Strategy-LIC Mutual Fund Asset Management Ltd)
લાંબા ગાળાના વિકાસ પર ધ્યાન કેન્દ્રિત કરવું સ્પષ્ટ છે, અને પાંચ નવી યુનિવર્સિટીઓની જાહેરાત એક સ્વાગતપાત્ર પગલું છે ખાસ કરીને એવા સમયે જ્યારે શિક્ષણ ફુગાવો સતત વધી રહ્યો છે. ઉધાર લેવાની દ્રષ્ટિએ, કુલ બજાર ઉધાર સંખ્યા ₹17 ટ્રિલિયનને પાર કરી રહી છે; જોકે અભિગમ નાની બચત એકત્રીકરણ માટે રૂઢિચુસ્ત ધારણાઓ સાથે સંતુલિત દેખાય છે. એકંદરે, બજેટ સ્થિરતા જાળવી રાખે છે અને ઉભરતા નાણાકીય દબાણને સ્વીકારે છે.
ડૉ.અરુણ રસ્તે, એમડી અને સીઈઓ, એનસીડેક્સ (Dr.Arun Raste, MD & CEO, NCDEX)
આ બજેટ ભારતની કૃષિ વ્યૂહરચનામાં નિર્ણાયક સંક્રમણને સ્પષ્ટપણે મજબૂત બનાવે છે, ઉત્પાદન-આધારિત હસ્તક્ષેપોથી મૂલ્ય-આધારિત, બજાર-આધારિત વૃદ્ધિ તરફ. ઉચ્ચ-મૂલ્ય કૃષિ, સંલગ્ન ક્ષેત્રો અને ભારત વિસ્તાર જેવા AI-સક્ષમ પ્લેટફોર્મ પર ભાર મૂકવાથી ઉત્પાદકતામાં વધારો, આવક વૈવિધ્યકરણમાં સુધારો અને સમય જતાં ડિલિવરી કાર્યક્ષમતાને મજબૂત બનાવવાની ક્ષમતા છે.
બજાર વિકાસના દૃષ્ટિકોણથી, ધ્યાન યોગ્ય રીતે ભાગીદારી, ભાવ શોધ અને જોખમ વ્યવસ્થાપન સુધારવા તરફ વળે છે. મકાઈ, સોયાખોળ અને તેલીબિયાંના કેક જેવી ચીજવસ્તુઓમાં ક્રેડિટ-લિંક્ડ પશુધન ઉદ્યોગસાહસિકતા સાથે માંગમાં વધારો થવાની સંભાવના છે. આગળ વધતા, ખેડૂતો અને FPO માટે કરવેરા અને નિયમનકારી માળખા પર વધુ સ્પષ્ટતા આ સુધારાઓ બજાર ભાગીદારીને કેટલી અસરકારક રીતે વધારે છે તેના પર નિર્ભર રહેશે. જોખમ ઘટાડવામાં સુધારો કરશે અને ટકાઉ, રોજગાર-આધારિત વૃદ્ધિને ટેકો આપશે.
જતીન ત્રિવેદી, વાઈસ પ્રેસિડેન્ટ રિસર્ચ એનાલિસ્ટ-કોમોડિટી-કરન્સી એલકેપી સિક્યોરિટીઝ (Jateen Trivedi, VP Research Analyst-Commodity and Currency, LKP Securities)
નાણાકીય વર્ષ 27 ના કેન્દ્રીય બજેટમાં બજારો આશાસ્પદ રહ્યા કારણ કે રાજકોષીય ખાધનો લક્ષ્યાંક 4.3% રાખવામાં આવ્યો હતો જ્યારે ફ્યુચર્સ પર STT વધારીને 0.05% અને ઓપ્શન્સ પર 0.15% કરવામાં આવ્યો હતો, જેનાથી F&O માં ભાગીદારી ઘટવાની અને કોમોડિટીઝમાં સટ્ટાકીય વોલ્યુમમાં પણ ઘટાડો થવાની સંભાવના છે.
બુલિયન માટે ઈમ્પોર્ટ ડ્યુટી અંગે કોઈ અપડેટ ન હતું અને શુક્રવારે CME માં પહેલેથી જ તીવ્ર નબળાઈ જોવા મળી રહી હતી, સ્થાનિક સોના અને ચાંદીએ નકારાત્મક પ્રતિક્રિયા આપી હતી. સોનું રૂપિયા 1,82,500 ની ટોચથી લગભગ 20% સુધરીને રૂપિયા 1,47,800 ની આસપાસ થયું છે, જ્યારે ચાંદી ₹4,20,000 થી રૂપિયા 2,65,650 ની નજીક 36% વધુ તીવ્ર ઘટાડો જોવા મળ્યો છે.
સૌરભ પટેલ- સ્થાપક અને રિસર્ચર -ન્યુરોપોઝ લેબ (Saurabh Patel, Founder and Researcher, NeuroPause Lab)
ન્યુરોપોઝ લેબના સ્થાપક અને રિસર્ચર સૌરભ પટેલે બજેટ વિશે જણાવ્યું હતું કે આ બજેટમાં ગવર્નન્સ અને ઉત્પાદકતા માટે ટેક્નોલોજી અને એઆઇની એક મહત્વપૂર્ણ પરિબળ તરીકે ઓળખ કરાઇ છે. કૃષિ, હેલ્થકેર અને શિક્ષણમાં એઆઇ મીશન, રિસર્ચ ફંડિંગ અને એપ્લીકેશન સંચાલિત ઇનોવેશનને સતત સપોર્ટ આપવા ખૂબજ પ્રોત્સાહક છે.
ભારત-વિસ્તાર જેવી પહેલો સૂચવે છે કે કેવી રીતે મોટાપાયે એઆઇના ઉપયોગથી નિર્ણય શક્તિમાં સુધારો કરવા અને નાગરિકો માટે જોખમ ઘટાડવામાં મદદ મળી શકે છે. સ્કિલ, રિસર્ચ ઇન્ફ્રાસ્ટ્રક્ચર અને વૈશ્વિક એકીકરણની મદદથી ભારત ટેક્નોલોજી અપનાવવાથી લઇને ટેક્નોલોજીમાં નેતૃત્વની દિશામાં આગળ વધશે. આ બજેટ ઇનોવેશન સંચાલિત અ્થતંત્ર માટે મજબૂત આધારની રચના કરે છે, જે ઉભરતી ટેક્નોલોજીના જવાબદાર અને સમાવેશક ઉપયોગ ઉપર કેન્દ્રિત છે.
મેહુલ પંડ્યા, એમડી અને ગ્રુપ સીઈઓ-કેરએજ (Mehul Pandya, MD and Group CEO, CareEdge)
કેન્દ્રીય બજેટ 2026-27, ઉત્પાદનમાં વધારો કરીને, માળખાગત રોકાણને વધુ ગાઢ બનાવીને અને MSME ને મજબૂત બનાવીને ભારતના વિકાસના આગામી તબક્કા તરફ નિર્ણાયક દબાણ પર ભાર મૂકે છે. મૂડી ખર્ચમાં રૂપિયા 12.2 લાખ કરોડનો સતત વધારો લાંબા ગાળાની ક્ષમતા નિર્માણ પ્રત્યે સરકારની પ્રતિબદ્ધતા દર્શાવે છે. આ બજેટ નાણાકીય ક્ષેત્રની મજબૂતાઈ અને ભવિષ્યની તૈયારી પર સ્પષ્ટ અને સકારાત્મક સંદેશ મોકલે છે.
બેંકિંગ બેલેન્સ શીટ વર્ષોમાં સૌથી સ્વસ્થ સ્તરે અને સંપત્તિ ગુણવત્તા બહુ-વર્ષના ઉચ્ચ સ્તરે હોવાથી, વિકાસ ભારત માટે ઉચ્ચ-સ્તરીય સમિતિની રચના ભારતના આગામી વિકાસ ચક્ર સાથે નાણાકીય મધ્યસ્થીનું સંરેખણ કરવા માટે એક મહત્વપૂર્ણ પગલું છે. કોર્પોરેટ બોન્ડ્સ, મ્યુનિસિપલ બોન્ડ્સ અને વિદેશી રોકાણ માળખામાં સુધારા મૂડી બજારોને વધુ ગાઢ બનાવશે અને લાંબા ગાળાના ભંડોળના માર્ગોનો વિસ્તાર કરશે.
એડવોકેટ (C.A.) વૈભવ જાજૂ,એસોસિયેટ પાર્ટનર, ધ્રુવા એડવાઇઝર્સ ઈન્ડિયા પ્રા.લિ(Advocate (C.A.) Vaibhav Jaju, Associate Partner, Dhruv Advisors India Private Limited)
વિત્તીય બિલ 2026 નાણાકીય શિસ્ત અને વૃદ્ધિ-કેન્દ્રિત સુધારાઓ વચ્ચે સંતુલન સાધવા તરફનો નિર્ણાયક ફેરફાર દર્શાવે છે. ઈન્ફ્રાસ્ટ્રક્ચર, MSMEs, કૃષિ અને ડિજિટલ જાહેર ઈન્ફ્રાસ્ટ્રક્ચરને પ્રાથમિકતા આપીને, સરકાર ઘરેલુ માંગને મજબૂત બનાવવાની સાથે ભારતને વૈશ્વિક સ્પર્ધાત્મકતા માટે તૈયાર કરવાની પોતાની મનશક્તિ દર્શાવે છે. હરિત ઊર્જા અને ‘યુવા શક્તિ’ પર ભાર મૂકવો આગાહીક્ષમ છે, પરંતુ આ બિલ કર આધારને વિસ્તૃત કરવાની સરકારની પ્રતિબદ્ધતાને પણ ઉજાગર કરે છે.
છૂટછાટોમાં તર્કસંગતતા લાવવી, દંડ અને પ્રોસિક્યુશન જોગવાઈઓને ઉદાર બનાવવી, ડિજિટલ કર પ્રશાસનને મજબૂત બનાવવું અને પરોક્ષ કરની જોગવાઈઓને વૈશ્વિક શ્રેષ્ઠ પ્રથાઓ સાથે સુસંગત કરવી જેવા પગલાં સ્વાગતયોગ્ય છે. તેમ છતાં, ઉદ્યોગો આ બદલાવ કેવી રીતે વિવાદ ઘટાડે છે અને વધુ આગાહીક્ષમતા લાવે છે તે અંગે ધ્યાનપૂર્વક નજર રાખશે. ભારત રોકાણકારોના વિશ્વાસને જાળવી રાખવા માટે, કર નીતિમાં સ્થિરતા અને અમલમાં સ્પષ્ટતા સુધારાઓ જેટલી જ મહત્વપૂર્ણ રહેશે.