Meesho Share Price Live Updates: ઈ-કોમર્સ ક્ષેત્રની જાણીતી કંપની મીશો (Meesho) આજે શેરબજારમાં લિસ્ટ થવા જઈ રહી છે. ₹5,421.20 કરોડના આ IPO ને રોકાણકારોએ ખોબલે-ખોબલે વધાવ્યો છે અને તેને 79 ગણાથી વધુ સબસ્ક્રાઇબ કરવામાં આવ્યો છે. ગ્રે માર્કેટમાં પણ કંપનીના શેર મજબૂત સ્થિતિમાં જોવા મળી રહ્યા છે, જેના કારણે રોકાણકારો આતુરતાથી લિસ્ટિંગની રાહ જોઈ રહ્યા છે.
Meesho Share Listing: 45.23% ના ધમાકેદાર પ્રીમિયમ સાથે લિસ્ટિંગ
ઈ-કોમર્સ પ્લેટફોર્મ મીશોએ આજે શેરબજારમાં ઝળહળતું ડેબ્યુ કર્યું. BSE પર કંપનીના શેર ₹161.20 ના ભાવે લિસ્ટેડ થયા, જે ઇશ્યૂ કિંમત ₹111ની સામે ₹50.20 નો વધારો અથવા 45.23% પ્રીમિયમ દર્શાવે છે. NSE પર પણ મીશોના શેરે મજબૂત શરૂઆત કરી અને ₹162.50 ના ભાવે લિસ્ટ થયા, જે 46% પ્રીમિયમ સમાન છે.
લિસ્ટિંગ પ્રાઇસનો અંદાજ અને GMP અપડેટ
મીશોનો IPO 3 ડિસેમ્બરના રોજ ખુલ્યો હતો અને 5 ડિસેમ્બરના રોજ બંધ થયો હતો. કંપનીએ શેરની અપર પ્રાઇસ બેન્ડ ₹111 નક્કી કરી છે. હાલના ટ્રેન્ડ મુજબ, શેર ₹139 થી ₹144 ની રેન્જમાં લિસ્ટ થવાની પ્રબળ શક્યતા છે.
લિસ્ટિંગ પહેલાં કંપનીના ગ્રે માર્કેટ પ્રીમિયમ (GMP) માં ઉતાર-ચઢાવ જોવા મળ્યા છે. 4 ડિસેમ્બરના રોજ GMP ₹49.5 હતો, જે મંગળવારે ઘટીને ₹36 (લગભગ 32%) થઈ ગયો હતો. જોકે, લિસ્ટિંગના દિવસે આજે તેમાં ફરી સુધારો જોવા મળ્યો છે અને હાલમાં તે ₹39 ના પ્રીમિયમ પર ટ્રેડ થઈ રહ્યો છે, જે ઇશ્યૂ પ્રાઇસ કરતાં લગભગ 35.14% વધારે છે.
સબસ્ક્રિપ્શનના આંકડા મીશોના IPO ને રોકાણકારો તરફથી જબરદસ્ત પ્રતિસાદ મળ્યો છે:
કુલ સબસ્ક્રિપ્શન: 79.03 ગણું.
QIB શ્રેણી: સંસ્થાકીય રોકાણકારોએ સૌથી વધુ રસ દાખવ્યો હતો અને આ કેટેગરી 120 ગણી સબસ્ક્રાઇબ થઈ હતી.
શેરની વિગત: કંપનીએ ₹4,250 કરોડના મૂલ્યના 382.9 મિલિયન નવા શેર અને ઓફર ફોર સેલ (OFS) હેઠળ ₹1,171.20 કરોડના 105.5 મિલિયન શેર જારી કર્યા છે.
બોલી: એક્સચેન્જ ડેટા મુજબ, ઓફર પરના 277.9 મિલિયન શેર સામે કુલ 21.97 મિલિયન શેર માટે બોલીઓ મળી હતી.
શેરબજારની પ્રી-ઓપન સ્થિતિ
આજે સ્થાનિક શેરબજારમાં મિશ્ર વલણ જોવા મળી રહ્યું છે. સળંગ બે દિવસના ઘટાડા બાદ આજે પણ પ્રી-ઓપન સેશનમાં સેન્સેક્સ દબાણ હેઠળ રહ્યો હતો. સવારે 9:06 વાગ્યે BSE સેન્સેક્સ 143.61 પોઈન્ટ (0.17%) ઘટીને 84,522.67 પર ટ્રેડ થઈ રહ્યો હતો. બીજી તરફ, નિફ્ટીમાં સામાન્ય સુધારો જોવા મળ્યો છે, જે 24.40 પોઈન્ટ (0.09%) વધીને 25,864.05 પર છે.