SIP Calculation: આજના સમયમાં દરેક વ્યક્તિ પોતાના ભવિષ્યને સુરક્ષિત કરવા માટે મોટું ભંડોળ એકઠું કરવા માંગે છે. જો કે, ઘણા લોકો શેરબજારના સીધા જોખમોથી ડરતા હોય છે. જો તમે પણ શેરબજારમાં સીધું રોકાણ કર્યા વિના ફક્ત થોડા હજાર રૂપિયાની માસિક બચતથી 20 લાખ કે 25 લાખ જેવી મોટી રકમ એકઠી કરવા માંગતા હો, તો મ્યુચ્યુઅલ ફંડની સિસ્ટમેટિક ઇન્વેસ્ટમેન્ટ પ્લાન (SIP) એક બેસ્ટ ઓપ્શન છે. યોગ્ય નાણાકીય આયોજન અને શિસ્તબદ્ધ રોકાણ દ્વારા ખૂબ જ સરળતાથી મોટું લક્ષ્ય પ્રાપ્ત કરી શકાય છે.
દર મહિને ₹5,000 સાથે ₹25 લાખ સુધી કેવી રીતે પહોંચવું?
ઓછા જોખમ સાથે મોટું ફંડ બનાવવા માટે SIP લાંબા ગાળે જાદુઈ પરિણામો આપે છે. જો તમે દર મહિને ₹5,000નું રોકાણ કરવાનું શરૂ કરો છો, તો તમે આરામથી ₹25 લાખના આંકડા સુધી પહોંચી શકો છો. અલબત્ત, આ માટે તમારે બજારમાં લાંબા સમય સુધી રોકાણ જાળવી રાખવું પડે છે, કારણ કે SIPમાં કમ્પાઉન્ડિંગ (ચક્રવૃદ્ધિ વ્યાજ) નો વાસ્તવિક લાભ લાંબા ગાળે જ જોવા મળે છે.
સમજો SIP ગણતરીનું આખું ગણિત
સામાન્ય રીતે મ્યુચ્યુઅલ ફંડમાં રોકાણકારોને વાર્ષિક સરેરાશ 7% થી 12% સુધીનું વળતર સરળતાથી મળી રહે છે. જો આપણે એક મધ્યમ અને સરેરાશ વાર્ષિક વળતર 12% ધારીને ચાલીએ, તો મ્યુચ્યુઅલ ફંડ કેલ્ક્યુલેટર મુજબ ગણતરી નીચે પ્રમાણે થાય છે:
- માસિક રોકાણ: ₹5,000
- રોકાણનો સમયગાળો: 15 વર્ષ
- અંદાજિત વાર્ષિક વળતર: 12%
- કુલ રોકાણ કરેલી રકમ: ₹9,00,000 (₹9 લાખ)
- અંદાજિત મળવાપાત્ર વળતર: ₹16,22,880
- 15 વર્ષ પછી કુલ ભંડોળ: ₹25,22,880
આ ગણતરી સ્પષ્ટ દર્શાવે છે કે 15 વર્ષના ગાળામાં તમારી જે ખિસ્સામાંથી રોકાણ થયેલી રકમ છે તે માત્ર ₹9 લાખ હશે, જ્યારે કમ્પાઉન્ડિંગના પ્રતાપે તેના પર તમને ₹16.23 લાખ જેટલું મોટું વળતર મળશે. પરિણામે મેચ્યોરિટી સમયે તમારી પાસે ₹25.23 લાખનું મોટું ભંડોળ એકઠું થઈ જશે.
રોકાણકારો માટે ફાયદાકારક સલાહ
SIPનો સૌથી મોટો ફાયદો એ છે કે તેમાં તમારે બજારની વધઘટ પર સતત નજર રાખવી પડતી નથી. જ્યારે બજાર નીચું હોય ત્યારે તમને વધુ યુનિટ્સ મળે છે અને જ્યારે બજાર ઊંચું હોય ત્યારે પોર્ટફોલિયોની વેલ્યુ વધે છે જેને રૂપી કોસ્ટ એવરેજિંગ કહે છે.
નોંધ: મ્યુચ્યુઅલ ફંડ અંગે અહીં આપવામાં આવેલી માહિતી માત્ર શૈક્ષણિક અને જાણકારીના હેતુ માટે છે, તેને કોઈ રોકાણ સલાહ ન ગણવી. મ્યુચ્યુઅલ ફંડના રોકાણો બજારના જોખમોને આધીન છે. તેથી, કોઈપણ સ્કીમમાં રોકાણ કરતા પહેલાં તમારા પ્રમાણિત નાણાકીય અને રોકાણ સલાહકારની મદદ ચોક્કસ લો.