Post Office Scheme:જો તમે તમારી બચતને એવી જગ્યાએ લગાવવાની યોજના ધરાવો છો કે જ્યાં રોકાણ સુરક્ષિત રહેવા સાથે જ રિટર્ન પણ શાનદાર મળે તો આ દ્રષ્ટ્રીએ પોસ્ટ ઓફિસ દ્વારા સંચાલિત સ્મોલ સેવિંગ સ્કીમ તમારા માટે વધુ સારી રીતે કામ આવી શકે છે. તે પૈકીની એક પોસ્ટ ઓફિસ મન્થલી ઈનકમ સ્કીમ છે,જે નિયમિતપણે આવકની ગેરન્ટી આપે છે. તેમાં ફક્ત એક વખત રોકાણ કરવાનું રહે છે.
Post Office Schemes સૌથી વધુ લોકપ્રિય બનાવે છે તે એ છે કે તે Zero Risk Scheme છે.સરકાર પોતે કોઈપણ રોકાણની સલામતીની ખાતરી આપે છે, પછી ભલે તે મોટું હોય કે નાનું.પોસ્ટ ઓફિસ MIS યોજનાઓ ખાસ કરીને નિવૃત્ત વ્યક્તિઓ અને બજાર જોખમ વિના નિયમિત આવક ઇચ્છતા લોકોમાં લોકપ્રિય છે અને આ યોજના તમારી માસિક આવક સુનિશ્ચિત કરે છે.
સરકાર PO MIS યોજના હેઠળ ઉત્તમ વ્યાજ દરો આપે છે, જે માસિક 7.4% વ્યાજ દર આપે છે.તમે આ સરકારી યોજના હેઠળ ફક્ત રૂપિયા 1,000 ના પ્રારંભિક રોકાણ સાથે ખાતું ખોલી શકો છો. તમે સંયુક્ત ખાતું પણ ખોલી શકો છો.તમે તમારી નજીકની પોસ્ટ ઓફિસની મુલાકાત લઈને અને જરૂરી દસ્તાવેજો સબમિટ કરીને અરજી કરી શકો છો.
તમે એકસાથે કેટલું રોકાણ કરી શકો છો?
માસિક આવકની ગેરંટી આપતા આ પોસ્ટ ઓફિસ MIS ખાતા હેઠળની મર્યાદાઓ અંગે વ્યક્તિ એક જ ખાતામાં વધુમાં વધુ 9 લાખ રૂપિયા અને સંયુક્ત ખાતામાં વધુમાં વધુ 15 લાખ રૂપિયાનું રોકાણ કરી શકે છે. આ પછી તમને વ્યાજની આવક મળવાનું શરૂ થશે. આ યોજના માટે પાકતી મુદત 5 વર્ષ છે.
આ રીતે તમે દર મહિને કેટલી કમાણી કરશો તે જાણો
હવે તમારી કમાણીની ગણતરી કરવી એકદમ સરળ છે.જો તમે પોસ્ટ ઓફિસ માસિક બચત યોજનામાં સંયુક્ત ખાતામાં 15 લાખ રૂપિયાનું એક સાથે રોકાણ કરો છો તો તમને 7.4% વર્તમાન વ્યાજ દરે 5 વર્ષ માટે 9,250 રૂપિયા માસિક મળશે.જો તમે પરિપક્વતા સુધી વ્યાજની આવકને ધ્યાનમાં લો છો તો તે 5.55 લાખ રૂપિયા થશે.