ટ્રેન્ડિંગ

તમારું શહેર પસંદ કરો

Dhurandhar 2 Collection: 'ધુરંધર 2'નો ઐતિહાસિક રેકોર્ડ, ઘરેલુ બોક્સ ઓફિસ પર 1000 કરોડનો આંકડો પાર કરનારી પ્રથમ ભારતીય ફિલ્મ

Dhurandhar 2 Box Office Collection Day 18: 19 માર્ચના રોજ સિનેમાઘરોમાં રિલીઝ થયેલી બ્લોકબસ્ટર ફિલ્મ 'ધુરંધર 2' એ ભારતીય સિનેમાના ઇતિહાસમાં એક નવો અધ્યાય ઉમેર્યો છે.

By: Dharmendra ThakurEdited By: Dharmendra Thakur Publish Date: Mon 06 Apr 2026 09:11 AM (IST)Updated: Mon 06 Apr 2026 09:11 AM (IST)
dhurandhar-2-box-office-collection-day-18-and-milestone-details-ranveer-singh-film-earns-more-than-1000-crore-in-india-722458

Dhurandhar 2 Box Office Collection Day 18: 19 માર્ચના રોજ સિનેમાઘરોમાં રિલીઝ થયેલી બ્લોકબસ્ટર ફિલ્મ 'ધુરંધર 2' એ ભારતીય સિનેમાના ઇતિહાસમાં એક નવો અધ્યાય ઉમેર્યો છે. રિલીઝના માત્ર 18મા દિવસે જ આ ફિલ્મે ઘરેલુ બોક્સ ઓફિસ પર ₹1000 કરોડથી વધુની કમાણી કરીને એક અનોખો અને અત્યાર સુધીનો સૌથી મોટો રેકોર્ડ પ્રસ્થાપિત કર્યો છે.

ઘરેલુ બોક્સ ઓફિસ પર 'ધુરંધર 2'નું પ્રદર્શન

બીજા સપ્તાહના અંતે કમાણીમાં થોડો ઘટાડો નોંધાયા બાદ, ત્રીજા વીકએન્ડમાં ફિલ્મે શાનદાર કમબેક કર્યું છે. રવિવારે (18મા દિવસે) ફિલ્મે બોક્સ ઓફિસ પર ₹28.75 કરોડનો જંગી વ્યાપાર કર્યો હતો. ભારતીય બોક્સ ઓફિસ પર ફિલ્મની અત્યાર સુધીની સફર નીચે મુજબ છે:

આ કમાણી સાથે, 'ધુરંધર 2' સત્તાવાર રીતે ભારતમાં ₹1000 કરોડનો આંકડો પાર કરનારી પ્રથમ ફિલ્મ બની ગઈ છે.

'ધુરંધર 2'નું વર્લ્ડવાઇડ કલેક્શન

ભારતમાં ઐતિહાસિક પ્રદર્શનની સાથે સાથે 'ધુરંધર 2' આંતરરાષ્ટ્રીય સ્તરે પણ ધૂમ મચાવી રહી છે. 18 દિવસમાં ફિલ્મનું કુલ વર્લ્ડવાઇડ કલેક્શન ₹1605.74 કરોડ પર પહોંચી ગયું છે. ઉત્તર અમેરિકામાં ફિલ્મે $25 મિલિયનની કમાણી કરી છે, જે તેને આ ક્ષેત્રમાં અત્યાર સુધીની સૌથી વધુ કમાણી કરનારી ભારતીય ફિલ્મ બનાવે છે.

વૈશ્વિક સ્તરે હજુ આ ફિલ્મોથી છે પાછળ

ભારતીય બોક્સ ઓફિસ પર તમામ ફિલ્મોને પછાડ્યા બાદ પણ, વૈશ્વિક કમાણી (વર્લ્ડવાઈડ કલેક્શન) ના મામલે 'ધુરંધર 2' હજુ કેટલીક ટોચની ફિલ્મોથી પાછળ છે. આ અંગેના આંકડા નીચે મુજબ છે:

સમયગાળોકમાણી (કરોડમાં)
પ્રથમ દિવસ (ઓપનિંગ ડે)₹102.55
પ્રથમ સપ્તાહ₹674.17
બીજું સપ્તાહ₹263.65
18મો દિવસ (ત્રીજો રવિવાર)₹28.75
કુલ ઘરેલુ કમાણી (18 દિવસ)₹1013.77

ફિલ્મનું નામઅંદાજિત વર્લ્ડવાઇડ કમાણી (કરોડમાં)
દંગલ₹2070
બાહુબલી 2₹1788
પુષ્પા 2₹1742
ધુરંધર 2 (હાલમાં)₹1605.74