AMC Draft Budget 2026-27: આજે અમદાવાદ શહેરનું વર્ષ 2026-27નું ડ્રાફ્ટ બજેટ રજૂ કરવામાં આવ્યું હતું. અમદાવાદ મ્યુનિસિપલ કોર્પોરેશન (AMC) દ્વારા 17018 કરોડનું ડ્રાફ્ટ બજેટ રજૂ કરવામાં આવ્યું છે.
આ બજેટમાં 8 બાબત પર ફોકસ કરવામાં આવ્યું છે. જેમા લોકોની સુખાકારી કઈ રીતે વધે? તે રીતે ફાળવણી કરાઈ છે. અમદાવાદના આ બજેટમાં શહેરને શું-શું નવું મળશે તેના વિશે વિગતવાર જોઈએ તો
ટ્રાફિકની સમસ્યામાં છૂટકારા માટે લેવાયેલા પગલા
- એલિવેટેડ કોરિડોર: ટ્રાફિકની સમસ્યા ઘટાડવા માટે નહેરુનગરથી ઇસ્કોન બ્રિજ સુધી અને બોપલ એસ.પી. રિંગ રોડથી ઘુમા સુધી નવા એલિવેટેડ કોરિડોર બનાવવામાં આવશે.
- રેલવે ઑવર બ્રિજ (ROB) અને અન્ડરપાસ: ફાટક મુક્ત અભિયાન હેઠળ ગેરતપૂર, વટવા, પુનિતનગર, મણિનગર અને સરખેજ ખાતે 5 નવા રેલવે ઓવર બ્રિજ બનશે. આ ઉપરાંત બોપલ અને એરપોર્ટ તરફ જવા માટે નવા અન્ડરપાસનું નિર્માણ થશે. આ સિવાય 3 નવા ફ્લાય ઑવર બ્રિજ પણ બનાવવામાં આવશે.
- મલ્ટી-મોડલ ટ્રાન્સપોર્ટ હબ: શહેરના પ્રવેશ દ્વારો જેવા કે અમિયાપુર, કણભા અને બાકરોલ ખાતે 4 નવા મલ્ટી-મોડલ ટ્રાન્સપોર્ટ હબ અને આઉટર રિંગ રોડ પર બસ પોર્ટ તૈયાર કરવામાં આવશે.
- ઈલેક્ટ્રિક બસો: પ્રદૂષણ ઘટાડવા AMTS અને BRTSમાં કુલ 3000 નવી ઈલેક્ટ્રિક બસો સેવામાં મૂકાશે.
- સ્પોર્ટસ કોમ્પલેક્સઃ 2030 કોમનવેલ્થ ગેમ્સની તૈયારીના ભાગરૂપે શહેરમાં 6 મોટા સ્પોર્ટ્સ કોમ્પલેક્સ અને 5 મિની સ્પોર્ટ્સ કોમ્પલેક્સ બનાવવામાં આવશે. જેમાં ઈ-સ્પોર્ટ્સ એરેના અને VR એમ્યુઝમેન્ટ પાર્ક જેવી સુવિધા હશે.
- નવા બગીચા અને લેક ડેવલોપમેન્ટઃ શહેરમાં 16 નવા બગીચા (રામોલ, હાથીજણ અને વસ્ત્રાપુર સેન્ટ્રલ પાર્ક સહિત) અને 24 લેક ગાર્ડન વિકસાવવામાં આવશે.
- વેસ્ટ ટુ વન્ડર પાર્ક: કચરામાંથી કલાના અભિગમ સાથે એક નવો 'વેસ્ટ ટુ વન્ડર પાર્ક' તૈયાર કરવામાં આવશે.
- સાયન્સ એન્ડ ફ્યુચરિસ્ટિક પાર્ક: નાગરિકો માટે નવીનતમ ટેકનોલોજી આધારિત સાયન્સ પાર્ક બનાવવાનું આયોજન છે.
- આરોગ્ય અને સામાજિક સુવિધાઓ
- આવાસ યોજના: શહેરને ઝૂંપડપટ્ટી મુક્ત બનાવવા 50,000 થી વધુ એફોર્ડેબલ આવાસ બનાવવામાં આવશે.
- હેલ્થ સેન્ટર્સ: ચાંદલોડિયા, ઘુમા, સૈજપુર બોઘા અને નરોડામાં 30 બેડની ક્ષમતા ધરાવતા 4 નવા કોમ્યુનિટી હેલ્થ સેન્ટર (CHC) શરૂ થશે.
- શિક્ષણ અને આંગણવાડી: શહેરમાં 36 નવી શાળાઓ અને 100 નવી આંગણવાડીઓ (50 સ્માર્ટ આંગણવાડી સહિત) બનાવવામાં આવશે.
- ઓડીટોરીયમ અને કોમ્યુનિટી હોલ: થલતેજ, વાસણા, ચાંદખેડા અને ઠક્કરબાપાનગરમાં 4 નવા ઓડીટોરીયમ અને વિવિધ વોર્ડમાં 9 નવા કોમ્યુનિટી હોલ બનશે.
પર્યાવરણ અને ડિજિટલ પ્રોજેક્ટ્સ
- વોટર ઈન્ફ્રાસ્ટ્રક્ચર: જસપુર અને રાસ્કા ખાતે નવા વોટર ટ્રીટમેન્ટ પ્લાન્ટ અને શહેરમાં 15 નવા વોટર ડિસ્ટ્રીબ્યુશન સ્ટેશન બનાવવામાં આવશે.
- ડિજિટલ ગવર્નન્સ: શહેરની સુરક્ષા માટે 2300 નવા કેમેરા સાથે 'સેફ એન્ડ સિક્યોર અમદાવાદ 2.0' અને થ્રી-ડી ડિજિટલ ટ્વીન પ્રોજેક્ટ અમલમાં મુકાશે.
- સ્માર્ટ સ્ટ્રીટ લાઈટ: આર્ટિફિશિયલ ઇન્ટેલિજન્સ (AI) આધારિત સ્માર્ટ સ્ટ્રીટ લાઈટ સિસ્ટમ આખા શહેરમાં નાખવામાં આવશે.
શહેરનું બ્યુટીફિકેશન
- રિવરફ્રન્ટ ડેવલપમેન્ટ: સાબરમતી રિવરફ્રન્ટ પર એક્ઝીબિશન કમ કન્વેન્શન સેન્ટર, મ્યુઝિકલ ફાઉન્ટેન અને ટ્રોપિકલ ફોરેસ્ટ બનાવવામાં આવશે.
- સિટી સ્ક્વેર અને એન્ટ્રી ગેટ: શહેરની આગવી ઓળખ માટે ભવ્ય સિટી સ્ક્વેર અને શહેરના પ્રવેશ માર્ગો પર એન્ટ્રી ગેટ બનાવવાનું આયોજન છે.
આ બાબત પર ભાર મૂકી ફાળવણી કરાઈ
- સ્ટોર્મ વોટર ઈન્ફ્રાસ્ટ્રક્ચરમાં ફ્લડ પ્રુફ સિટી માટે 453 કરોડની ફાળવણી.
- મોડલ ફાયર સ્ટેશન અને નવા ફાયર સ્ટેશન માટે 420 કરોડની ફાળવણી. ફાયર સાધનોની ખરીદી માટે 150 કરોડ.
- એઆઈ આધારિત સ્માર્ટ્સ સ્ટ્રીટ લાઈટ સિસ્ટમ માટે 100 કરોડ.
- વાયર ફ્રી શહેર માટે 100 કરોડની ફાળવણી.
- અમદાવાદ આંતરરાષ્ટ્રીય ફ્લાવર શો 2027 માટે 20 કરોડ.
- 16 નવા બગીચા માટે 45.82 કરોડ.
- એસજી હાઈવે આઈકોનીક ડેવલપમેન્ટ માટે 600 કરોડ.
- 8 આઈકોનિક રોડ માટે 250 કરોડ.
- 100 નવી આંગણવાડી.
- 5 ઘોડિયાઘર.
- 50 સ્માર્ટ આંગણવાડી.
- સિટી એન્ટ્રી ગેટ બનાવવા માટે 50 કરોડની ફાળવણી.