કેસર કેરીના રસિયાઓને મોંઘવારીનો 'ડામ': યુદ્ધને કારણે વિદેશમાં કેરીના ભાવ આસમાને, જાણો લેટેસ્ટ રેટ!

Kesar Mango Price in US UK: ગીરની સુગંધિત કેસર કેરીના શોખીનો માટે એક મહત્વના સમાચાર આવ્યા છે. જો તમે વિદેશમાં રહેતા હોવ અથવા તમારા સગા-સંબંધીઓને વિદેશમાં કેરી મોકલવા માંગતા હોવ, તો આ વખતે ખિસ્સું થોડું વધારે હળવું કરવું પડશે. ગલ્ફ દેશોમાં ચાલી રહેલી યુદ્ધ જેવી પરિસ્થિતિની સીધી અસર હવે આપણા ગીરની કેરી પર પડી રહી છે. ચાલો સમજીએ કે આ આખો મામલો શું છે અને કેરીના ભાવમાં કેટલો વધારો થયો છે.

નિકાસનો પ્રારંભ અને પ્રક્રિયા

ગીર સોમનાથ જિલ્લાના તાલાલા માર્કેટિંગ યાર્ડ ખાતે આવેલા પેક હાઉસથી વિદેશમાં કેસર કેરીની નિકાસનો વિધિવત પ્રારંભ થઈ ગયો છે. અમેરિકા અને યુકે (બ્રિટન) માટે 2000 બોક્સનો પ્રથમ જથ્થો રવાના કરવામાં આવ્યો છે.

તાલાલાના પેક હાઉસમાં ખેડૂતો પાસેથી સીધી કેરી ખરીદવામાં આવે છે. ત્યાં તેનું ગ્રેડિંગ થાય છે, ફળોને વ્યવસ્થિત સાફ કરવામાં આવે છે અને એકસરખી સાઈઝની કેરીઓ પસંદ કરીને 3 કિલોના ખાસ બોક્સ તૈયાર કરવામાં આવે છે. એક બોક્સમાં અંદાજે 12 નંગ કેરી હોય છે. ત્યારબાદ આ જથ્થાને અમદાવાદના બાવળા ખાતે 'રેડિયેશન પ્રોસેસ' માટે મોકલવામાં આવે છે, જે વિદેશ મોકલવા માટે અનિવાર્ય પ્રક્રિયા છે.

કેમ વધી રહ્યા છે ભાવ?

આ વખતે કેરી મોંઘી થવા પાછળનું કારણ ખેતી નહીં, પણ પરિવહન છે. ખાડી દેશોમાં યુદ્ધ જેવી તણાવપૂર્ણ સ્થિતિ હોવાથી એર કાર્ગો વિમાન દ્વારા સામાન મોકલવાનો ખર્ચના ભાડામાં સીધો બમણો વધારો થયો છે. ટ્રાન્સપોર્ટ ખર્ચ વધવાને કારણે નિકાસકારોએ મજબૂરીમાં ભાવ વધારવા પડ્યા છે.

વિદેશમાં કેટલો ભાવ વધ્યો? (3 કિલોના બોક્સનો ભાવ)

ભારતીય કેસર કેરીના ભાવમાં થયેલો વધારો નીચે મુજબ છે: