આગામી 26 એપ્રિલના રોજ કરમસદ-આણંદ મહાનગરપાલિકા માટે મતદાન પ્રક્રિયા યોજાશે. આ ચૂંટણીમાં 2.12 લાખથી વધુ મતદારો પોતાના મતાધિકારનો ઉપયોગ કરીને ઉમેદવારોનું ભાવિ નક્કી કરશે.
Anand Municipal Corporation Election 2026: રાજ્ય ચૂંટણી આયોગ દ્વારા કરમસદ-આણંદ સ્થાનિક સ્વરાજ્યની સંસ્થાઓની સામાન્ય ચૂંટણી-2026નું સત્તાવાર જાહેરનામું બહાર પાડવામાં આવ્યું છે. આ સાથે જ આણંદ જિલ્લામાં રાજકીય ગરમાવો તેજ બન્યો છે. લોકશાહીના આ મહાપર્વને શાંતિપૂર્ણ રીતે પૂર્ણ કરવા માટે વહીવટી તંત્ર દ્વારા તમામ તૈયારીઓને આખરી ઓપ આપી દેવામાં આવ્યો છે. સમગ્ર ચૂંટણી પ્રક્રિયા દરમિયાન આચારસંહિતાનું ચુસ્તપણે પાલન થાય તે માટે તંત્ર દ્વારા કડક કાર્યવાહી હાથ ધરવામાં આવી રહી છે.
ચૂંટણીની જાહેરાત થતાની સાથે જ રાજકીય પક્ષોમાં હલચલ વધી ગઈ છે, જેમાં આમ આદમી પાર્ટીએ પહેલ કરીને પોતાના ઉમેદવારોની યાદી જાહેર કરી દીધી છે. બીજી તરફ, ભાજપ અને કોંગ્રેસ દ્વારા પણ આગામી એક-બે દિવસમાં તેમના ઉમેદવારોના નામની જાહેરાત કરવામાં આવે તેવી પ્રબળ શક્યતા છે.આગામી 26 એપ્રિલના રોજ કરમસદ-આણંદ મહાનગરપાલિકા માટે મતદાન પ્રક્રિયા યોજાશે. આ ચૂંટણીમાં 2.12 લાખથી વધુ મતદારો પોતાના મતાધિકારનો ઉપયોગ કરીને ઉમેદવારોનું ભાવિ નક્કી કરશે. હાલમાં વહીવટી તંત્ર દ્વારા ચૂંટણીલક્ષી તમામ તૈયારીઓને આખરી ઓપ આપવામાં આવી રહ્યો છે અને સમગ્ર વિસ્તારમાં આચારસંહિતાની કડક અમલવારી થાય તે માટે સઘન કાર્યવાહી હાથ ધરવામાં આવી છે.
