Harsh Sanghavi on Kutch moments: ગુજરાતના નાયબ મુખ્યમંત્રી હર્ષ સંઘવીએ આજે સોશિયલ મીડિયા પ્લેટફોર્મ ટ્વીટર(X) પર કચ્છના રણની એક અત્યંત મનોહર તસવીર શેર કરીને સૌનું ધ્યાન આકર્ષિત કર્યું છે. તેમણે પોતાના ટ્વીટમાં આ દૃશ્યને 'એક ભવ્ય ઊંટના દૃશ્યથી શરૂ થઈને કચ્છના અનંત રણને પાર કરતા સુંદર કાફલામાં વિસ્તરતું' વર્ણવ્યું હતું. સંઘવીએ વિશેષરૂપે ઊંટના કાફલાને કચ્છની અનોખી ઓળખ સમાન ગણાવી તેની મુક્ત કંઠે પ્રશંસા કરી હતી.
નાયબ મુખ્યમંત્રીએ મનોહર વીડિયો શેર કર્યો
આ અદભૂત તસવીર પ્રખ્યાત ફોટોગ્રાફર અભિષેક ગુસાઈ દ્વારા કંડારવામાં આવી છે. સંઘવીએ પોતાના ટ્વીટમાં નોંધ્યું હતું કે આ ક્ષણ "કચ્છના આત્માને પ્રતિબિંબિત કરે છે - વિશાળ, ગતિશીલ અને જીવનથી ભરપૂર." તેમણે વધુમાં ઉમેર્યું હતું કે, "દરેક ફ્રેમ આપણને યાદ અપાવે છે કે ગુજરાતનું રણ ખરેખર શા માટે અનંત છે." આ ટ્વીટ દ્વારા તેમણે ગુજરાતના રણપ્રદેશની અજોડ સુંદરતા અને સમૃદ્ધ સાંસ્કૃતિક વારસાને ઉજાગર કરવાનો પ્રયાસ કર્યો છે.
What begins as the sight of one majestic camel soon unfolds into a beautiful caravan crossing the endless desert of Kutch. 🐪🐪🐪
— Harsh Sanghavi (@sanghaviharsh) November 13, 2025
Captured brilliantly by Abhishek Gusai, this moment reflects the soul of Kutch vast, vibrant, and full of life.
Every frame reminds us why Gujarat’s… pic.twitter.com/ixWbIV74TK
કચ્છનું રણ, જે તેની અનોખી ભૌગોલિક રચના અને 'સફેદ રણ' તરીકેની વિશ્વવ્યાપી ઓળખ માટે વિખ્યાત છે, તે દેશ-વિદેશના પ્રવાસીઓ માટે હંમેશા એક મુખ્ય આકર્ષણનું કેન્દ્ર રહ્યું છે. ઊંટના કાફલાઓ અહીંની પરંપરાગત જીવનશૈલી અને રણના જીવંત પાસાને સુંદર રીતે દર્શાવે છે. હર્ષ સંઘવીના આ ટ્વીટથી કચ્છની કુદરતી અને સાંસ્કૃતિક વિરાસત પ્રત્યે વધુ જાગૃતિ ફેલાવવામાં મદદ મળશે, તેવી આશા વ્યક્ત કરવામાં આવી રહી છે.
આ અદભૂત વીડિયો ફોટોગ્રાફર અભિષેક ગુસાઈ દ્વારા કેપ્ચર કરવામાં આવ્યો છે.