Mahanagar Palika Election AAP Candidate List: ગુજરાતમાં આગામી સ્થાનિક સ્વરાજની ચૂંટણી માટે ગુજરાત આમ આદમી પાર્ટી (AAP) દ્વારા જિલ્લા-તાલુકા પંચાયત, નગરપાલિકા અને મહાનગરપાલિકાના ઉમેદવારોની ચોથી યાદી જાહેર કરવામાં આવી છે. 5 એપ્રિલ, રવિવારના રોજ આમ આદમી પાર્ટી દ્વારા મહાનગરપાલિકા માટે 95 ઉમેદવારોની ચોથી યાદી સત્તાવાર રીતે પ્રસિદ્ધ કરવામાં આવી છે.
મહાનગરપાલિકાની ચૂંટણી માટે ઉમેદવારો જાહેર
આમ આદમી પાર્ટીની રાષ્ટ્રીય પોલિટિકલ સમિતિ અને ગુજરાત રાજ્ય ચૂંટણી સમિતિ દ્વારા 5 એપ્રિલ, રવિવારના રોજ ઉમેદવારોની આ યાદી બહાર પાડવામાં આવી છે. આ નવી યાદીમાં રાજ્યની વિવિધ મહાનગરપાલિકાની બેઠકો માટે કુલ 95 ઉમેદવારોના નામની ઘોષણા કરવામાં આવી છે.
"આપ" રાષ્ટ્રીય ચૂંટણી સમિતિ તથા પ્રદેશ ચૂંટણી સમિતિ દ્વારા ચર્ચા વિચારણા બાદ આગામી સમયમાં યોજાનાર સ્થાનિક સ્વરાજ્યની ચૂંટણી અંતર્ગત વિવિધ મહાનગરપાલિકા બેઠકો માટે નીચે મુજબ ઉમેદવારોની ચોથી યાદી જાહેર કરવામાં આવે છે.
— AAP Gujarat (@AAPGujarat) April 5, 2026
જાહેર થયેલ સૌ ઉમેદવારોને ખૂબ ખૂબ અભિનંદન સહ શુભેચ્છાઓ. pic.twitter.com/NSv8I5ZUIT
કઈ-કઈ મહાનગરપાલિકાનો થયો સમાવેશ?
આમ આદમી પાર્ટીની આ ચોથી યાદીમાં ગુજરાતના વિવિધ શહેરોની મહાનગરપાલિકાઓના વોર્ડ માટેના ઉમેદવારોના નામ જાહેર કરવામાં આવ્યા છે. જેમાં નીચે મુજબના શહેરોનો સમાવેશ થાય છે:
- નવસારી અને વાપી: નવસારી અને વાપી મહાનગરપાલિકાના વિવિધ વોર્ડ
- મહેસાણા અને આણંદ: મહેસાણા તેમજ આણંદ (કરમસદ) ના ઉમેદવારો.
- વડોદરા અને અમદાવાદ: મધ્ય ગુજરાતમાંથી વડોદરા-અમદાવાદ મનપાના વોર્ડ
- સૌરાષ્ટ્ર-કચ્છ: રાજકોટ, મોરબી, સુરેન્દ્રનગર અને ગાંધીધામ મહાનગરપાલિકાના ઉમેદવારોની જાહેરાત કરવામાં આવી છે.
સામાન્ય પરિવારો અને યુવાનોને પ્રાધાન્ય
આમ આદમી પાર્ટીએ સામાન્ય પરિવારના લોકોને રાજકારણમાં વિશેષ સ્થાન આપ્યું છે. AAP દ્વારા જાહેર કરાયેલી આ ચોથી યાદીમાં વિવિધ વિસ્તારો અને વિવિધ સમાજમાંથી આવતા યુવાનો, વડીલો અને બહેનોનો સમાવેશ કરવામાં આવ્યો છે. પોતાના ઉમેદવારોની જાહેરાત કરતા પાર્ટીએ દાવો કર્યો છે કે AAP એક મજબૂત વિકલ્પ છે અને સ્થાનિક સ્વરાજની ચૂંટણીમાં ઇતિહાસ લખાશે.
આ પણ વાંચો: Gujarat Election 2026: નગરપાલિકાની ચૂંટણી માટે AAP દ્વારા 141 ઉમેદવારોની ચોથી યાદી પ્રસિદ્ધ
આગામી 2026 ની સ્થાનિક સ્વરાજ્યની ચૂંટણીઓ માટે આમ આદમી પાર્ટી દ્વારા સઘન તૈયારીઓ સાથે ઉમેદવારોને મેદાનમાં ઉતારવામાં આવી રહ્યા છે. તમામ ઉમેદવારોને આમ આદમી પાર્ટીના નેતૃત્વ દ્વારા આગામી ચૂંટણી માટે શુભકામનાઓ પાઠવવામાં આવી છે.