Nadiad BJP Candidate List: ગુજરાતમાં સ્થાનિક સ્વરાજ્યની ચૂંટણીનો ધમધમાટ શરૂ થઈ ગયો છે. નડિયાદ મહાનગરપાલિકાની આગામી ચૂંટણી માટે ભારતીય જનતા પાર્ટી (BJP) દ્વારા ઉમેદવારોની સત્તાવાર યાદી જાહેર કરી દેવામાં આવી છે. આ જાહેરાત સાથે જ સ્થાનિક રાજકારણમાં ભારે ગરમાવો આવી ગયો છે, અને ચૂંટણી પ્રચારના શ્રીગણેશ થઈ ગયા છે.
નડિયાદ મનપા ચૂંટણી માટે ઉમેદવારો જાહેર
ગાંધીનગર સ્થિત ભાજપના પ્રદેશ કાર્યાલય શ્રી કમલમ્ દ્વારા ગત 9 એપ્રિલ, ગુરુવારના રોજ નડિયાદ મહાનગરપાલિકાના ઉમેદવારોની અંતિમ યાદી સત્તાવાર રીતે જાહેર કરવામાં આવી છે. ભાજપના મોવડીમંડળે લાંબી મંથન પ્રક્રિયા બાદ આ નામ પર મહોર મારી છે.
ગુજરાત ભાજપ દ્વારા જાહેર કરાયેલી આ યાદીમાં નડિયાદ મહાનગરપાલિકાના તમામ 1 થી 13 વોર્ડ માટેના ઉમેદવારોના નામ સ્પષ્ટ કરી દેવામાં આવ્યા છે. દરેક વોર્ડમાં નિયમ મુજબ 4-4 ઉમેદવારોને ચૂંટણી મેદાનમાં ઉતારવામાં આવ્યા છે. આમ, નડિયાદ મહાનગરપાલિકાના તમામ 13 વોર્ડની 52 બેઠક માટે ભાજપે પોતાના યોદ્ધાઓ મેદાનમાં ઉતારી દીધા છે.
- વોર્ડ નંબર 1 થી 5: વોર્ડ 1 અને 2 ના 8 ઉમેદવારો, તેમજ વોર્ડ 3, 4 અને 5 ના મળીને કુલ 12 ઉમેદવારોના નામ ફાઈનલ કર્યા છે.
- વોર્ડ નંબર 6 થી 11: એ જ રીતે વોર્ડ 6, 7 અને 8 તથા વોર્ડ 9, 10 અને 11 ના ઉમેદવારોને પણ પાર્ટીનું મેન્ડેટ આપી દેવામાં આવ્યું છે.
- વોર્ડ નંબર 12 અને 13: અંતિમ બે વોર્ડ 12 અને 13 ના ઉમેદવારોના નામ પણ આ યાદીમાં સત્તાવાર રીતે જાહેર કરી દેવાયા છે.
ઉમેદવારોની સત્તાવાર જાહેરાત થતા જ ટિકિટ મેળવનાર ઉમેદવારો અને તેમના સમર્થકોમાં ભારે ઉત્સાહ જોવા મળી રહ્યો છે. આગામી દિવસોમાં આ તમામ ઉમેદવારો વિજય મુહૂર્તમાં ફોર્મ ભરીને પોતાના ચૂંટણી પ્રચારનો વિધિવત પ્રારંભ કરશે. નડિયાદવાસીઓ હવે આ ચૂંટણી જંગમાં કોના પર પસંદગીનો કળશ ઢોળે છે તે જોવું રસપ્રદ બની રહેશે.