એલાયન્સ એર 25 જૂનથી મુંબઈ અને અમદાવાદ માટે શરૂ કરશે નવી ફ્લાઈટ્સ, જુઓ સંપૂર્ણ શિડ્યુઅલ અને વિગત

Porbandar Tourism Boost: ગુજરાતના દરિયાકાંઠાના ઐતિહાસિક અને પ્રવાસી શહેર પોરબંદરના નાગરિકો માટે પરિવહન ક્ષેત્રે એક મોટા અને રાહતના સમાચાર સામે આવ્યા છે. પોરબંદરની એર કનેક્ટિવિટીને વધુ મજબૂત કરવાના હેતુથી પ્રખ્યાત એરલાઇન કંપની એલાયન્સ એર (Alliance Air) દ્વારા આગામી સમયમાં મુંબઈ અને અમદાવાદ માટે નવી ફ્લાઈટ્સ શરૂ કરવાની સત્તાવાર જાહેરાત કરવામાં આવી છે.

આ નવી હવાઈ સેવાઓ આગામી 25 જૂનથી નિયમિત ધોરણે ઓપરેટ કરવામાં આવશે. આ કનેક્ટિવિટીના કારણે સ્થાનિક વેપારીઓ, પ્રવાસીઓ અને ઈમરજન્સી મેડિકલ સેવાઓ માટે જતા નાગરિકોને ખૂબ જ મોટો ફાયદો થવાની આશા છે.

સપ્તાહમાં બે દિવસ મળશે સેવાનો લાભ

એલાયન્સ એર દ્વારા આપવામાં આવેલી માહિતી અનુસાર, આ બંને રૂટ પર ફ્લાઈટ્સ અઠવાડિયામાં બે દિવસ એટલે કે દર ગુરુવારે અને શનિવારે ઉડાન ભરશે. આ રૂટ્સ પર કંપની પોતાના આધુનિક અને સુવિધાજનક ATR-72 એરક્રાફ્ટનો ઉપયોગ કરવાની છે.

ફ્લાઈટ્સનું સંપૂર્ણ શિડ્યુઅલ અને સમયપત્રક

પોરબંદર - અમદાવાદ ફ્લાઈટ શિડ્યુઅલ

પોરબંદર - મુંબઈ ફ્લાઈટ શિડ્યુઅલ

વેપાર અને પ્રવાસન ક્ષેત્રે નવા આયામો ખુલશે

પોરબંદરના સ્થાનિક ધારાસભ્ય અને રાજ્યના કેબિનેટ મંત્રી અર્જુન મોઢવાડિયાની ઓફિસ દ્વારા આ મહત્વપૂર્ણ જાહેરાતને સમર્થન આપવામાં આવ્યું છે. મંત્રીશ્રીની ઓફિસે જણાવ્યું છે કે આ નવી ફ્લાઈટ્સ શરૂ થવાથી માત્ર પોરબંદર જ નહીં પરંતુ તેની આસપાસના વિસ્તારોના લોકોને પણ દેશના આર્થિક પાટનગર મુંબઈ અને ગુજરાતના મેટ્રો સિટી અમદાવાદ સાથે સીધું જોડાણ મળશે. આનાથી સ્થાનિક રોજગારી, ઉદ્યોગો અને પ્રવાસન (Tourism) ક્ષેત્રને ખૂબ જ મોટો બૂસ્ટ મળશે.

બુકિંગ પ્રક્રિયા શરૂ

જો તમે પણ આગામી દિવસોમાં પોરબંદરથી અમદાવાદ કે મુંબઈની મુસાફરી કરવાનું આયોજન કરી રહ્યા હોવ, તો એલાયન્સ એરની સત્તાવાર વેબસાઇટ પર જઈને ઓનલાઈન ટિકિટ બુકિંગ કરાવી શકો છો. ફ્લાઈટ્સ માટેનું એડવાન્સ બુકિંગ વિન્ડો અત્યારથી જ લાઈવ કરી દેવામાં આવી છે.