Gujarat Rain Report, 4 August: ગુજરાત રાજ્ય ઈમરજન્સી ઓપરેશન સેન્ટર દ્વારા જાહેર કરાયેલા સત્તાવાર આંકડા મુજબ, છેલ્લા 24 કલાક દરમિયાન દક્ષિણ ગુજરાતમાં મેઘરાજા ભારે હેત વરસાવી રહ્યા છે, જેમાં સૌથી વધુ વરસાદ વલસાડ જિલ્લાના કપરાડા તાલુકામાં નોંધાયો છે.
વલસાડમાં સાર્વત્રિક વરસાદ, કપરાડા ટોપ પર
રાજ્યમાં 3 ઓગસ્ટ સવારે 6:00 વાગ્યાથી 4 ઓગસ્ટ સવારે 6:00 વાગ્યા સુધી છેલ્લા 24 કલાકમાં વિવિધ જિલ્લાઓમાં નોંધપાત્ર વરસાદ નોંધાયો છે. છેલ્લા 24 કલાકના આંકડા અનુસાર, વલસાડ જિલ્લાના કપરાડા તાલુકામાં સૌથી વધુ 64 મીમી (2.52 ઈંચ) વરસાદ ખાબક્યો.
આ પણ વાંચો
કપરાડામાં ખાસ કરીને રાત્રે 10 વાગ્યાથી સવારે 6 વાગ્યા દરમિયાન ભારે ઝાપટા પડ્યા હતા. વલસાડના અન્ય તાલુકાઓની વાત કરીએ તો નાનાપોંઢા 54 મીમી (2.13 ઇંચ), ધરમપુર 42 મીમી (1.65 ઇંચ), વાપી 27મીમી (1.06 ઇંચ) અને વલસાડ તાલુકામાં 11 મીમી (0.43 ઇંચ) વરસાદ નોંધાયો હતો.
આણંદ, ડાંગ અને ભરૂચમાં પણ વરસાદ
વલસાડ ઉપરાંત મધ્ય ગુજરાતના આણંદ અને દક્ષિણ ગુજરાતના ડાંગ તથા ભરૂચ જિલ્લામાં પણ સારો વરસાદ નોંધાયો છે. આણંદના ખંભાતમાં બપોરે 2:00 થી 10:00 વાગ્યા વચ્ચે તેજીથી વરસાદ વરસતા કુલ 36 મીમી (1.42 ઇંચ) વરસાદ નોંધાયો છે. ભરૂચ તાલુકામાં સાંજે 4:00 વાગ્યાથી 8:00 વાગ્યા દરમિયાન પડેલા ભારે ઝાપટાંને કારણે કુલ 32 મીમી (1.26 ઈંચ) વરસાદ રેકોર્ડ થયો છે.
સૌથી વધુ વરસાદના ટોપ 10 તાલુકા
| જિલ્લો | તાલુકો | કુલ વરસાદ (મીમી) | કુલ વરસાદ (ઈંચ) |
|---|---|---|---|
| વલસાડ | કપરાડા | 64 | 2.52 |
| વલસાડ | નાનાપોંઢા | 54 | 2.13 |
| વલસાડ | ધરમપુર | 42 | 1.65 |
| આણંદ | ખંભાત | 36 | 1.42 |
| ડાંગ | ધ ડાંગ્સ | 36 | 1.42 |
| ભરૂચ | ભરૂચ | 32 | 1.26 |
| વડોદરા | પાદરા | 27 | 1.06 |
| વલસાડ | વાપી | 27 | 1.06 |
| નવસારી | ખેરગામ | 26 | 1.02 |
| આણંદ | બોરસદ | 25 | 0.98 |
અન્ય જિલ્લાઓ અને તાલુકાઓની સ્થિતિ
રાજ્યના અન્ય વિસ્તારોમાં પણ હળવાથી મધ્યમ વરસાદ ચાલુ રહ્યો હતો. વડોદરાના પાદરામાં 27 મીમી (1.06 ઇંચ) વરસાદ થયો, જેમાંથી મોટાભાગનો વરસાદ રાત્રે 10:00 વાગ્યાથી 12:00 વાગ્યા વચ્ચે વરસ્યો હતો. નવસારીના ખેરગામમાં 26 મીમી (1.02 ઈંચ) વરસાદ નોંધાયો છે.
આણંદના બોરસદમાં 25 મીમી (0.98 ઇંચ) વરસાદ નોંધાયો. પંચમહાલ જિલ્લાના ઘોઘંબા અને હાલોલ બંને તાલુકામાં 25-25 મીમી (0.98 ઇંચ) વરસાદ નોંધાયો છે. છોટાઉદેપુરના જેતપુર પાવી અને કડવાલમાં 20-20 મીમી (0.79 ઇંચ) વરસાદ રેકોર્ડ કરવામાં આવ્યો છે.
સમગ્ર રાજ્યમાં ચોમાસું સક્રિય હોવાના કારણે ખેડૂતોમાં ખુશીનો માહોલ જોવા મળી રહ્યો છે, ખાસ કરીને ડાંગર અને અન્ય ખરીફ પાકો માટે આ વરસાદ આશીર્વાદરૂપ સાબિત થશે. વરસાદની આગાહીના પગલે પ્રશાસન દ્વારા લોકોને એલર્ટ રહેવા સૂચના આપવામાં આવી રહી છે.