Robotic Surgical System:મહિલાઓના આરોગ્યક્ષેત્રમાં વિશેષ કરી ગાયનેકોલોજી અને ગાયનેક ઓન્કોલોજીમાં વધુ એક મહત્વની સીમાચિહ્ન સ્થાપિત કરતાં EVA વુમન્સ હોસ્પિટલે વિશ્વની સૌથી અદ્યતન રોબોટિક-સહાયિત સર્જિકલ ટેક્નોલોજી પૈકીની એક DA VINCI XI સર્જિકલ સિસ્ટમ કાર્યરત કરી છે.આ અત્યાધુનિક સર્જિકલ સિસ્ટમ સર્જનની કુશળતા અને ચોકસાઈમાં વધારો કરે છે.
હાઇ-ડેફિનેશન 3D વિઝ્યુઅલાઇઝેશન, અદ્યતન રોબોટિક ટેક્નોલોજીની મદદથી જટિલ ગાયનેકોલોજિકલ સર્જરી વધુ અસરકારક રીતે કરી શકાય છે. ખાસ કરીને ડીપ ઇન્ફિલ્ટ્રેટિંગ એન્ડોમેટ્રિઓસિસ, ગાયનેકોલોજિકલ કેન્સર તેમજ અન્ય જટિલ પેલ્વિક સમસ્યાઓમાં આ ટેક્નોલોજી અત્યંત ઉપયોગી સાબિત થાય છે.
મિનિમલી ઇન્વેસિવ ટેક્નિક દ્વારા નર્વ-સ્પેરિંગ સર્જરી શક્ય બનતાં સર્જરી દરમિયાન રક્તસ્ત્રાવ ઓછો થાય છે, ઓપરેશન બાદનો દુખાવો અને ઘા સંબંધિત જટિલતાઓમાં ઘટાડો થાય છે તેમજ હોસ્પિટલમાં ઓછો સમય રહેવું પડે છે. પરિણામે દર્દીઓને ઝડપી સ્વસ્થતા અને વધુ સારા ક્લિનિકલ પરિણામો મળી શકે છે. ખાસ કરીને એન્ડોમેટ્રિયલ કેન્સર ધરાવતા સ્થૂળ (ઓબીઝ) દર્દીઓ જેવા જટિલ કેસોમાં પણ આ ટેક્નોલોજી વધુ અસરકારક બની શકે છે.
આ પ્રસંગે ડૉ. દીપક લિંબાચિયાએ જણાવ્યું હતું કે દરેક મહિલાને વિશ્વની સૌથી સુરક્ષિત અને અદ્યતન સર્જિકલ સારવાર મેળવવાનો અધિકાર છે. દરેક સર્જરી પાછળ એક દીકરી, એક માતા, એક પત્ની કે પોતાના જીવનમાં ફરી આત્મવિશ્વાસ સાથે આગળ વધવા ઇચ્છતી એક મહિલા હોય છે.
DA VINCI XI સર્જિકલ સિસ્ટમને અમારી હોસ્પિટલમાં લાવવાનો નિર્ણય આ જ વિચારધારા પર આધારિત છે. ભારતમાં રોબોટિક-સહાયિત સર્જરીનો વ્યાપ સતત વધી રહ્યો છે અને અમને ગર્વ છે કે હવે ગુજરાતની મહિલાઓ સુધી આ વૈશ્વિક સ્તરની ટેક્નોલોજી કરુણાભર્યા, દર્દીકેન્દ્રિત અને વિશ્વસ્તરીય સારવાર સાથે પહોંચાડી રહ્યા છીએ.