ICC T20 World Cup 2026: હાર્દિક પંડ્યાએ તાજેતરમાં ભારતનું પ્રતિનિધિત્વ કરતી વખતે પોતાની તીવ્ર તૈયારી અને સમર્પણ વિશે વાત કરી હતી અને મોટી ટુર્નામેન્ટમાં તેના પ્રદર્શનને ટેકો આપતી શિસ્ત પર ભાર મૂક્યો હતો. નામિબિયા સામે પ્લેયર ઓફ ધ મેચ તરીકે જાહેર થયા પછી તેણે તેના કડક રુટીન અને ટોપ ફિઝિકલ અને મેન્ટલ કન્ડીશન જાળવવા માટેની પ્રતિબદ્ધતા વિશે વાત કરી. હવે તે પાકિસ્તાન સામે પણ હંગામો મચાવવા તૈયાર છે.
ટોચની પ્રાયોરિટી શું છે?
હાર્દિકે આગળ કહ્યું- પણ, તમે જાણો છો… દેશ માટે રમવું હંમેશા ગર્વની વાત રહી છે, તે હંમેશા મારી પ્રથમ પ્રાથમિકતા રહી છે. તે માટે ફક્ત વધારાની મહેનતની જરૂર છે, જે હું કરું છું. ઘણાં બધા કામ પડદાં પાછળ થાય છે, જ્યાં હું બહાર જઉં છું અને આર્મીમાં જઉં છું, આર્મી જેવો એક કેમ્પ જ્યાં સવાર, સાંજ સેશન કરું છું, જે મને આગળ વધારતો રહે છે.
જબરદસ્ત તૈયારી
તેણે કહ્યું- અને જ્યારે પણ હું કોઈ મોટી શ્રેણી કે મોટી ટુર્નામેન્ટ પહેલા આવું છું ત્યારે હું મારી જાતને એક મહિના જેટલો સમય આપું છું અને તે પ્રકારનું નિત્યક્રમ કરું છું, ખાતરી કરું છું કે હું સારું ખાઉં છું, ખાતરી કરું છું કે હું સારી ઊંઘ લઉં છું, ખાતરી કરું છું કે મારી આદતો સારી છે. અને તમે જાણો છો, તે હંમેશા મને એક મહાન રિધમ આપે છે. અને એ પણ રમતી વખતે મારું શરીર મને ઘણો સપોર્ટ આપે છે.
નામિબિયા સામે તાકાત બતાવી
હાર્દિક તેની શરૂઆતથી જ ભારત માટે એક મહત્વપૂર્ણ ઓલરાઉન્ડર રહ્યો છે. યુએસએ સામેની મેચમાં તેને સંઘર્ષ કરવો પડ્યો હતો , તેણે ફક્ત 5 રન બનાવ્યા હતા અને કોઈ વિકેટ લીધી ન હતી તેમ છતાં તેણે નામિબિયા સામે સારી વાપસી કરી હતી. નીચલા ક્રમમાં બેટિંગ કરતા તેણે 28 બોલમાં 185.71ની સ્ટ્રાઇક રેટથી 4 ચોગ્ગા અને 4 છગ્ગાની મદદથી 52 રન બનાવ્યા. તેણે શાનદાર બોલિંગ પ્રદર્શન પણ કર્યું . 5.20ના ઇકોનોમી રેટથી 21 રન આપીને 2 વિકેટ લીધી. હાર્દિકના સર્વાંગી યોગદાનએ ભારતની જીતમાં મુખ્ય ભૂમિકા ભજવી હતી, જે ટીમ માટે તેનું મહત્વ દર્શાવે છે.