IND vs NED: નેધરલેન્ડ્સ સામેની તેમની છેલ્લી ગ્રુપ સ્ટેજ મેચમાં ટીમ ઈન્ડિયાએ પડકાર સ્વીકાર્યો અને ટોસ જીતવા છતાં પહેલા બેટિંગ કરવાનો નિર્ણય લીધો. આ મેચમાં પણ ટીમ ઈન્ડિયાને સારી શરૂઆત મળી ન હતી. બીમારીમાંથી સ્વસ્થ થયા બાદ મેદાન પર ઉતરેલા અભિષેક શર્મા ICC T20 વર્લ્ડ કપ 2026ની ત્રણેય મેચમાં પોતાનું ખાતું ખોલાવી શક્યો નથી . જેના કારણે શર્માજીના નામે ખૂબ જ શરમજનક રેકોર્ડ નોંધાયો છે.
અભિષેક શર્માનો શરમજનક રેકોર્ડ
અભિષેક શર્મા યુએસએ સામે શૂન્યના સ્કોર પર પેવેલિયન પરત ફર્યો. જે બાદ તે બીમારીના કારણે નામિબિયા સામેની મેચમાં રમ્યો ન હતો. તેણે પાકિસ્તાન સામે મેદાન પર વાપસી કરી હતી પરંતુ તે મેચમાં પણ તે પોતાનું ખાતું ખોલાવી શક્યો ન હતો. હવે આ વલણ નેધરલેન્ડ્સ સામે પણ ચાલુ રહ્યું છે. જેના કારણે તે વોશિંગ્ટન સુંદર પછી ટી -20માં આવું કરનાર બીજો બેટ્સમેન બન્યો છે. તે ટી -20 વર્લ્ડ કપના ઇતિહાસમાં આવું કરનાર પ્રથમ ભારતીય બેટ્સમેન બન્યો છે. સુપર 8 પહેલા ટીમ ઈન્ડિયા તેમજ અભિષેક શર્મા પર ઘણું દબાણ છે. ભારતની શરૂઆત સારી રહી ન હતી.
શૂન્યની હેટ્રિક, એક શરમજનક રેકોર્ડ
અભિષેક શર્માએ તેના T20 વર્લ્ડ કપ કારકિર્દીની પ્રથમ ત્રણ ઇનિંગ્સમાં શૂન્યની હેટ્રિક ફટકારી છે. આ તેનો પ્રથમ T20 વર્લ્ડ કપ છે. તે યુએસએ સામે ગોલ્ડન ડક હતો. તે ચાર બોલનો સામનો કરવા છતાં પાકિસ્તાન સામે એક પણ રન બનાવી શક્યો ન હતો. હવે, નેધરલેન્ડ્સ સામે, તે ત્રીજા બોલ પર કોઈ રન બનાવ્યા વિના આઉટ થઈ ગયો.
0(1) vs USA.
— Johns. (@CricCrazyJohns) February 18, 2026
0(5) vs PAK.
0(3) vs NED.
THREE CONSECUTIVE DUCK FOR ABHISHEK SHARMA 🤯 pic.twitter.com/lCQMxKwqKQ
6 ઇનિંગ્સ, ચાર શૂન્ય
ભારતીય ઓપનરનો આ ખરાબ રેકોર્ડ T20 વર્લ્ડ કપ પહેલાનો છે. તે તેની છેલ્લી છ T20 ઇનિંગ્સમાં ચાર વખત શૂન્ય પર આઉટ થયો છે. તેની છેલ્લી છ T20 ઇનિંગ્સમાં, અભિષેક શર્મા ફક્ત 98 રન બનાવી શક્યો છે, જેમાં એક અડધી સદીનો સમાવેશ થાય છે અને ચાર વખત શૂન્ય પર આઉટ થયો છે.
આફ્રિકા સામે વાપસી કરવી પડશે
નેધરલેન્ડની સામેની મેચ ટીમ ઇન્ડિયાની લીગ સ્ટેજમાં છેલ્લી મેચ છે. ટીમ ઇન્ડિયા 22 ફેબ્રુઆરીએ દક્ષિણ આફ્રિકા સામે તેની આગામી સુપર 8 મેચ રમશે. આ મેચ અમદાવાદના નરેન્દ્ર મોદી સ્ટેડિયમમાં પણ રમાશે. અભિષેક શર્માએ વાપસી સુનિશ્ચિત કરવા માટે સુપર 8 મેચમાં સારું પ્રદર્શન કરવું પડશે. ઇશાન કિશન અને સૂર્યકુમાર યાદવે સારું પ્રદર્શન કર્યું છે અને ટીમ ઇન્ડિયાને મેચ જીતવામાં મદદ કરી છે. આનાથી દબાણ થોડું ઓછું થયું છે.