India vs Pakistan Highlights T20 World Cup 2026: રવિવારે, ભારતીય ટીમે T20 વર્લ્ડ કપ 2026 ના 27મા મેચમાં પાકિસ્તાનને 61 રનથી હરાવ્યું. હાર બાદ, પાકિસ્તાન ક્રિકેટ ટીમના હેડ કોચ માઈક હેસને જણાવ્યું હતું કે ભારત સામેની હાર પછી ડ્રેસિંગ રૂમમાં પાકિસ્તાનના ખેલાડીઓ ખૂબ જ નિરાશ થયા હતા. આર. પ્રેમદાસા સ્ટેડિયમ ખાતે રમાયેલી મેચમાં પ્રથમ બેટિંગ કરતા, ભારતીય ટીમે 175 રન બનાવ્યા. જવાબમાં, સલમાન અલી આગાના નેતૃત્વ હેઠળની ટીમ 18 ઓવરમાં 114 રનમાં સમેટાઈ ગઈ.
હેસને કહ્યું, "ડ્રેસિંગ રૂમમાં હાલમાં ઘણી નિરાશા છે કારણ કે તેઓ જાણે છે કે આ પાકિસ્તાન માટે કેટલું મહત્વનું છે. અમે જાણીએ છીએ કે પાકિસ્તાન-ભારત મેચ એક મોટી મેચ છે. આજ પહેલા, અમે સતત પાંચ મેચ જીતી હતી. તેથી અમે આત્મવિશ્વાસથી ભરેલા હતા, પરંતુ આજે અમે સંપૂર્ણપણે હાર્યા હતા."
પહેલા બોલિંગ કરવાનું પસંદ કર્યું
પાકિસ્તાનના કેપ્ટન સલમાન આગાએ ટોસ જીતીને પહેલા બોલિંગ કરવાનો નિર્ણય લીધો. હેસને નિર્ણયનો બચાવ કર્યો. મને લાગે છે કે શરૂઆતમાં બોલ ખૂબ ફરતો હતો અને અમે સારી શરૂઆત કરી હતી, પરંતુ મને લાગે છે કે કિશન જે રીતે રમ્યો, તેણે મેચ અમારાથી છીનવી લીધી.
અમે સારું ક્રિકેટ રમ્યા
ઈક હેસને વધુમાં કહ્યું હતું કે અમારે પોતાને તૈયાર રાખવા પડશે અને ખાતરી કરવી પડશે કે આગામી બે-ત્રણ દિવસમાં ખૂબ સારું પ્રદર્શન કરીએ. અમે આ વર્લ્ડ કપ પહેલા સારુંક્રિકેટ રમ્યા છે, તેથી અમને ટૂર્નામેન્ટમાં સારું પ્રદર્શન કરવાનો વિશ્વાસ છે.
ઈશાન મેચનો હીરો
ઇશાન કિશનના 77 રનના ઇનિંગથી ભારતે T20 વર્લ્ડ કપ 2026માં જીતની હેટ્રિક નોંધાવી હતી. પહેલા બેટિંગ કરતા ભારતની શરૂઆત ખરાબ રહી હતી અને અભિષેક શર્મા ખાતું પણ ખોલી શક્યો ન હતો. ત્યારબાદ સૂર્યકુમાર યાદવ (32) અને શિવમ દુબે (27) એ સ્કોર વધાર્યો. જવાબમાં, ભારતીય ફાસ્ટ બોલરોએ શરૂઆતથી જ પાકિસ્તાન પર બાજી મજબૂત કરી દીધી. ટીમને 2 ઓવરમાં 3 ઝટકાનો સામનો કરવો પડ્યો હતો. પાકિસ્તાન તરફથી ઉસ્માન ખાને સૌથી વધુ 44 રન બનાવ્યા. હાર્દિક પંડ્યા, જસપ્રીત બુમરાહ, અક્ષર પટેલ અને વરુણ ચક્રવર્તીએ 2-2 વિકેટ લીધી.