Google Pixel 11 Pro Fold Leaks: Google પોતાના નવા ફોલ્ડેબલ સ્માર્ટફોન Google Pixel 11 Pro Foldને ટૂંક સમયમાં બજારમાં રજૂ કરવા જઈ રહ્યું છે. કંપનીએ આ સ્માર્ટફોનની લોન્ચ તારીખ 12 ઓગસ્ટ, 2026 નક્કી કરી છે. લોન્ચ પહેલા જ ફોનની પહેલી ઝલક સામે આવી ગઈ છે, જેના કારણે તેની ડિઝાઇન અને કેટલાક સંભવિત ફીચર્સ વિશે મહત્વની માહિતી મળી છે. આ જ ઇવેન્ટમાં Google Pixel 11 અને Google Pixel 11 Pro પણ રજૂ કરવામાં આવશે.
Pixel 11 Pro Foldની ડિઝાઇનમાં શું ખાસ?
ગૂગલ દ્વારા જાહેર કરાયેલા ટીઝર અનુસાર, Google Pixel 11 Pro Fold અગાઉના મોડલની સરખામણીએ વધુ પાતળો (Slim) જોવા મળે છે. ફોનનો કેમેરા મોડ્યુલ લગભગ જૂના મોડલ જેવો જ લાગે છે, જોકે ડિસ્પ્લેના આસ્પેક્ટ રેશિયોમાં કોઈ ફેરફાર કરવામાં આવ્યો છે કે નહીં તેની સત્તાવાર માહિતી હજુ સામે આવી નથી.
ફોનની જમણી બાજુએ પાવર બટન અને વોલ્યુમ કંટ્રોલ બટન આપવામાં આવ્યા છે. ગૂગલના સ્માર્ટફોન હંમેશા તેમના શુદ્ધ Android અનુભવ માટે જાણીતા રહ્યા છે, જે સ્મૂથ પરફોર્મન્સ અને ઝડપી સોફ્ટવેર અપડેટ્સ માટે લોકપ્રિય છે.
Pixel Glow ફીચરની પણ ઝલક
કંપનીએ Pixel 11 અને Pixel 11 Pro માટે નવા Pixel Glow ફીચરની ઝલક પણ દર્શાવી છે. જોકે હાલ સુધી એ સ્પષ્ટ નથી કે આ ફીચર Pixel 11 Pro Foldમાં પણ ઉપલબ્ધ રહેશે કે નહીં.
Google Pixel 11 Pro Foldના સંભવિત સ્પેસિફિકેશન્સ
લીક થયેલી માહિતી મુજબ, Google Pixel 11 Pro Foldમાં નીચેના ફીચર્સ મળી શકે છે:
- 8 ઇંચની ફોલ્ડેબલ OLED ઇનર ડિસ્પ્લે
- 6.4 ઇંચની OLED કવર સ્ક્રીન
- Google Tensor G6 પ્રોસેસર
- Titan M3 Security Co-Processor
- 16GB સુધી RAM
- 1TB સુધી ઇન્ટરનલ સ્ટોરેજ
- અંદર અને બહાર બંને તરફ 10MP સેલ્ફી કેમેરા
- Samsung Galaxy Z Fold 8 Ultra સાથે સીધી ટક્કર
લોન્ચ બાદ Google Pixel 11 Pro Foldનો સીધો મુકાબલો Samsung Galaxy Z Fold 8, Galaxy Z Fold 8 Ultra 5G જેવા પ્રીમિયમ ફોલ્ડેબલ સ્માર્ટફોન્સ સાથે થવાનો છે. ફોલ્ડેબલ સ્માર્ટફોન સેગમેન્ટમાં આ ફોનને વર્ષ 2026ના સૌથી ચર્ચિત લોન્ચમાંથી એક માનવામાં આવી રહ્યો છે.
સત્તાવાર જાહેરાતની રાહ
હાલમાં સામે આવેલી તમામ માહિતી લીક્સ અને ટીઝર આધારિત છે. ફોનના ફીચર્સ, કિંમત અને ઉપલબ્ધતા વિશેની સંપૂર્ણ માહિતી 12 ઓગસ્ટ, 2026ના લોન્ચ ઇવેન્ટ દરમિયાન જાહેર કરવામાં આવશે. ટેક પ્રેમીઓ માટે Google Pixel 11 Pro Fold એક ખૂબ જ રસપ્રદ સ્માર્ટફોન સાબિત થઈ શકે છે.