Deepfake New Rules India: ડિજિટલ દુનિયામાં વધતી જતી છેતરપિંડી અને ભ્રામક માહિતીને રોકવા માટે ભારત સરકારે કડક વલણ અપનાવ્યું છે. IT નિયમોમાં મોટા ફેરફાર કરીને હવે સોશિયલ મીડિયા પ્લેટફોર્મ્સની જવાબદારી અને સમયમર્યાદા બંને નક્કી કરી દેવામાં આવી છે.
નવા નિયમોની મુખ્ય બાબતો
સમયમર્યાદામાં મોટો ઘટાડો: પહેલા સોશિયલ મીડિયા પ્લેટફોર્મ પાસે વાંધાજનક કન્ટેન્ટ હટાવવા માટે 36 કલાકનો સમય હતો. હવે તે ઘટાડીને માત્ર 3 કલાક કરી દેવામાં આવ્યો છે.
ત્વરિત કાર્યવાહી: કોર્ટ અથવા સરકારી આદેશ મળ્યાના 3 કલાકની અંદર X (Twitter), Instagram અને Facebook જેવા પ્લેટફોર્મ્સે Deepfake કન્ટેન્ટ દૂર કરવું પડશે.
ફરજીયાત લેબલિંગ: કોઈપણ AI જનરેટેડ કન્ટેન્ટ કે Deepfake વિડિયો પર સ્પષ્ટ રીતે 'AI Generated'નું લેબલ લગાવવું પડશે. આ લેબલ યુઝરને દેખાય તે રીતે હાઈલાઈટ કરવાનું રહેશે.
મેટાડેટા સુરક્ષા: પ્લેટફોર્મ્સ આ લેબલને મેટાડેટા સાથે જોડશે, જેથી તેને કોઈ હટાવી કે છુપાવી શકશે નહીં.
નિયમોમાં શું ફેરફાર થયો? (સરખામણી)
| વિગત | જૂનો નિયમ | નવો નિયમ (20 ફેબ્રુઆરી 2026 થી) |
|---|---|---|
| સમય મર્યાદા | 36 કલાક | 3 કલાક |
| જવાબદારી | પ્લેટફોર્મની મર્યાદિત જવાબદારી | પ્લેટફોર્મ અને યુઝર બંનેની જવાબદારી |
| ઓળખ | કોઈ લેબલ ફરજીયાત નહોતું | AI લેબલ અને મેટાડેટા ફરજીયાત |