હોળીનો તહેવાર રંગો વડે મનાવવામાં આવે છે, પરંતુ ઘણા લોકો આ તહેવાર પર ઘરે અવનવી વાનગી બનાવતા હોય છે, તમે ઘુઘરા બનાવી શકો છો.
માવો, બદામ, કાજુ, પિસ્તા, કીસમીસ, અખરોટ, ઇલાયચી પાઉડર, મેંદો, ખાંડ બુરુ, તળવા માટે ઘી અથવા તેલ
સૌ પ્રથમ એક પેનમા એક ચમચી ઘી ગરમ કરી તેમાં માવો અને ડ્રાયફુટ્સના ટુકડા નાંખી સહેજ બ્રાઉન થાય ત્યાં સુધી શેકી લો. આ મસાલો ઠંડો થાય પછી તેમા ખાંડ નાંખી બરાબર મિક્સ કરી લો.
હવે મેંદાના લોટમાં ઘીનું મોણ નાંખી નરમ લોટ બાંધી 15 મિનિટ સુધી સેટ થવા દો.
હવે લોટમાંથી નાની અને જાડી પુરી વણી લો. પુરીની વચ્ચે માવા ડ્રાયફુટ્સનો મસાલો ભરી ઘુઘરા બનાવી લો.
હવે એક પેનમાં ઘી કે તેલ ગરમ કરી ઘુઘરા સહેજ બ્રાઉન થાય ત્યાં સુધી તળી લો, આ ઘુઘરા 4 થી 5 દિવસ સુધી ફ્રેશ રહે છે.
માવા ઘુઘરા પર પિસ્તાની કટરણી વડે ગાર્નિશ કરો અને પ્રિયજનોનું મોં મીઠું કરાવો.
રેસીપી ગમે તો લાઈક-શેર કરજો અને આવી યુનિક વાનગી માટે ગુજરાતી જાગરણ વાંચતા રહો.