દરેક લોકોને નાસ્તામાં ભાખરી ખાવાનું પસંદ હોય છે, તમે ઘઉંના લોટની તો ભાખરી ખાધી જ હશે, આજે અમે તમને બાજરીના લોટની ભાખરી બનાવવાની રીત જણાવીશું.
બાજરીનો લોટ, ઘઉંનો લાટ, લીલા મરચા, આદુ-લસણ, તેલ, મેથીના પાન, હળદર, લાલ મરચું પાઉડર, હીંગ, મીઠું, સફેદ તલ, પાણી.
સૌ પ્રથમ એક મિક્સરમાં આદુ, મરચા, લસણને ક્રસ કરી લો અને મેથીના પાનને ધોઈ ઝીણા સમારી લો.
હવે એક પેનમાં તેલ ગરમ કરી તેમાં ક્રશ કરેલી આદુ-મરચાની પેસ્ટ, મેથીના પાન અને મસાલા ઉમેરીને સાંતળી લો.
હવે તેને એક બાઉલમાં કાઢી તેમાં બાજરીનો લોટ, ઘઉંનો લોટ, સફેદ તલ ઉમેરીને મિક્સ કરી લો.
હવે તેમાં મીઠું અને થોડું થોડું પાણી ઉમેરીને લોટ બાંધી લો.
હવે લોટના નાના લૂઆ બનાવીને ભાખરી બનાવીને એક તવા પર બંને બાજુ સારી રીતે શેકી લો.
તૈયાર છે બાજરીના લોટની ભાખરી, તમે નાસ્તામાં ચા સાથે સર્વ કરી શકો છો.
રેસીપી ગમે તો લાઈક-શેર કરજો અને આવી યુનિક વાનગી માટે ગુજરાતી જાગરણ વાંચતા રહો.