Trump Hikes Global Tariffs: તાજેતરમાં અમેરિકાની સુપ્રીમ કોર્ટે વિશ્વના અનેક દેશો પર રાષ્ટ્રપતિ ડોનાલ્ડ ટ્રમ્પ(Donald Trump) દ્વારા લાદવામાં આવેલ ટેરિફ(Tariffs)ને રદ્દ બાતલ ગણાવતો ચૂકાદો આપ્યો છે. અલબત ટ્રમ્પે હવે નવું ફરમાન જારી કરતાં શનિવારે ગ્લોબર ટેરિફ 10 ટકાથી વધારીને 15 ટકા કરવાની જાહેરાત કરી છે.
ઘણા મહિનાઓની ચર્ચા-વિચારણા પછી અમેરિકાની સુપ્રીમ કોર્ટ દ્વારા ગઈકાલે જારી કરાયેલા વાહિયાત, નબળી રીતે લખાયેલા અને અત્યંત અમેરિકા વિરોધી નિર્ણયની સંપૂર્ણ સમીક્ષા અને વિગતવાર સમીક્ષાના આધારને કૃપા કરીને સમજો કે આ નિવેદનનો અર્થ એ છે કે તાત્કાલિક અસરકારક રીતે હું અમેરિકાના રાષ્ટ્રપતિ તરીકે એવા દેશો પર 10% વિશ્વવ્યાપી ટેરિફ વધારીશ કે જેમાંથી ઘણા દાયકાઓથી (જ્યાં સુધી હું આવ્યો ન હતો!) કોઈ જ બદલા વગર અમેરિકાને લૂંટી રહ્યા છે. આ સાથે 15% ના સંપૂર્ણપણે મંજૂર અને કાયદેસર રીતે તપાસેલ સ્તર સુધી વધારીશ, તેમ ટ્રમ્પે સોશિયલ મીડિયા પ્લેટફોર્મ ટ્રુથ પર લખ્યું હતું.
આગામી થોડા મહિનામાં નવા ટેરિફને અંતિમ સ્વરૂપ આપવામાં આવશે
Breaking: Trump raises global tariffs to 15% pic.twitter.com/ivjK3M4Szy
— Sidhant Sibal (@sidhant) February 21, 2026
આગામી કેટલાક મહિનામાં નક્કી થશે નવા ટેરિફ
તેમણે આગળ કહ્યું કે આગામી થોડા મહિનામાં ટ્રમ્પ વહીવટીતંત્ર નવા, કાયદેસર રીતે મંજૂર કરાયેલા ટેરિફને અંતિમ સ્વરૂપ આપશે અને જારી કરશે, જે અમેરિકાને ફરીથી મહાન, પહેલા કરતા વધુ મહાન બનાવવાની અમારી ખૂબ જ સફળ પ્રક્રિયાને ચાલુ રાખશે!!! આ બાબત પર ધ્યાન આપવા બદલ આભાર.
સુપ્રીમ કોર્ટે શું કહ્યું?
આ પહેલા ટ્રમ્પને મોટો ફટકો આપતા સુપ્રીમ કોર્ટે શુક્રવારે તેમના વહીવટીતંત્ર દ્વારા લાદવામાં આવેલા મોટા ટેરિફને રદ કર્યા હતા. કોર્ટે ચુકાદો આપ્યો હતો કે રાષ્ટ્રપતિએ રાષ્ટ્રીય કટોકટીનો સામનો કરવા માટે ઈમર્જન્સીની સત્તાઓનો ઉપયોગ કરીને પોતાના અધિકારનો દુરુપયોગ કર્યો હતો.
કોર્ટે ચુકાદો આપ્યો હતો કે ટ્રમ્પે મોટા વેપાર ટેરિફને યોગ્ય ઠેરવવા માટે રાષ્ટ્રીય કટોકટી કાયદાનો ઉપયોગ કર્યો હતો, જે ન્યાયાધીશો માનતા હતા કે રાષ્ટ્રપતિની સત્તાની બહાર છે.