CBSE 10th Result 2026 Declared: સેન્ટ્રલ બોર્ડ ઓફ સેકન્ડરી એજ્યુકેશન (CBSE) દ્વારા લેવાયેલી ધોરણ 10ની બોર્ડ પરીક્ષાના પરિણામોની રાહ હવે પૂરી થઈ ગઇ છે. દેશભરના આશરે 2.5 મિલિયન (25 લાખ) થી વધુ વિદ્યાર્થીઓ અને તેમના વાલીઓ પરિણામની આતુરતાથી રાહ જોઈ રહ્યા હતા.
The Central Board of Secondary Education (CBSE) declares the Class 10 Board Examination 2026 (Session 1)
— ANI (@ANI) April 15, 2026
DigiLocker એ વિદ્યાર્થીઓને તૈયાર રહેવા સલાહ આપી હતી
પરિણામ જાહેર થયા બાદ વેબસાઇટ પર ટ્રાફિક વધવાને કારણે ઘણીવાર સર્વર ડાઉન થવાની સમસ્યા સર્જાય છે. આ પરિસ્થિતિને ટાળવા માટે, DigiLocker એ વિદ્યાર્થીઓને અગાઉથી તૈયાર રહેવાની સલાહ આપી હતી. સત્તાવાર માહિતી મુજબ, વિદ્યાર્થીઓએ પોતાના રોલ નંબર, જન્મ તારીખ અને સ્કૂલ આઈડી જેવા દસ્તાવેજો તૈયાર રાખવા જોઈએ, જેથી પરિણામ જાહેર થતાની સાથે જ કોઈપણ અવરોધ વગર માર્કશીટ ડાઉનલોડ કરી શકાય.
જાણો 'APAR ID' સક્રિય કરવાની રીત
CBSE એ આ વર્ષે પરિણામ જોવા અને ડિજિટલ માર્કશીટ મેળવવા માટે DigiLocker એકાઉન્ટને વધુ પ્રાધાન્ય આપ્યું છે. જે વિદ્યાર્થીઓ પાસે હજુ સુધી 'APAR ID' નથી, તેઓએ પરિણામ પહેલા તેને સક્રિય કરી લેવું જોઈએ. આ માટે નીચેના સ્ટેપ્સ અનુસરો:
- 1) સૌ પ્રથમ સત્તાવાર લિંક cbseservices.digilocker.gov.in પર જાવ.
- 2) હોમપેજ પર આપેલા "Get Started" બટન પર ક્લિક કરો.
- 3) તમારી શાળા દ્વારા પૂરી પાડવામાં આવેલી જરૂરી વિગતો દાખલ કરો.
- 4) તમારા રજિસ્ટર્ડ મોબાઈલ નંબર પર પ્રાપ્ત થયેલા OTP દ્વારા વેરિફિકેશન પૂર્ણ કરો.
- 5) એકાઉન્ટ સક્રિય થયા પછી, પરિણામ જાહેર થતા જ તમે સીધી તમારી ડિજિટલ માર્કશીટ મેળવી શકશો.
Don’t wait till result day-set up your DigiLocker account now and stay ready.
— DigiLocker (@digilocker_ind) April 13, 2026
🔗https://t.co/pSvg3mGnPS
📌 Note:
Students without an APAAR ID need to create their account.
Students with an APAAR ID linked to CBSE will receive their mark sheets in DigiLocker’s Issued Documents… pic.twitter.com/f42lxNlGVF
ઇન્ટરનેટ વગર SMS દ્વારા પણ જાણી શકાશે પરિણામ
ઘણા વિદ્યાર્થીઓ એવા વિસ્તારોમાં રહે છે જ્યાં ઇન્ટરનેટની સુવિધા નબળી હોય અથવા જેઓ સાદા કીપેડ ફોનનો ઉપયોગ કરે છે, તેમના માટે પણ બોર્ડે સુવિધા કરી છે. આવા વિદ્યાર્થીઓ SMS દ્વારા નીચે મુજબ પરિણામ જાણી શકે છે:
- ફોર્મેટ:
cbse10 <space> રોલ નંબર <space> જન્મ તારીખ (DDMMYYYY) <space> શાળા નંબર <space> કેન્દ્ર નંબર - નંબર: આ મેસેજ ટાઈપ કરીને 7738299899 પર મોકલી આપો.
ફેબ્રુઆરી-માર્ચમાં લેવાઈ હતી પરીક્ષા
CBSE ધોરણ 10ની બોર્ડ પરીક્ષાઓ 18 ફેબ્રુઆરીથી 11 માર્ચ, 2026 દરમિયાન દેશ અને વિદેશના વિવિધ કેન્દ્રો પર લેવામાં આવી હતી. આ વર્ષે 25 લાખથી વધુ વિદ્યાર્થીઓએ પરીક્ષા આપી છે, જે એક મોટો આંકડો છે. અત્યારે બોર્ડ દ્વારા પરિણામની અંતિમ તૈયારીઓને ઓપ આપવામાં આવી રહ્યો છે અને કોઈપણ સમયે સત્તાવાર વેબસાઇટ cbseresults.nic.in પર લિંક સક્રિય થઈ શકે છે.
છેલ્લા ત્રણ વર્ષમાં પરિણામો ક્યારે જાહેર થયા?
- 2025માં ધોરણ 10 અને 12ના પરિણામો 13 મેના રોજ જાહેર કરવામાં આવ્યા હતા.
- 2024માં CBSEએ પણ ધોરણ 10 અને 12ના પરિણામો 13 મેના રોજ જાહેર કર્યા હતા.
- 2023માં CBSE ધોરણ 10 અને 12ના પરિણામો 12 મેના રોજ જાહેર કરવામાં આવ્યા હતા.