Bhavnagar Weather Forecast: આજે પવન સાથે હળવા વરસાદની આગાહી, 11 ઓગસ્ટ સુધી ભારે વરસાદની ચેતવણી નહીં, જાણો લેટેસ્ટ અપડેટ

Bhavnagar Weather Forecast Today and Tomorrow | આજનું ભાવનગરનું હવામાન (6 ઓગસ્ટ 2026): ભાવનગર શહેરમાં આજે હવામાન વિભાગ દ્વારા પવન સાથે છૂટાછવાયા સ્થળોએ હળવાથી મધ્યમ વરસાદની શક્યતા વ્યક્ત કરવામાં આવી છે. મહત્તમ તાપમાન 31 ડિગ્રી સેલ્સિયસ અને લઘુત્તમ તાપમાન 24 ડિગ્રી સેલ્સિયસની આસપાસ રહેવાનો અંદાજ છે. આગામી 7 થી 11 ઓગસ્ટ દરમિયાન પણ શહેરમાં ભારે વરસાદની કોઈ ચેતવણી નથી, પરંતુ હળવા વરસાદી ઝાપટાં ચાલુ રહી શકે છે. વાતાવરણમાં ભેજ રહેવાના કારણે લોકોને થોડા બફારાનો સામનો કરવો પડી શકે છે. ચોમાસાની સિઝનમાં ભાવનગર જિલ્લામાં અત્યાર સુધીમાં સરેરાશ 54 ટકાથી વધુ વરસાદ નોંધાઈ ચૂક્યો છે.

ભાવનગરમાં આજે કેવું રહેશે હવામાન?

હવામાન વિભાગ દ્વારા કરવામાં આવેલી આગાહી અનુસાર આજે ભાવનગરમાં પવન સાથે છૂટાછવાયા સ્થળોએ હળવોથી મધ્યમ વરસાદ થવાની શક્યતા છે. 7થી 11 ઓગસ્ટ દરમિયાન પણ શહેર કે જિલ્લામાં ભારે વરસાદ થવાની કોઇ ચેતાવણી હાલ આપવામાં આવી નથી, જોકે છૂટાછવાયા સ્થળોએ હળવા વરસાદી ઝાપટાં વરસી શકે છે

ભાવનગરમાં આજે કેટલું રહેશે તાપમાન?

ભાવનગર શહેરના મહત્તમ અને લઘુત્તમ તાપમાનની વાત કરીએ તો આજે મહત્તમ તાપમાન 31 ડિગ્રીની આસપાસ રહેવાની શક્યતા છે. જ્યારે લઘુત્તમ તાપમાન 24 ડિગ્રી સુધી રહી શકે છે. 11 ઓગસ્ટ સુધી શહેરમાં મહત્તમ તાપમાન 30થી 33 ડિગ્રીની આસપાસ અને લઘુત્તમ તાપમાન 24 ડિગ્રી સુધી રહેવાની શક્યતા છે. શહેરમાં 5થી 11 ઓગસ્ટ દરમિયાન ભેજનું પ્રમાણ મહત્તમ 83થી 85 અને લઘુત્તમ 80ની આસપાસ રહી શકે છે.

ગુજરાતના અન્ય જિલ્લાઓ અંગે શું છે હવામાનની આગાહી

હવામાન વિભાગ અનુસાર, આજે 6થી 11 ઓગસ્ટ 2026 દરમિયાન વલસાડ, ડાંગ, નવસારી, તાપી, સુરત, નર્મદા, ભરૂચ, વડોદરા, છોટા ઉદેપુર, પંચમહાલ, દાહોદ, મહીસાગર, અરવલ્લી, આણંદ, ખેડા, સાબરકાંઠા, ગાંધીનગર, અમદાવાદ, મહેસાણા, બનાસકાંઠા, પાટણ, વાવ-થરાદ, કચ્છ, મોરબી, સુરેન્દ્રનગર, બોટાદ, રાજકોટ, ભાવનગર, અમરેલી, જામનગર, રાજકોટ, જૂનાગઢ, ગીર સોમનાથ, પોરબંદર, દેવભૂમિ દ્વારકા જિલ્લામાં હળવોથી મધ્યમ વરસાદ થઇ શકે છે. નેશનલ સેન્ટર ફોર મીડિયમ રેન્જ વેધર ફોરકાસ્ટિંગ અનુસાર, 12થી 15 ઓગસ્ટ દરમિયાન અમદાવાદ, સુરત, નવસારી, વલસાડ, મહેસાણા સહિતના જિલ્લાઓમાં છૂટાછવાયા સ્થળોએ હળવોથી મધ્યમ વરસાદ વરસી શકે છે. ક્યાંક ક્યાંક ધોધમાર વરસાદની શક્યતા પણ છે.

અનેક સિસ્ટમ સક્રિય હોવાથી હવામાનમાં અસર જોવા મળી શકે

હાલમાં ચોમાસાનો ટ્રફ તેની સામાન્ય સ્થિતિ કરતાં સરેરાશ સમુદ્ર સપાટીએ ઉત્તર દિશામાં ખસ્યો છે. એક વેસ્ટર્ન ડિસ્ટર્બન્સ મધ્ય અને ઉપલા ટ્રોપોસ્ફેરિક વેસ્ટર્લીઝમાં ટ્રફ તરીકે સક્રિય છે. ઉત્તર પશ્ચિમ ઉત્તર પ્રદેશ અને તેના પડોશમાં નીચલા ટ્રોપોસ્ફેરિક સ્તરે એક સાઇક્લોનિક સર્ક્યૂલેશન સર્જાયું છે. ઉત્તરપૂર્વ બિહાર અને અડીને આવેલા સબ-હિમાલયન પશ્ચિમ બંગાળ અને સિક્કિમ પર, મધ્ય આસામ પર નીચલા અને મધ્ય ટ્રોપોસ્ફેરિક સ્તરો વચ્ચે, ઉત્તરપૂર્વ બાંગ્લાદેશ તથા તેના પડોશમાં નીચલા ટ્રોપોસ્ફેરિક સ્તરે અને દક્ષિણ આંતરિક કર્ણાટક અને તેના પડોશમાં મધ્ય ટ્રોપોસ્ફેરિક સ્તરે અપર એર સાઇક્લોનિક સર્ક્યૂલેશન સક્રિય છે. આમ મોન્સૂન ટ્રફ, વેસ્ટર્ન ડિસ્ટર્બન્સ અને સાઇક્લોનિક સર્ક્યૂલેશન સહિતની સિસ્ટમની અસર હવામાન પણ જોવા મળી શકે છે.

ભાવનગર જિલ્લામાં સિઝનનો કુલ વરસાદ વરસ્યો

ચોમાસું 2026ની સિઝનમાં અત્યારસુધીમાં ભાવનગર જિલ્લામાં સરેરાશ 874 મિ.મી.ની સરખામણીએ 478 મિ.મી. વરસાદ વરસી ચૂક્યો છે. એટલે કે સિઝનનો 54.69 ટકા વરસાદ અત્યારસુધીમાં થયો છે. અહીં જિલ્લામાં તાલુકાવાર સિઝનનો કેટલો વરસાદ પડ્યો તેની વિગતો અહીં કોષ્ટકમાં આપવામાં આવી છે.