Gandhidham Elections 2026: ગાંધીધામમાં ચૂંટણી માટે વહીવટી તંત્ર સજ્જ, 26 એપ્રિલે યોજાશે મતદાન, આપે જાહેર કર્યા ઉમેદવારો
આગામી 26 એપ્રિલના રોજ ગાંધીધામ મહાનગરપાલિકા માટે મતદાન પ્રક્રિયા યોજાશે. આ ચૂંટણીમાં 2.15 લાખથી વધુ મતદારો પોતાના મતાધિકારનો ઉપયોગ કરીને ઉમેદવારોનું ભાવિ નક્કી કરશે.
Gandhidham Municipal Corporation Election 2026: રાજ્ય ચૂંટણી આયોગ દ્વારા ગાંધીધામની સ્થાનિક સ્વરાજ્યની સંસ્થાઓની સામાન્ય ચૂંટણી-2026નું સત્તાવાર જાહેરનામું પ્રસિદ્ધ કરવામાં આવ્યું છે. આ જાહેરનામા સાથે જ ગાંધીધામ મહાનગરપાલિકામાં લોકશાહીના પર્વની ઉજવણીનો પ્રારંભ થઈ ચૂક્યો છે. ચૂંટણીની જાહેરાત થતાની સાથે જ રાજકીય પક્ષોમાં હલચલ વધી ગઈ છે, જેમાં આમ આદમી પાર્ટીએ પહેલ કરીને પોતાના ઉમેદવારોની યાદી જાહેર કરી દીધી છે. બીજી તરફ, ભાજપ અને કોંગ્રેસ દ્વારા પણ આગામી એક-બે દિવસમાં તેમના ઉમેદવારોના નામની જાહેરાત કરવામાં આવે તેવી પ્રબળ શક્યતા છે.
આગામી 26 એપ્રિલના રોજ ગાંધીધામ મહાનગરપાલિકા માટે મતદાન પ્રક્રિયા યોજાશે. આ ચૂંટણીમાં 2.15 લાખથી વધુ મતદારો પોતાના મતાધિકારનો ઉપયોગ કરીને ઉમેદવારોનું ભાવિ નક્કી કરશે. હાલમાં વહીવટી તંત્ર દ્વારા ચૂંટણીલક્ષી તમામ તૈયારીઓને આખરી ઓપ આપવામાં આવી રહ્યો છે અને સમગ્ર વિસ્તારમાં આચારસંહિતાની કડક અમલવારી થાય તે માટે સઘન કાર્યવાહી હાથ ધરવામાં આવી છે.
