North Gujarat Rain Update: ઉત્તર ગુજરાતના વિવિધ જિલ્લાઓમાં છેલ્લા 24 કલાક દરમિયાન મેઘરાજાએ મનમૂકીને પોતાની હાજરી નોંધાવી છે. સ્ટેટ ઇમરજન્સી ઓપરેશન સેન્ટર દ્વારા જાહેર કરવામાં આવેલા આંકડા મુજબ, ઉત્તર ગુજરાતના સાબરકાંઠા, મહેસાણા અને પાટણ સહિતના વિસ્તારોમાં નોંધપાત્ર વરસાદ નોંધાયો છે.
સાબરકાંઠા અને મહેસાણામાં નોંધપાત્ર વરસાદ
છેલ્લા 24 કલાકના વરસાદના આંકડા પર નજર કરીએ તો, સાબરકાંઠા જિલ્લાના વિજયનગર તાલુકામાં સૌથી વધુ 4.49 ઈંચ વરસાદ નોંધાયો છે. આ ઉપરાંત મહેસાણા જિલ્લામાં પણ મેઘમહેર જોવા મળી છે. મહેસાણા શહેરમાં 1.97 ઈંચ, કડીમાં 1.34 ઈંચ અને વિસનગરમાં 1.30 ઈંચ વરસાદ ખાબક્યો છે.
સાબરકાંઠા જિલ્લો (Sabarkantha Rainfall Data)
સાબરકાંઠા જિલ્લાના વિજયનગર તાલુકામાં સૌથી વધુ 4.49 ઇંચ વરસાદ નોંધાયો છે. આ ઉપરાંત જિલ્લાના ખેડબ્રહ્મામાં 0.20 ઇંચ, ઇડરમાં 0.12 ઇંચ અને વડાલીમાં 0.08 ઇંચ વરસાદ પડ્યો છે.
મહેસાણા જિલ્લો (Mehsana Rainfall Data)
મહેસાણા જિલ્લામાં પણ મેઘમહેર જોવા મળી છે. મહેસાણા શહેરમાં 1.97 ઇંચ, કડીમાં 1.34 ઇંચ અને વિસનગરમાં 1.30 ઇંચ વરસાદ ખાબક્યો છે. જિલ્લાના અન્ય તાલુકાઓમાં ઊંઝામાં 0.51 ઇંચ, વડનગરમાં 0.39 ઇંચ, સતલાસણામાં 0.35 ઇંચ, જોટાણામાં 0.31 ઇંચ અને ખેરાલુમાં 0.12 ઇંચ વરસાદ નોંધાયો છે.
પાટણ જિલ્લો (Patan Rainfall Data)
પાટણ જિલ્લાના સિદ્ધપુર તાલુકામાં 1.42 ઇંચ વરસાદ થયો છે. આ સિવાય શંખેશ્વરમાં 0.91 ઇંચ, રાધનપુરમાં 0.59 ઇંચ, સમીમાં 0.35 ઇંચ, સરસ્વતીમાં 0.28 ઇંચ, ચાણસ્મામાં 0.28 ઇંચ, પાટણ શહેરમાં 0.20 ઇંચ અને સાંતલપુરમાં 0.20 ઇંચ વરસાદ નોંધાયો છે.
બનાસકાંઠા જિલ્લો (Banaskantha Rainfall Data)
બનાસકાંઠા જિલ્લામાં વડગામ અને દાંતા તાલુકામાં 1.34 ઇંચ વરસાદ પડ્યો છે. જ્યારે દાંતીવાડામાં 0.98 ઇંચ, પાલનપુરમાં 0.79 ઇંચ, ડીસામાં 0.35 ઇંચ, હદાદમાં 0.12 ઇંચ અને વાવ-થરાદના રાહ વિસ્તારમાં 0.12 ઇંચ વરસાદ નોંધાયો છે.
ગાંધીનગર જિલ્લો (Gandhinagar Rainfall Data)
ગાંધીનગર જિલ્લાના કલોલ તાલુકામાં 1.14 ઇંચ અને ગાંધીનગર શહેરમાં 0.24 ઇંચ વરસાદ થયો છે. આ સાર્વત્રિક વરસાદના પગલે ખેડૂતોમાં આનંદની લાગણી જોવા મળી રહી છે.