Surendranagar Elections 2026: સુરેન્દ્રનગરમાં ચૂંટણી માટે વહીવટી તંત્ર સજ્જ, 26 એપ્રિલે મતદાન, 3 ચૂંટણી અધિકારીઓની નિમણૂક

Surendranagar Municipal Corporation Election 2026: રાજ્ય ચૂંટણી આયોગ દ્વારા સુરેન્દ્રનગર જિલ્લાની સ્થાનિક સ્વરાજ્યની સંસ્થાઓની સામાન્ય ચૂંટણી-2026નું જાહેરનામું પ્રસિદ્ધ કરવામાં આવ્યું છે, જે અંતર્ગત સુરેન્દ્રનગર મહાનગરપાલિકામાં લોકશાહીના પર્વની ઉજવણી કરવામાં આવશે. આમ આદમી પાર્ટી દ્વારા સુરેન્દ્રનગર મહાનગરપાલિકા માટે ઉમેદવારોની યાદી તાજેતરમાં જારી કરવામાં આવી હતી.

ભાજપ અને કોંગ્રેસ દ્વારા પણ એકાદ-બે દિવસમાં યાદી જાહેર કરવામાં આવી શકે છે. આગામી 26 એપ્રિલના રોજ સુરેન્દ્રનગર મહાનગર પાલિકા માટે મતદાન પ્રક્રિયા હાથ ધરવામાં આવનારી છે. જેમાં 1.94 લાખથી વધુ મતદાતાઓ મતદાન કરીને ઉમેદવારોનું ભાવિ નક્કી કરશે. તંત્ર દ્વારા ચૂંટણી સંબંધિત તૈયારીઓ અને આચારસંહિતાની કડક અમલવારી માટે કાર્યવાહી હાથ ધરવામાં આવી રહી છે.

સુરેન્દ્રનગર મહાનગરપાલિકા માટે 3 ચૂંટણી અધિકારીઓ અને 3 મદદનીશ ચૂંટણી અધિકારીઓની નિમણૂક કરવામાં આવી છે. ચૂંટણીલક્ષી કોઈપણ ફરિયાદ અથવા પ્રશ્નોના ત્વરિત નિરાકરણ માટે કલેક્ટર કચેરી, સુરેન્દ્રનગરના ડિઝાસ્ટર શાખા ખાતે 24 કલાક કાર્યરત જિલ્લા કક્ષાનો કંટ્રોલરૂમ શરૂ કરવામાં આવ્યો છે.

વોર્ડ પ્રમાણે જાણો મતદારોની વિગતો