વલસાડ જિલ્લાના આ મહત્વના ચૂંટણી જંગમાં વિકાસના મુદ્દાઓ અને સ્થાનિક સુવિધાઓ મુખ્ય કેન્દ્રમાં રહેશે, જેને લઈને મતદારોમાં પણ ભારે ઉત્સાહ જોવા મળી રહ્યો છે.
Vapi Municipal Corporation Election 2026: રાજ્ય ચૂંટણી આયોગ દ્વારા વાપી મહાનગરપાલિકાની સામાન્ય ચૂંટણી-2026નું સત્તાવાર જાહેરનામું બહાર પાડવામાં આવતાની સાથે જ ઔદ્યોગિક નગરી વાપીના રાજકારણમાં ગરમાવો આવી ગયો છે. આગામી 26 એપ્રિલના રોજ યોજાનાર આ મતદાનમાં 1.13 લાખથી વધુ મતદારો પોતાના મતાધિકારનો ઉપયોગ કરી શહેરના શાસકોને ચૂંટશે. લોકશાહીના આ મહાપર્વને નિષ્પક્ષ અને શાંતિપૂર્ણ રીતે સંપન્ન કરવા માટે સ્થાનિક વહીવટી તંત્ર સજ્જ બન્યું છે. વહીવટી તંત્ર દ્વારા હાલમાં આચારસંહિતાની કડક અમલવારી માટે કાર્યવાહી તેજ કરી દેવામાં આવી છે અને મતદાન મથકોની તૈયારીઓને આખરી ઓપ અપાઈ રહ્યો છે.
રાજકીય ગલીઓમાં પણ ચૂંટણીને લઈને ભારે ઉત્તેજના જોવા મળી રહી છે. આ વખતે આમ આદમી પાર્ટીએ ઉમેદવારોની યાદી જાહેર કરી છે. બીજી તરફ, ભાજપ અને કોંગ્રેસમાં પણ ઉમેદવારોની પસંદગી પ્રક્રિયા અંતિમ તબક્કામાં છે અને આગામી એક-બે દિવસમાં બંને પક્ષો દ્વારા પોતાના ઉમેદવારોના નામ જાહેર કરવામાં આવે તેવી પૂરેપૂરી શક્યતા છે. વલસાડ જિલ્લાના આ મહત્વના ચૂંટણી જંગમાં વિકાસના મુદ્દાઓ અને સ્થાનિક સુવિધાઓ મુખ્ય કેન્દ્રમાં રહેશે, જેને લઈને મતદારોમાં પણ ભારે ઉત્સાહ જોવા મળી રહ્યો છે.
