IPL 2026 Purple Cap Top Contenders Updated 8 April 2026: IPL 2026માં રાજસ્થાન રોયલ્સ (RR) ની ટીમ માત્ર બેટિંગમાં જ નહીં પરંતુ બોલિંગમાં પણ વિરોધી ટીમો પર ભારે પડી રહી છે. મંગળવારે મુંબઈ ઈન્ડિયન્સ (MI) સામેની શાનદાર જીત બાદ, પર્પલ કેપની રેસમાં રાજસ્થાનના બોલરોએ ટોચના બે સ્થાનો પર કબજો જમાવી લીધો છે. ગુવાહાટીના બારસાપારા ક્રિકેટ સ્ટેડિયમમાં રમાયેલી આ મેચમાં રાજસ્થાને મુંબઈને 27 રનથી હરાવી જીતની હેટ્રિક પૂર્ણ કરી છે.
RR vs MI: વરસાદી વિઘ્ન છતાં રાજસ્થાનની ધારદાર બોલિંગ
વરસાદને કારણે મેચને પ્રતિ ટીમ 11 ઓવરની કરવામાં આવી હતી. પ્રથમ બેટિંગ કરતા રાજસ્થાન રોયલ્સે 151/3 રનનો વિશાળ સ્કોર નોંધાવ્યો હતો. જવાબમાં મુંબઈ ઈન્ડિયન્સની ટીમ નિર્ધારિત ઓવરોમાં 9 વિકેટ ગુમાવીને માત્ર 123 રન જ બનાવી શકી હતી. આ જીત સાથે રાજસ્થાનની ટીમ પોઈન્ટ ટેબલમાં તો મોખરે છે જ, સાથે પર્પલ કેપ પણ આ ટીમના ખેલાડી પાસે છે.
RR vs MI: રવિ બિશ્નોઈ પાસે 'પર્પલ કેપ'
રાજસ્થાન રોયલ્સના સ્ટાર સ્પિનર રવિ બિશ્નોઈએ આ સીઝનમાં અત્યાર સુધી શાનદાર પ્રદર્શન કર્યું છે. મુંબઈ સામેની મેચમાં તેણે 2 ઓવરમાં 25 રન આપીને 2 મહત્વની વિકેટ ઝડપી હતી. આ સાથે જ તે 3 મેચમાં કુલ 7 વિકેટ સાથે IPL 2026 માં સૌથી વધુ વિકેટ લેનાર બોલરોની યાદીમાં પ્રથમ સ્થાને પહોંચી ગયો છે.
આ પણ વાંચો
IPL 2026 Purple Cap: સૌથી વધુ વિકેટ ઝડપનાર ટોપ-10 બોલર્સ
| ખેલાડી | મેચ | વિકેટ | સરેરાશ |
|---|---|---|---|
| રવિ બિશ્નોઈ | 3 | 7 | 11.71 |
| નાંદ્રે બર્ગર | 3 | 5 | 15.20 |
| વિજયકુમાર વૈશાખ | 3 | 5 | 14.40 |
| જેકબ ડફી | 2 | 5 | 16.00 |
| અંશુલ કમ્બોજ | 3 | 5 | 24.40 |
| ટી નટરાજન | 2 | 4 | 13.25 |
| પ્રિન્સ યાદવ | 2 | 4 | 13.50 |
| હર્ષ દુબે | 3 | 4 | 17.50 |
| લુંગી એનગિડી | 2 | 4 | 15.25 |
| પ્રસિદ્ધ કૃષ્ણા | 2 | 4 | 18.00 |