ફાટેલા દૂધને ફેંકી દેવાને બદલે, તમે તેનાથી અનેક પ્રકારની વાનગીઓ બનાવી શકો છો. તેમાંથી એક બરફી છે. તેમાંથી બનેલી બરફીનો સ્વાદ ખૂબ જ સ્વાદિષ્ટ હોય છે. ચાલો આજે જાણીએ ફાટેલા દૂધમાંથી બરફી કેવી રીતે બનાવવી-
ફાટેલુ દૂધ - 1 કિલો, દૂધ પાવડર - 1 કપ , ખાંડ - 1-2 કપ, બટર - 2 ચમચી, એલચી પાવડર - એક ચપટી, કોકોનેટ પાવડર - અડધો કપ, કાજુ અને બદામ - અડધો કપ (બારીક સમારેલું)
સૌપ્રથમ ફાટેલા દૂધને ગરમ કરો અને તેને ચમચાની મદદથી મિક્સ કરતા રહો. આંચ મધ્યમ રાખો.
ધીમે ધીમે ફાટેલું દૂધ ઘટ્ટ થતું જશે. જ્યારે અડધું બાકી રહે, ત્યારે તેમાં દૂધનો પાવડર મિક્સ કરો .
તેને એટલી સારી રીતે મિક્સ કરો કે કોઈ ગઠ્ઠો ન બને. પછી ખાંડ અને નારિયેળ પાવડર ઉમેરો અને મિક્સ કરો.
હવે બારીક સમારેલા કાજુ અને બદામ ઉમેરો અને તેને પણ મિક્સ કરો. પછી એલચી પાવડર ઉમેરો અને મિક્સ કરો અને ઘટ્ટ થાય ત્યાં સુધી મિક્સ કરતા રહો.
હવે એક ટ્રે લો અને તેને ઘી થી ગ્રીસ કરો. હવે આ મિશ્રણને તેમાં કાઢી લો અને તેને ચમચીની મદદથી ફેલાવો.
પછી તેને છરીની મદદથી ઇચ્છિત આકારમાં કાપી લો. ફાટેલા દૂધની બરફી તૈયાર છે. તેને થોડીવાર માટે ફ્રીજમાં રાખો અને પછી પીરસો.
અવનવી વાનગીઓની રેસીપી જાણવા માટે ગુજરાતી જાગરણ સાથે જોડાયેલા રહો.