છાશને ઉનાળાનું અમૃત કહેવાય છે અને ગુજરાતીઓના ભોજનમાં છાશ તો હોય છે. ત્યારે ઉનાળામાં ઘણા લોકો મસાલા છાસ પીતા હોય છે.
છાશમાં પણ જો ટેસ્ટી મસાલો નાખેલો હોય તો તેની સ્વાદ વધી જાય છે. આજે અમે તમને છાશનો મસાલો બનાવવાની રીત જણાવીશું.
કોથમરી, ફુદીનાના પાન, મીઠો લીમડો, આખું જીરું, સુકા ધાણા, મરી, સંચર
સૌ પ્રથમ કોથમરી, મીઠો લીમડો અને ફુદીનાના પાન લઇને તેને એક બે દિવસ સુકવણી કરો.
હવે આ બધા પાનને એક પછી એક મિક્સરમાં નાખીને પાઉડર બનાવી લો.
હવે એક ગેસની ધીમી આંચ પર સુકા ધાણા, જીરુ અને મરીને થોડીવાર શેકી લો અને પછી તેને ઠંડા થવા દો.
આ પછી બધા મસાલા મિક્સરમાં ક્રસ કરી લો. આ પછી બધા મસાલા એક મોટો વાસણમાં ધાણા, મીઠો લીમડો અને ફુદીના પાઉડર પણ નાખી મિક્સ કરી દો.
તૈયાર છે છાશનો ટેસ્ટી મસાલો, તમે છાશમાં નાખીને પી શકો છો. આ મસાલો લાંબો સમય સુધી સારો રહેશે.
રેસીપી ગમે તો લાઈક-શેર કરો અને આવી વધુે રેસીપી માટે ગુજરાતી જાગરણ વાંચતા રહો.