શિયાળામાં શરીરને ગરમી અને શક્તિ આપવા માટે મેથી પાક એક ઉત્તમ અને પાવરફૂલ વસાણું છે. અહીં આપેલી પરફેક્ટ રેસીપી અને માપ સાથે તમે ઘરે સરળતાથી પોચો મેથી પાક બનાવી શકો છો.
25 ગ્રામ બદામ, 25 ગ્રામ કાજુ, 25 ગ્રામ સૂકી દ્રાક્ષ, 25 ગ્રામ પિસ્તા, 80 ગ્રામ ઘઉંનો લોટ, ત્રણ ચમચી અડદ દાળ, ત્રણ ચમચી મેથી દાણા, 50 ગ્રામ ગુંદર,30 ગ્રામ સુકુ ટોપરું, સવા 200 ગ્રામ દેશી ઘી, અને 200 ગ્રામ ગોળ, એક ચમચી ખસખસ, એક ચમચી ગંઠોડાનો પાઉડર, બે ચમચી સુંઠ પાવડર, અડધી ચમચી હળદર,
મેથી દાણા, અડદ દાળ અને ગુંદને મિક્સર જારમાં અલગ-અલગ લઈને બારીક લોટ તૈયાર કરો.
તૈયાર કરેલા મેથીના લોટને એક કે બે ચમચી ગરમ ઘીમાં પલાળીને તેની પેસ્ટ તૈયાર કરો. આનાથી તે મિશ્રણમાં કણી પડશે નહીં અને મેથી પાક પોચો બનશે.
એક મોટી કડાઈ લો અને તેમાં લગભગ 100 ગ્રામ જેટલું ઘી ગરમ કરો. તૈયાર કરેલો ગુંદ આ ઘીમાં તળી લો અને તેને ગાર્નિશિંગ માટે બાજુ પર રાખો. કઢાઈમાં બાકી રહેલા ઘીમાં ઘઉંનો લોટ ઉમેરીને ધીમા તાપે શેકો.
જ્યારે ઘઉંનો લોટ લગભગ થોડો શેકાઈ જાય, ત્યારે તેમાં અડદનો લોટ ઉમેરો. બંને લોટને ધીમા તાપે શેકતા રહો. જ્યારે લોટમાંથી સુગંધ આવવા લાગે, ત્યારે તેમાં તળેલા ગુંદ ઉમેરીને મિક્સ કરો.
ગુંદ સારી રીતે શેકાઈ જાય અને લોટ સાથે ભળી જાય, ત્યારે તેમાં બદામની કતરણ અને સૂકા ટોપરાની છીણ ઉમેરો. ત્યાર બાદ તરત જ સૂંઠ પાવડર, ગંઠોડા પાવડર અને હળદર ઉમેરીને બધું સારી રીતે મિક્સ કરો.
બધું મિશ્રણ બરાબર મિક્સ થઈ જાય, ત્યારે તૈયાર કરેલી મેથીની પેસ્ટ અને સૂકી દ્રાક્ષ ઉમેરો. ગેસની ફ્લેમ લો રાખીને આ બધું મિશ્રણ ફરીથી સારી રીતે મિક્સ કરીને શેકી લો.
હવે ગેસ બંધ કરી દો. મિશ્રણમાં ગોળને થોડો થોડો કરીને ઉમેરતા રહો અને બધું બરોબર હલાવીને મિક્સ કરો, ગોળ સંપૂર્ણપણે મિક્સ થઈ ગયા બાદ, તેમાં છેલ્લે પિસ્તા અને ખસખસ ઉમેરો.
તૈયાર મિશ્રણને ઘી લગાવેલ મોલ્ડ અથવા થાળીમાં પાથરીને સેટ કરવા માટે રાખો, જ્યારે મિશ્રણ થોડું ગરમ હોય, ત્યારે તેને નાના કદમાં કટ કરી લો.આમ તૈયાર થઈ જશે તમારો પોચો અને પૌષ્ટિક મેથી પાક!
અવનવી રેસીપી માટે ગુજરાતી જાગરણ વાંચતા રહો