આજે અમે તમને આમળામાંથી બનેલી ખૂબ જ સ્વાદિષ્ટ ચટણીની રેસીપી જણાવીશું. તમે તેને ઝડપથી બનાવી શકો છો અને દરરોજ તેનું સેવન કરી શકો છો.
આમળામાં વિટામિન સી વધુ માત્રામાં હોય છે, જે વાળ ખરવાનું ઓછું કરવામાં મદદ કરે છે અને શરીર માટે ઘણી રીતે ફાયદાકારક છે.
આમળા, મરચું, આદુ, લસણ, લીલા ધાણા, મીઠું
સૌ પ્રથમ આમળાને ધોઈને છરીની મદદથી નાના ટુકડા કરી લો અને લસણ ફોલીને ધોઈ લો અનેે કોથમરી અને મરચાંને ધોઈને ઝીણા સમારી લો.
હવે મિક્ષર જારમાં આમળા, લસણ-મરચાં, કોથમીર અને મીઠું ઉમેરીને પીસી લો.
તૈયાર છે આમળાની ચટણી, તમે ઘરે ફક્ત 10 મિનિટમાં બનાવી શકો છો.
જો તમે દાળ અને ભાત સાથે આમળાની ચટણી ખાશો તો તમે શાક ભૂલી જશો. તે ખાવામાં ખૂબ જ સ્વાદિષ્ટ હોય છે, તમે તેને પરાઠા સાથે બાળકોને પણ આપી શકો છો, તે પરાઠા સાથે પણ ખૂબ જ સ્વાદિષ્ટ લાગે છે.
રેસીપી ગમે તો લાઈક-શેર કરજો અને આવી યુનિક વાનગી માટે ગુજરાતી જાગરણ વાંચતા રહો.