દરેક લોકોએ બટેટા અથવા સરગવાનું શાક તો ખાધુ જ હશે, પરંતુ ક્યારેય સરગવા બટેટાનું મિક્સ શાક નહીં ટ્રાય કર્યું હોય, ચાલો જાણીએ તેની સરળ રેસીપી.
સરગવો, બટેટા, લસણ, લાલ મરચું પાઉડર, તેલ, રાઈ, હિંગ, ટમેટા, હળદર, મીઠું, ધાણાજીરું, પાણી, કોથમરી.
સૌ પ્રથમ સરગવાની સીંગના ટુકડા કરી એક પ્રેશર કૂકરમાં પાણી, આખા બટેટા, સરગવાના ટુકડા અને મીઠું ઉમેરીને બાફી લો.
એક ખાંડણીમાં લસણની કરીઓ અને લાલ મરચું પાઉડર ઉમેરીને ચટણી બનાવી લો.
હવે એક પેનમાં તેલ ગરમ કરી તેમાં રાઈ, હિંગ, ટમેટા, હળદર, મીઠું નાખીને વઘાર કરી લો.
હવે તેમાં ખાંડેલી લસણની ચટણી, બાફેલા બટેટાને સમારીને ઉમેરો અને ઉપરથી ધાણાજીરું નાખીને મિક્સ કરી લો.
હવે તેમાં જરૂર મુજબ પાણી અને બાફેલી સરગવાની શીંગ, ધાણાજીરું, લાલ મરચું પાઉડર અને કોથમરી ઉમેરીને મિક્સ કરી લો.
તૈયાર છે સરગવા બટેટાનું શાક, તમે સર્વ કરી શકો છો.