બટાકા અને વટાણાની કટલેસ તો તમે ખાધી હશે, આજે અમે તમને બ્રોકલીની કટલેસ બનાવવની રીત જણાવીશું.
બ્રોકલી, લીલા મરચાં, લસણ, બાફેલા બટાકા, લીલા લસણ, કોથમરી, શેકેલું જીરું, કાળા મરી પાઉડર, મીઠું, ચીઝ ક્યુબ, તેલ, બેસન.
સૌ પ્રથમ એક પેનમાં પાણી ગરમ કરી તેમાં બ્રોકલી ઉમેરીને ઉકાળી લો.
હવે એક મિક્ષર જારમાં લીલા મરચા, લસણ, બ્રોકલી ઉમેરીને ગ્રાઈન્ડ કરી લો.
હવે એક બાઉલમાં મિશ્રણ કાઢી તેમાં શેકેલું જીરું પાઉડર, મરી પાઉડર, બાફેલા બટાકા ઉમેરીને મેશ કરી લો.
હવે તેમાં કોથમરી, સ્વાદ પ્રમાણે મીઠું ઉમેરીને મિક્ષ કરી લો.
હવે તેમાં ચણાનો લોટ અને ચીઝ ક્યુબ ખમણીને ઉમેરો અને બરાબર મિક્ષ કરી કટલેટ બનાવી લો.
હવે એક નોન સ્ટીક પેન પર તેલ નાખી કટલેસ શેકી લો.
તૈયાર છે બ્રોકલી કટલેસ રેસીપી, તમે તમારી મનપસંદ ચટણી સાથે સર્વ કરો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.