દરેક ગુજરાતી લોકોને કઢી ખૂબ જ પસંદ હોય છે, આજે અમે તમને કાઠિયાવાડી કઢીની રેસીપી જણાવીશું.
કાઠીયાવાડમાં સાંજે વાળુ ટાણે એટલે કે ડિનમાં ખાટીમીઠી ગુજરાતી કઢી, બાજરીના રોટલા, ખીચડી ,પાપડ અથાણાં વગેરે ભોજન પીસરવામાં આવે છે, તમારે કાઠિયાવાડી સ્ટાઇલમાં ઘરે કઢી બનાવવી હોય તો નોંધી લો આ સરળ રીત.
2 વાટકી ખાટું દહીં,2 ચમચી ચણાનો લોટ,2 ગ્લાસ પાણી,1 વાટકી ગોળ,1 ચમચી મરચાની પેસ્ટ,1 ચમચી આદુની પેસ્ટ,1/2 ચમચી હળદર,1/4 ચમચી હિંગ,10 દાણા મેથી,1/2 ચમચી રાઈ અને જીરું,10 પાન મીઠો લીમડો,1 ચમચી સમારેલી કોથમીર,મીઠું સ્વાદ અનુસાર.
એક બાઉલમાં દહીં અને ચણાનો લોટ લઈ તેમાં થોડું પાણી અને મીઠું ઉમેરી સારી રીતે મિક્સ કરી લો.
એક કડાઈમાં તેલ ગરમ કરો અને તેમાં મેથીના દાણા, રાઈ, જીરુંને સાંતળી લો.
હવે તેમાં હિંગ, આદું,મરચાં, લીમડાના પાન નાખીને સાંતળીને હળદર નાખીને કઢીનો વઘાર કરી લો.
હવે પછી તેમાં ગોળ નાખીને બરાબર ઉકળવા દો.
હવે નીચે ઉતારી લો અને ગરમાગરમ સર્વ કરો.
રેસીપી ગમે તો લાઈક- શેર કરજો અને આવી વધુ રેસીપી માટે ગુજરાતી જાગરણ વાંચતા રહો.