સમગ્ર દેશમાં હોળીનો તહેવાર ધામધૂમથી ઉજવવામાં આવે છે, હોળી પર તમે ઘરે આવતા મહેમાનો માટે વિવિધ રેસીપી બનાવવાનું વિચારી રહ્યા છો.
હોળીની ઉજવણી લોકો રંગબેરંગી કલર ઉડાવીને મજા માણતા હોય છે. ત્યારે હોળીની ઉજવણીમાં વિવિધ પ્રકારની સ્વાદિષ્ટ ઠંડાઈ બનાવી શકો છો.
હોળી સ્પેશિયલ સ્વાદિષ્ટ ઠંડાઈ ઘરે જ બનાવાની યુનિક રેસીપી આજે અમે તમને જણાવીશું.
દૂધ, કાજુ, બદામ, પિસ્તા, તરબૂચના બીજ, ખસખસ, કાકડીની બીજ, કેસર, વરિયાળી, ખાંડ, મરી, જાયફળ પાઉડર, તજ પાઉડર.
સૌ પ્રથમ બદામ, પિસ્તા, તરબૂચના બીજ, ખસખસ, કાકડીની બીજ, વરિયાળી, મરી વગેરે વસ્તુઓને 2 કલાક પાણીમાં પલાળી દો.
હવે એક પેનમાં ક્રિમ વાળુ દૂધને ઉકાળવા માટે મુકો.
હવે એક મિક્સર જારમાં પલાળેલી બદામ, પિસ્તા, તરબૂચના બીજ, કાકડીની બીજ, વરિયાળી, મરીમાંથી પાણી કાઢી ઉમેરીને સ્મૂથ પેસ્ટ બનાવી લો.
હવે દૂધમાં થોડી થોડી ઠંડાઈની પેસ્ટ ઉમેરીને મિક્સ કરી લો.
હવે ઠંડાઈને ઠંડી થવા દો અને પછી ઠંડી થવા માટે ફ્રિજમાં મુકો.
તૈયાર છે હોળી સ્પેશિયલ ઠંડાઈ મસાલા તમે બરફ ઉમેરીને સર્વ કરી શકો છો.
રેસીપી ગેમ તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.