ઉનાળામાં લોકો ગરમીથી રાહત મેળવવા માટે ઠંડા પીણા પીતા હોય છે, આજે અમે તમને હેલ્ધી ડ્રિંક્સ ઘરે બનાવવાની સરળ રીત જણાવીશું.
આ શરબત સ્વાદમાં ટેસ્ટી હોવાની સાથે તેનું સેવન સ્વાસ્થ્ય માટે અનેક લાભ આપે છે.
કોકમ ફળ, પાણી, ખાંડ, એલચી પાઉડર, જીરું પાઉડર અને સંચળ.
સૌ પ્રથમ કોકમને સારી રીતે પાણીથી ધોઈને કાપી તેના બીજ અલગ કરી લો.
હવે તેનો પલ્પ અને બહારના ભાગને મિક્સર જારમાં પીસીને એક વાસણમાં ગળણીથી ગાળી લો.
હવે એક વાસણમાં ખાંડની ઘટ્ટ ચાસણી તૈયાર કરી તેમાં કોકમનો પલ્પ ઉમેરી બરાબર મિક્સ કરો.
હવે તેમાં જીરું પાઉડર અને એલચી પાઉડર ઉમેરો.
હવે આ મિશ્રણને થોડીવાર ફ્રિજમાં ઠંડુ કરવા મૂકો અને પછી તેને એક ગ્લાસમાં એક ચમચી કોકમ સીરપ લઈને મિક્સ કરીને પીઓ.