દરેક લોકોને નાસ્તામાં મમરા પ્રિય હોય છે. સેવ અને સીંગદાણાના વધાર સાથે મમરા ખાવાનો આનંદ અલગ હોય છે.
આજે અમે તમને લણસીયા સેવ મમરા બનાવવાની યુનિક રીત જણાવીશું, જે તમે ઘરે બજાર જેવા ટેસ્ટી અને ક્રિસ્પી ચટાકેદાર લણસીયા સેવ મમરા બનાવી શકો છો.
લસણ, કાશ્મીરી લાલ મરચું પાઉડર, મમરા, મોળી સેવ, તેલ, હળદર, હિંગ, મીઠા લીમડીના પાન તળેલા સીંગદાણા, સ્વાદ અનુસાર મીઠું.
સૌ પ્રથમ લસણની 10 - 12 કળી અને કાશ્મીરી લાલ મરચા પાઉડરને ખાંડણીમાં નાખીને બરાબર ખાંડી લો.
હવે એક કડાઇમાં મમરા ઉમેરીને શેકી લો, ત્યારબાદ સીંગદાણાને તેલમાં તળી લો.
હવે એક કડાઇમાં 2 ચમચી તેલ ગરમ કરી તેમા ખાંડલી લસણ વાળી ચટણી, મીઠા લીમડાના પાન અને હિંગનો વઘાર કરો.
હવે તેમાં હળદર, મીઠું અને મમરા ઉમેરી બધી સામગ્રી બરાબર મિક્સ કરી લો.
છેલ્લે મમરામાં ઝીણી સેવ, ફ્રાય કરેલા સીંગદાણા ઉમેરીને મિક્સ કરી લો.
તૈયાર છે બજાર જેવા જ ચટાકેદાર ક્રિસ્પી લણસીયા સેવ મમરા, તમે નાસ્તામાં સર્વ કરી શકો છો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.