પેટીસ તો દરેક લોકોએ ખાધી હશે, પરંતુ તે ઘરે પરફેક્ટ બનતી નથી હોતી. ચાલો જાણીએ લીલા વટાણાની પેટીસની રેસીપી.
બટાકા, બેસન, લીલા વટાણા, લીંબુનો રસ, લીલા મરચા, આદુ, લસણ, કોથમીર, સફેદ તલ, ખાંડ, ગરમ મસાલો, મીઠું, નારિયેળ, તેલ, જીરું, ખાવાનો સોડા, મીઠો લીમડો.
સૌ પ્રથમ બટાકાને બાફી તેની છાલ ઉતારી તેને મેશ કરી તેમાં બેસન ઉમેરીને મિક્સ કરી લો.
હવે એક મિક્સર જારમાં આદુ-મરચા-લસણ અને લીલા વટાણાના દાણા ઉમેરીને ગ્રાઈન્ડ કરી લો.
હવે એક પેનમાં તેલ ગરમ કરી તેમાં જીરું,મીઠો લીમડો સાંતળી તેમાં વાટાણાનું મિશ્રણ ઉમેરીને મિક્સ કરી લો.
હવે તેમાં જણાવેલ મસાલા, સફેદ તલ અને લીંબુનો રસ ઉમેરીને મિક્સ કરી લો.
હવે બટાકાની મેશમાંથી લૂઆ વાળી તેને પુરી જેવું બનાવીને તેની પર લીલા વટાણાનું સ્ટફિંગ ભરી પેટીસ બનાવો.
હવે એક કડાઈમાં તેલ ગરમ કરી તેમાં પેટીસને તળી લો.
તૈયાર છે લીલા વટાણાની પેટીસ, તમે મનપસંદ ચટણી સાથે સર્વ કરી શકો છો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.