વેજ મસાલા સેન્ડવીચ એ ભારતનું એક લોકપ્રિય સ્ટ્રીટ ફૂડ છે, તમે બટાકાનો છુંદો,ટામેટાં, ડુંગળી, કેપ્સીકમ વગેરે મસાલા ઉમેરીને ટેસ્ટી આલૂ સેન્ડવીચ બનાવી શકો છો.
બ્રેડ સ્લાઇસ, કોથમીરની લીલી ચટણી, ટામેટા, ડુંગળી, કેપ્સીકમ, ચાટ મસાલા, મરીનો પાઉડર, મીઠું, બટર, રાઈ, હળદર, લીંબુનો રસ.
સૌ પ્રથમ કોથમરીની લીલી ચટણી બનાવી લો.
હવે એક કૂકરમાં બટાકાને મીઠાવાળા પાણીમાં હળવા બાફીને પછી છાલ કાઢીને છૂંદો બનાવો.
હવે એક કડાઈમાં તેલ ગરમ કરી તેમાં રાઈ, બારીક સમારેલી ડુંગળી અને લીલું મરચાની કટકી નાખીને સાંતળી લો.
હવે તેમાં હળદર, બટાકાની મેશ, લીલા ધાણા અને લીંબુનો રસ નાખી બરાબર મિક્સ કરી લો.
હવે બ્રેડ સ્લાઇસ પર એક બાજુ ચાકૂથી બટર ફેલાવી તેના પર બટાકાનો મસાલો ભરી સેન્ડવીચને ટોસ્ટરમાં ટોસ્ટ કરી લો.
તૈયાર છે આલૂ સેન્ડવીચ, તમે ટોમેટો કેચપ અને લીલી ચટણીની સાથે ગરમ સર્વ કરો.