બાળકોને નાસ્તામાં શું આપવું તે ચિંતા છે? સાથે બાળકો શાકભાજી ખાતા નથી, તો બનાવો વેજીટેબલ પેનકેક જે બાળકોને ભાવશે.
કોબી, ગાજર, કેપ્સિકમ, મીઠું, ધાણાજીરું, લાલ મરચું પાવડર, હળદર, આદુ મરચાની પેસ્ટ, ચોખાનો લોટ, ચણાનો લોટ, કોથમરી, તલ, મરીનો પાવડર, તેલ.
કોબી-ગાજર ખમણી લો, કેપ્સિકમ-કોથમરીને બારિક સમારી લો. આદુ-મરચાની પેસ્ટ બનાવી લો.
હવે એક બાઉલમાં તમામ શાકભાજી અને ઉપરના તમામ મસાલા મિક્સ કરી જરૂર મુજબ પાણી ઉમેરી લોટ બાંધો.
પછી નાના નાના બોલ બનાવી પ્લાસ્ટિક પેપર કે પાટલી પર જાડી ભાખરી જેવો આકાર આપો.
પછી પેનમાં તેલ લગાવી તેને શેકી લો. તૈયાર છે તમારી હેલ્ધી વેજીટેબલ પેનકેક. ટામેટા સોસ કે ચટણી સાથે સર્વ કરો.