શિયાળામાં ગરમા ગરમ આલૂ, મેથી કે મૂળાના પરોઠા, તમે ખાધા હશે પરંતુ તમે લીલા મકાઈના પરોઠા નહીં ટ્રાય કર્યા હોય, નોંધી લો રેસીપી.
સ્વીટ કોર્ન, આદુ-મરચાની પેસ્ટ, કેપ્સીકમ, કોથમીર, બેસન, ચોખાનો લોટ,અજમો, હિંગ, મીઠું, ગરમ મસાલો, તલ, મગફળી પાવડર, સુકા નારિયેળ, લીંબુનો રસ, હળદર પાવડર, લાલ મરચું પાવડર, કાળા મરી પાઉડર.
સૌ પ્રથમ એક બાઉલમાં લીલી મકાઈને ખમણી લો.
હવે તેમાં કેપ્સીકમ, આદુ મરચાની પેસ્ટ,અજમો, સફેદ તલ, મીઠું, મસાલા વગેરે નાખીને મિક્સ કરી લો.
હવે તેમાં કોથમરી, મગફળીનો ભુકો, ચોખાનો લોટ,ચણાનો લોટ, હિંગ, હળદર, મરચું પાઉડર ઉમેરો.
હવે તેમાં નારિયેળનું ખમણ,કાળા મરી પાઉડર,લીંબુનો રસ અને થોડું પાણી ઉમેરીને થીક બેટર બનાવી લો.
હવે એક તવો ગરમ કરી તેની ઉપર તેલ લગાવીને બેટર ફેલાવીને પરાઠા શેકી લો.
તૈયાર છે લીલી મકાઈના પરોઠા, તમે લીલી ચટણી સાથે સર્વ કરી શકો છો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.