મોટાભાગના લોકોએ ભરેલા રીંગણા, ભીંડાનું શાક તો ખાધુ જ હશે, આજે અમે તમને ભરેલા મરચાનું શાક કે સંભારો બનાવવાની રીત જણાવીશું.
મરચાં,ગાંઠીયાનો ભુક્કો, શેકેલા શીંગદાણાનો ભુક્કો, સફેદ તલ, ધાણાજીરું, હળદર, લાલ મરચું, ખાંડ, મીઠું, તેલ, જીરુ, અજમો, હિંગ.
સૌ પ્રથમ મરચાને ધોઈ સાફ કરી લો, એક એક મિક્સર જારમાં ગાંઠીયા,શીંગદાણા,તલને ક્રશ કરી લો.
મરચાને વચ્ચે ચપ્પુની મદદથી ચેકા પાડીને અંદરથી બીજ કાઢી લો અને એક બાઉલમાં ક્રશ કરેલા ગાંઠિયા, તલ,શીંગદાણાનો ભુક્કો,ધાણાજીરું પાઉડર,હળદર,મીઠું,ખાંડ,લાલ મરચું ઉમેરીને મિક્સ કરી લો.
મરચાને દબાવીને મસાલો ભરો અને એક કડાઈમાં તેલ ગરમ કરીને તેમાં જીરું,અજમો,હિંગ નાખી મરચાં વઘારી લો.
હવે તેની ઉપર ઢાંકણ ઢાંકીને ધીમા તાપે પકાવો અને વચ્ચે વચ્ચે હળવા હાથે હલાવતા રહો.
વધેલું પુરણ ઉપરથી છાંટીને મરચાંને ગેસ પરથી ઉતારીને સર્વ કરો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.