શિયાળામાં ચટપટું અને ઓછા તેલમાં નવો નાસ્તો ઝટપટ બનાવવા માંગતા હોવ તો તમે આ રેસીપી ટ્રાય કરી શકો છો.
મકાઈનો લોટ, મેથીના પાન, લીલા મરચાં, લીલા વટાણા, લીલી તુવેર, આદુ, મીઠું,ગોળ, દહીં, અજમો, તલ, લાલ મરચું પાવડર, હળદર, ઈનો, ધાણા જીરું પાઉડર.
સૌ પ્રથમ એક મિક્સર જારમાં આદુ મરચા, લીલા વટાણા, લીલી તુવેરના દાણા ઉમેરીને ગ્રાઈન્ડ કરી લો.
હવે એક બાઉલમાં મકાઈનો લોટ, મીઠું, તલ, અજમો, લાલ મરચું પાઉડર, હળદર, ધાણાજીરું પાઉડર અને તેલ ઉમેરીને મિક્સ કરી લો.
હવે તેમાં ઝીણી સમારેલ મેથીના પાન, ગ્રાઈન્ડ કરેલ પેસ્ટ, દહીં અને પાણી ઉમેરીને લોટ બાંધી લો.
હવે લોટમાંથી મુઠીયા વાળી સ્ટીમ કરવા મૂકો.
હવે એક પેનમાં તેલ ગરમ કરી તેમાં રાઈ,જીરું, તલ અને મીઠા લીમડાનો વઘાર કરી તેમાં સ્ટિમ કરેલ મુઠીયા ઉમેરીને મિક્સ કરી લો.
તૈયાર છે રાજસ્થાની સ્ટાઈલ મકાઈના લોટના મુઠીયા, તમે ચટણી સાથે સર્વ કરી શકો છો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.