પરાઠા તો દરેક લોકોએ ખાધા જ હશે, પરંતુ તમે ગોબીના પરાઠા નહીં ટ્રાય કર્યા હોય, આજે અમે તમને ફ્લાવર ગોબીના પરાઠા બનાવવાની રીત જણાવીશું.
ફુલગોબી, મીઠું, ઘઉંનો લોટ, ચણાનો લોટ,પાણી, લાલ મરચું પાવડ, ધાણાજીરું, હળદર, ગરમ મસાલો, ચાટ મસાલો,આદુ મરચાની પેસ્ટ, કોથમરી, તેલ, જીરું, અજમો, હિંગ,
સૌ પ્રથમ ફુલગોબીને ઝણું સમારી ખમણી વડે છીણી લો.
હવે તેમાં મીઠું નાખીને થોડી વાર પછી તેમાંથી પાણી નીતારી લો.
હવે એક બાઉલમાં ઘઉં અને ચણાનો લોટ લઈ તેમાં ફ્લાવરમાંથી નીતારેલ પાણી વડે લોટ બાંધી લો.
હવે ફ્લાવરના છીણમાં લાલ મરચું પાઉડર, ધાણાજીરું, હળદર, ગરમ મસાલો, ચાટ મસાલો, આદુ-મરચાની પેસ્ટ અને કોથમરી નાખીને સ્ટફિંગ તૈયાર કરી લો.
હવે એક પેનમાં તેલ ગરમ કરી તેમાં જીરું,અજમો,હિંગ ઉમેરીને તેમાં સ્ટફિંગ ઉમેરો અને ઉપર થોડું મીઠું નાખીને મિક્સ કરી લો.
હવે લોટમાંથી લૂઆ બનાવી પરાઠાનું સ્ટફિંગ ભરી ફરીથી પરાઠા વણી લો.
હવે એક તવો ગરમ કરી તેની પર પરાઠા શેકી લો.
તૈયાર છે ગોબીના પરાઠા, તમે સર્વ કરી શકો છો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.