Bhavnagar Weather Forecast: ભાવનગરમાં આજે કેવું રહેશે હવામાન, જાણો 9 ઓગસ્ટ સુધીની આગાહી

Bhavnagar Weather Forecast Today and Tomorrow | આજનું ભાવનગરનું હવામાન (4 ઓગસ્ટ 2026): ભાવનગર સહિત રાજ્યમાં આગામી એક સપ્તાહ સુધી ભારે વરસાદની કોઇ ચેતાવણી નથી. જોકે આજે ભાવનગર શહેર અને જિલ્લામાં છૂટાછવાયા સ્થળોએ હળવોથી મધ્યમ વરસાદ થવાની શક્યતા હવામાન વિભાગે વ્યક્ત કરી છે. જોકે વરસાદનું જોર સામાન્ય કે તેથી ઓછું હોઇ શકે છે. આગામી 9 ઓગસ્ટ સુધી શહેર અને જિલ્લામાં આ જ પ્રકારનો વરસાદી માહોલ રહી શકે છે. વરસાદની શક્યતા નહીવત જેવી હોવાથી તાપમાનનો પારો ઉંચો જઇ શકે છે.

ભાવનગરમાં આજે કેવું રહેશે હવામાન?

હવામાન વિભાગ દ્વારા કરવામાં આવેલી અનુસાર આજે ભાવનગરમાં પવન ફૂંકાઇ શકે છે અને છૂટાછવાયા સ્થળોએ હળવોથી મધ્યમ વરસાદ થવાની શક્યતા છે. 5થી 9 ઓગસ્ટ દરમિયાન શહેર કે જિલ્લામાં છૂટાછવાયા સ્થળોએ હળવાથી મધ્યમ વરસાદી ઝાપટાં વરસી શકે છે. ભારે વરસાદ થવાની હાલ કોઇ ચેતાવણી નથી.

ભાવનગરમાં આજે કેટલું રહેશે તાપમાન?

ભાવનગર શહેરના મહત્તમ અને લઘુત્તમ તાપમાનની વાત કરીએ તો આજે મહત્તમ તાપમાન 33 ડિગ્રીની આસપાસ રહેવાની શક્યતા છે. જ્યારે લઘુત્તમ તાપમાન 25 ડિગ્રી સુધી રહી શકે છે. 9 ઓગસ્ટ સુધી શહેરમાં મહત્તમ તાપમાન 32થી 34 ડિગ્રીની આસપાસ અને લઘુત્તમ તાપમાન 24થી 25 ડિગ્રી સુધી રહેવાની શક્યતા છે.

ગુજરાતના અન્ય જિલ્લાઓ અંગે શું છે હવામાનની આગાહી

હવામાન વિભાગ અનુસાર, 4થી 9 ઓગસ્ટ દરમિયાન રાજ્યમાં છૂટાછવાયા સ્થળોએ હળવા વરસાદી ઝાપટાં વરસી શકે છે. મહીસાગર, દાહોદ, પંચમહાલ, વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ જિલ્લામાં કેટલાક સ્થળોએ હળવોથી મધ્યમ વરસાદ થઇ શકે છે. જ્યારે કચ્છ, મોરબી, જામનગર, દેવભૂમિ દ્વારકા, પોરબંદર, જૂનાગઢ, ગીર સોમનાથ, અમરેલી, ભાવનગર, રાજકોટ, બોટાદ, સુરેન્દ્રનગર,અમદાવાદ, ગાંધીનગર, મહેસાણા, પાટણ, વાવ-થરાદ, બનાસકાંઠા, સાબરકાંઠા, અરવલ્લી, ખેડા, આણંદ જિલ્લામાં છૂટાછવાયા સ્થળોએ હળવોથી મધ્યમ વરસાદની સંભાવના છે.

દક્ષિણ-પશ્ચિમ રાજસ્થાન પર બનેલું લો-પ્રેશર હવે નબળું પડ્યું

ચોમાસું ટ્રફ હાલમાં બિકાનેર, દિલ્હી, લખનૌ અને પટના થઈને પસાર થઈ રહ્યો છે. દક્ષિણ-પશ્ચિમ રાજસ્થાન પર બનેલું લો-પ્રેશર હવે નબળું પડ્યું છે, પરંતુ તેના કારણે સર્જાયેલું સાયક્લોનિક સર્ક્યુલેશન હાલમાં ઉત્તર-પૂર્વ રાજસ્થાન પર સમુદ્ર સપાટીથી 1.5 થી 3.1 કિલોમીટરની ઊંચાઈએ સક્રિય છે. જમ્મુ અને તેની આસપાસના વિસ્તારોમાં વેસ્ટર્ન ડિસ્ટર્બન્સ સર્જાયેલું છે. આ ઉપરાંત, દક્ષિણ ગુજરાતથી ઉત્તર કેરળ સુધી ફેલાયેલી ઓફ-શોર ટ્રફ હવે નબળી પડી ગઈ છે, અને હાલમાં નીચલા સ્તરે પશ્ચિમથી દક્ષિણ-પશ્ચિમ દિશાના પવનો ફૂંકાઈ રહ્યા છે.

ભાવનગર જિલ્લામાં સિઝનનો કુલ વરસાદ વરસ્યો

ચોમાસું 2026ની સિઝનમાં અત્યારસુધીમાં ભાવનગર જિલ્લામાં સરેરાશ 648.5 મિ.મી.ની સરખામણીએ 443.2 મિ.મી. વરસાદ વરસી ચૂક્યો છે. એટલે કે સિઝનનો 68.34 ટકા વરસાદ અત્યારસુધીમાં થયો છે. અહીં જિલ્લામાં તાલુકાવાર સિઝનનો કેટલો વરસાદ પડ્યો તેની વિગતો અહીં કોષ્ટકમાં આપવામાં આવી છે.